E pabesueshme: Ja arsyeja përse u anullua filmi i aktorit Nik Xhelilaj

August 18, 2016 18:26

E pabesueshme: Ja arsyeja përse u anullua filmi i aktorit Nik Xhelilaj

 

Producenti i famshëm turk Mustafa Çorbaxhi deklaroi të mërkurën se u detyrua të anullojë krejt filmin e ri me buxhet 18 milionë dollarë, ku luante me një rol kryesor edhe aktori i njohur shqiptar Xhelilaj, mësojnë Gojët e Liga.

Arsyeja është sa e pazakontë, aq edhe e pafalshme për profesionalizmin e stafit të xhirimit. Gjatë montazhit dhe procesit të post-produksionit, u zbulua se protagonisti Xhelilaj kishte një copë spinaqi në dhëmbë gjatë pothuajse gjithë xhirimeve katër mujore të filmit.

“Është gjynah, sepse loja e Xhelilajt ishte mbresëlënëse”, tha producenti Çorbaxhi, duke shpjeguar se spinaqi ishte evident sa herë aktori hapte gojën. Me keqardhje, ai bëri me dije se përpjekjet e panumërta të stafit të post-produksionit nuk gjetën dot një zgjidhje.

Krejt ndryshe ka ndodhur dy vjet më parë, siç mund t’ju kujtohet, me filmin e bashkëprodhuar belgo-luksemburgas ku shfaqej aktori tjetër i njohur shqiptar, Blerim Destani.

Ky i fundit shfaqej vazhdimisht me xaxiq në buzën e sipërme, por problemi u zgjidh duke shtuar në mënyrë dixhitale një sufllaqe në dorën e tij, në çdo skenë ku shfaqej Destani.

 

***

Shënim: Gojët e Liga është rubrikë satirike. Ngjarjet e mësipërme mund të kenë ndodhur, ose jo.

August 18, 2016 18:26
Komento

3 Komente

  1. Ben August 19, 12:41

    ????,humor pa lidhje.

    Reply to this comment
  2. Mark uk August 23, 16:59

    Po turk te mire e mute te mire nūk gjinden ne gjith boten.

    Reply to this comment
  3. Mark uk August 25, 13:37

    PUNE TURQISH HESAPI.

    Reply to this comment
Shiko komentet

Komento

Your e-mail address will not be published.
Required fields are marked*