E vërteta e Ben Blushit dhe një kapriçio e Ramës?

Andrea Stefani February 7, 2016 21:15

E vërteta e Ben Blushit dhe një kapriçio e Ramës?

Pikat kryesore

  • Pa e neglizhuar edhe këtë optikë, nuk mund të themi se Blushi nuk ka të drejtë në problemin që ngre. Ai vepron gabim kur, për shembull, akuzon se deputetët socialistë po vjedhin pa dhënë asnjë fakt, as edhe një emër. Të pa shoqëruara deri edhe me denoncime në prokurorie, këto deklarime janë në stilin e “llafeve të kazanit” të Berishës. Por nuk mund të thuash se Blushi vepron gabim kur kërkon zbatimin e statutit...
  • PS nuk duhet të ndjekë praktika që i japin rast madje edhe Berishës, varrmihësit më të palodhur të demokracisë në një parti, të ngrihet dhe ta kritikojë PS për mungesë demokracie! Rama duhet t’ia kursejë socialistëve situata të tilla groteske

E kam kritikuar dhe kam debatuar në “Opinion” me Ben Blushin kur pas zgjedhjeve të vitit 2009 kërkonte, në përputhje me statutin e PS, që Edi Rama të dorëhiqej edhe pse Sali Berisha refuzonte të hapte kutitë, një indicie kjo se zgjedhjet kishin qenë të grabitura. E kam kundërshtuar edhe kohë më vonë kur i është rikthyer kërkesës që Edi Rama, në funksionin e kryetarit të PS, duhet t’i nënshtrohet zgjedhjeve, po sipas statutit.

Jo se kërkesa nuk qe e drejtë, por sepse pas saj shquaja, intuitivisht, qëllime që pak kishin të bënin me një shqetësim të vërtetë për demokracinë në PS dhe më gjerë. Madje në funksion të kësaj të fundit, e kam kritikuar Blushin nga se ka qenë një ndër mbrojtësit më të flaktë të ndryshimeve antidemokratike të Kushtetutës në vitin 2008 që kanë rezultuar, dhe siç e kanë pranuar edhe autorët e tyre (përveç Berishës), qartazi në frymë autokratike. Shqetësimi për demokracinë në parti në një kohë që mbështet prishjen e balancave institucionale që pengonin degradimin e demokracisë në shtet?!

 

*****

Të shpalosura thuajse paralel me pozicionime jo në favor të një demokracie të shëndetshme në shtet, shqetësimet e Blushit për demokracinë e brendshme në parti (PS) flisnin, në rastin më të mirë, për një ambicie konkurruese por jo për një shqetësim parimor. Por nuk mund të shmanget një dozë spekulative në supozimet se çfarë fshihet pas kësaj. Por gjithsesi, pa e neglizhuar edhe këtë optikë, nuk mund të themi se Blushi nuk ka të drejtë në problemin që ngre. Ai vepron gabim kur, për shembull, akuzon se deputetët socialistë po vjedhin pa dhënë asnjë fakt, as edhe një emër. Të pa shoqëruara deri edhe me denoncime në prokurorie, këto deklarime janë në stilin e “llafeve të kazanit” të Berishës.

Por nuk mund të thuash se Blushi vepron gabim kur kërkon zbatimin e statutit. Madje, i shkëputur nga gjithë atmosfera e intrigës që mbështjell politikën, mund të themi se aksioni i tij është, në vetvete, i dobishëm për demokracinë në PS. Sepse vërtet demokracia në një parti është inferiore përballë demokracinë në shtet, sepse vërtet partitë janë të prirura natyrshëm për nga oligarkia dhe, në një masë ose në një tjetër, për ta butaforizuar demokracinë e tyre të brendshme por, pikërisht për këtë, përpjekja për t’i mbajtur ato sa të jetë e mundur më demokratike, është një mundim që ja vlen.

 

*****

Dhe lëvizja e Blushit, pavarësisht nga motivet që e shtyjnë atë, i shërbejnë këtij qëllimi ndërkohë që mund të thuhet e kundërta për reagimet thuajse në bllok ndaj kritikave të tij. Uniteti i shtabeve drejtuese të PS rreth kryetarit të saj, për më tepër haptas kundër statutit të partisë që vetë e kanë miratuar, shfaqet shqetësues për të mos thënë i neveritshëm.

Në një nga librat e tij, Henri Kisinger (Henry Kissinger), jep të kuptohet se detyrë e politikës nuk është kontrolli i poshtërsisë por që t’u vërë kufij atyre liderëve që mendojnë se përherë kanë të drejtë dhe epërsi morale mbi të tjerët, se janë të virtytshëm. Këta janë njerëzit më të rrezikshëm.

