Dy lirika nga mosha e rinisë

July 28, 2016 10:09

Dy lirika nga mosha e rinisë

 

Pashë një ëndërr…

 

Nuri i vdekjes të kish rënë,
në mes lulesh shtrirë,
ike ti dhe gjithë Bota,
u bë shkretëtirë.

Hidhërim’ i drithëruar,
o-ç’m’i mori mëntë,
derdhej lot i syrit tim,
përmbi syrin tënd.

Qerpik’ i syrit të zi,
s’lëvizte një fije,
eh-se ç’kohë të vështirë,
gjete që të flije.

Më le në botën e marrë,
vetëm-fillikat,
këtë lule të florinjtë,
mos ma merr-moj baltë!

Po papritur-ja-u zgjova,
kisha parë ëndërr,
ti-në gjirin tim të ngrohtë,
flije si një ëngjëll.

Zgjohu-jetën ta gëzojmë,
me mish e me zëmër,
se një ditë-e vërtetë,
do të jetë kjo ëndërr!

Nuk do rrojmë njëmijë vjet,
o njerëz të gjorë,
jeta vjen e shkon papritur,
si një meteor…

Mistra, Greqi -1994

 

Dritë-o dritë e xixëllonjës

Dritë-o dritë e xixëllonjës,
ndrit e ndrit hapat e zonjës,
që del vetëm nëpër netë,
si në vajzëri të shkretë.

Dritë-o dritë e xixëllonjës,
ndrit e ndrit gjirin e zonjës,
që me naze vajzërie,
digjet prush në një korie.

Dritë-o dritë e xixëllonjës,
ndrit e ndrit gjirin e zonjës,
nëpër gjinj e nëpër shalë,
si qiri tretet një djalë.

Dritë-o dritë e xixëllonjës,
ndrit e ndrit gjirin e zonjës,
aty sosi dalëngadalë,
shpirt’ i një të shkreti djalë.

5.12.1977

July 28, 2016 10:09
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*