E FUNDIT / Zbulohen 7 mënyrat më efikase si të Luftoni Koronën e Virusit

Nga Arkiva

• Premtonin punë jashtë shtetit, në kërkim dy mashtrues 0 05.Jul
• Aksidentohen burrë e grua në autostradë, dëshmitarët: Drejtuesi i mjetit humbi shumë gjak 1 08.May
• Fidanët e brishtë të projektit për rehabilitimin e Lurës përndiqen nga akuza 0 23.Jun

-Sigurohuni që sa herë vendosni të gatuani lakuriqë nate, nuselale apo kafshë të tjera të shijshme, piqini në temperaturë mbi 150 gradë për të vrarë të gjitha bakteret.

-Nëse besoni se jeni infektuar, lini takim me Doktorin, takohuni me të, shtrëngoni duart, bisedoni nga afër, mundësisht ktheni ndonjë gllënjkë raki nga e njëjta shishe dhe të jeni i sigurtë se brenda pak vitesh do t’ju ngrenë lapidar në mes të Tiranës.

-Bëhuni racionalë. Ndërsa jeni në ambiente të mbyllura, teshtini direkt në fytyrën e njeriut më të afërt, duke kufizuar shpërndarjen dhe shpëtuar të tjerët atypari.

-Izolojeni familjarin e infektuar në një dhomë të veçantë dhe talleni lamashin përmes derës së mbyllur, pse u tregua kaq qurrash dhe i pazoti. Kërkojini falje dhe thuajini se bëtë shaka, të nesërmen kur t’i bashkoheni në dhomën e izoluar.

-Përderisa kemi dëgjuar kaq fjalë të mira për hudhrën, tumerikun pluhur, kanellën dhe çdo erëz që ka antioksidantë, lyejeni trupin me to dhe marinohuni për 6-7 orë.

-Shikoni anën pozitive të gjërave: Tani që jeni bashkë në shtëpi, perfeksiononi mënyrat se si t’u shmangeni bashkëshortëve-eve. Nëse ajo shkon në kuzhinë, ti dil në ballkon, shko në bahçe, rri nga pishina, kalo kohë në studio, rri në garazh gjasme po rregullon skafin, ose mbyllu në dhomë dhe regjistro videomesazhe për popullatën, ku i këshillon të bëjnë ushtrime frymëmarrje joga dhe të hanë sa më pak.

-Përderisa keni plot kohë në dispozicion, regjistrohuni online dhe merrni diplomën e epidemiologut brenda katër ditësh, në universitetin henriçilistik të Tiranës. Nxitoni, nxitoni…

*****

SHËNIM / E tepërt ta themi, Gojët e Liga është rubrikë satirike. Covidi jo.