Kisingeri përdor termin “righteousness” një term i huazuar nga fetë që ka shërbyer për të treguar një mënyrë të jetuarit pëlqyeshëm nga Zoti. Por pikërisht politikanët, aq më tepër ata me natyrë autoritare, kanë prirjen ta quajnë veten “righteous”. Dhe kur një lider e merr veten për të tillë, do të këmbëngulë të ndjekë objektiva të pa kufizuara nga asgjë, madje edhe nga statuti i partisë apo kushtetuta e një shteti.

Në këto rast nuk ka shpëton dot demokracia. Ajo është indiferente, inerte ndaj vlerave. Por na shpëtojnë pikërisht institucionet që, sipas Fukajamës (Fukuyama), janë rregulla që drejtojnë sjelljen tonë, në radhë të parë të liderëve. Na shpëtojë institucione si statutet, rregulloret, kushtetutat shkak i lindjes së të cilave është ligësia jonë.

Se po të mbretëronte virtyti nuk do kishim nevojë as për parti e jo më për statute dhe kushtetuta. Prandaj kudo që ato dhunohen, duhet të alarmohemi sepse janë sinjale që na tregojnë se ka mbirë lideri i pagabueshëm (righteous) si dhe, kuptueshëm, edhe oborri i servilëve përreth tij.

Dhe liderë të tillë nuk janë shpëtimi por shkaku i katastrofave në demokraci. Nëse shqiptarët nuk e kanë mësuar kaq gjë pas 45 vjet diktaturë dhe 25 vjet demokraturë liderësh të pakufizuar në vullnetet dhe kapriçiot e tyre, nuk do të mësojnë kurrë nga pësimet!

 

*****

Rama, dhe të tjerë në lidershpin e PS, kundërshtojnë të bëjnë zgjedhje për kryetarin me sofizmin se kështu vepron edhe Partia Laburiste britanike kur është në qeveri. Një mbrojtje e dobët që nuk e fsheh konformizimin, e të gjithë atyre që e zhvillojnë këtë avokati, me vullnetin apo më saktë, kapriçion e Ramës (sepse aty ku nuk ka një arsye ka një kapriçio ndërsa është e vështirë të gjesh fillin se përse, edhe pse është e sigurt që rikonfirmohet si kryetar, Rama këmbëngul të mos bëhen zgjedhje) për të mos respektuar një rregull statutor.

E vërteta është se duke mos bërë zgjedhje për postin e kryetarit të partisë ndërsa ky është kryeministër, pra fitimtar në zgjedhje, Partia Laburiste respekton një kërkesë të statutit të saj në të cilin shkruhet: “Kur Partia Laburiste Parlamentare është në qeveri dhe lideri i saj apo zëvendësi i tij është kryeministër ose pjesë e kabinetit qeveritar, zgjedhjet mund të mbahen vetëm me kërkesën e shumicës votave përfaqësuese në konferencën e partisë”.

Ndërkaq nuk është fare kjo situate në PS. Statuti i saj kërkon prerë që Kongresi të mblidhet një herë në 4 vjet dhe, në një tjetër nen të tij, sanksionohet që kryetari i PS zgjidhet po një herë në 4 vjet. Prandaj mund ta dyshosh sa të duash, por, në këtë rast, nuk mund t’i thuash Blushit se kërkesa e tij është e padrejtë. Përkundrazi, i padrejtë është reagimi i partisë ndaj Blushit. Një reagim që nuk justifikohet dot as me huazimin e përvojën angleze të Partisë së Toni Blerit (teknikë që na kujton edhe spekulimin e dikurshëm të Berishës dhe Bashës për të shmangur tenderimet për rrugën Durrës-Kukës duke përdorur legjislacionin britanik) dhe as me faktin që PS ka fituar dy palë zgjedhje rresht.

 

*****

Dallimi është i qartë: Laburistët nuk bëjnë zgjedhje për kryetarin e partisë, kur ky i fundit është kryeministër, duke zbatuar statutin e partisë ndërsa socialistët shqiptarë, e dhunojnë statutin e PS duke mos bërë zgjedhje! Reagimi në PS kundër një kërkese të bazuar në statut, është shenjë e fillesës së një tiranie të shumicës absolute të themeluar në unitetin rreth liderit. Por statutet janë shpikur që liderët të mos bëjnë çfarë të duan edhe kur mbështeten nga shumicat.

Statutet aprovohen demokratikisht pikërisht që, në emër të disa parimeve universale dhe të paprekshme, të shpërfillin kontingjencat e liderëve dhe shumicave, që ata të mos kultivojnë ambicie të pakufizuara. Shkurt, statuti është bërë që, në një farë mënyre, të “shpërfillë demokracinë”! Si një Bankë Qendrore që po të zbatojë “demokratikisht” dëshirat e publikut, do çonte në rrënimin e ekonomisë pra edhe të publikut vetë. Të njëjtin funksion kanë edhe kushtetutat në shtet apo statutet në parti.

Prandaj dhunimi i tyre është alarmant. Sepse na tregon që liderët, të mbështetur nga servilizmi i shumicave, po shkelin aty ku, për të mirën e demokracisë dhe lirisë të gjithsecilit, nuk është e lejueshme të shkelin.

 

*****

Por si duhej të vepronte Rama dhe PS në këtë rast? Kam mendimin se duhet të zbatonte statutin, të bënte zgjedhje (që me shumë gjasa do rikonfirmonin Ramën si kryetar të saj) dhe, më pas, Kongresi mund të adaptonte përvojë e Partisë Laburiste duke amenduar edhe Statutin. Por dhunimi i Statutit, sado të forta dhe të bazuara të jenë “arsyet” për një gjë të tillë është, në vetvete, një precedent i rrezikshëm që asnjë lider që vërtet preokupohet për të ardhmen demokratike të saj, nuk do ja këshillonte partisë së vet e aq më pak, ta udhëhiqte drejt një dhunimi të tillë.

Dhe më në fund, PS nuk duhet të ndjekë praktika që i japin rast madje edhe Berishës, varrmihësit më të palodhur të demokracisë në një parti, të ngrihet dhe ta kritikojë PS për mungesë demokracie! Rama duhet t’ia kursejë socialistëve situata të tilla groteske.

Andrea Stefani February 7, 2016 21:15
Komento

31 Komente

  1. LORA February 7, 01:00

    Mjerim,kjo eshte analiza me koti qe kam lexuar prej A.Stefanit.
    Me vjen neveri qe edhe Stefani qenka rekrutuar ne misionin e shberjes se vullnetit te shenjteruar te 23 qershorit 2013.,te shqiptareve ne shumice te cilesuar.

    Reply to this comment
    • mjerim & krim February 7, 02:35

      jo vetem mjerim por dhe kuazi-krim do ta quaja kete artikull.

      Zoti Stefani duket hapur qe nga nje analist i pelqyer ne Dita kur erdhi tani po ben artikuj per te marre rrogen..

      Duket sikur vetem komentuesit kane te drejte te thone te verteten makabre..

      Pas demtimit te PS me Meten ne Lalez,pas ndyresive ne dekriminalizim,reforme ne drejtesi,venecia tani po plasin BOMBEN BLUSHI..

      Kujt i kujtohet qe personi me i afert per Arvizune ne mbreterimin e tij 2010-2014 pas Lule Bashes ishte Ben Blushi..hapni defteret dhe vertetojeni.

      Pse pikerisht 2B..Ben Blushi ka nje rezonance te cuditeshme me 2B klasike Bash -Berishe…kush e spjegon ?

      Mbajeni mend…keto dite do takohet ne nje klub te Tiranes apo gjetke Donald Lu me benblushin..hde cfare do llafosen….pas 30 vjetesh kur te hapen arkivat do ta mesojne qe Ben Blushi eshte nje nga ato kapsolla detonatore qe plasin nga ai qe ka pultin..kush e ka pultin per Blushin ??

      Pse Blushi po perdoret si kapslle tymuese?….Ndoshta ka ardhur koha qe berisha do varroset dhe dikush duhet ta shtyje diten e varrimit me cdo kusht….

      Por le te bejme autopsine e Berishes qe eshte nje mender politikan serbofil I ngordhur por nuk ka kush ta fusi kete xhenaze ne arkivol dhe ta varrose.

      Cfare ka turp te thote ish profesori i ML &PPSH ??

      Qe ne fillim Berisha ishte nje kllonim I sherbimeve secrete jugosllave dhe amerikane kur ato ishin ne muajt e mjaltit ne vitet 80’ kur do hidhin gjasme komunizmin qe te pakten per shqiperine ishte nje fatkeqsi se po perseritej nje ahmet zog I ri por kete radhe jo i ndihmuar nga ruset e bardhe por lobi serb-grek ne shtepine e bardhe.

      Jane shume fakte qe Berisha merr guxim dhe shurron mbi jetimet e 21 janarit.
      Ai artificjalisht u krijua si nje “kryqtar” ne luften per dekomunistifikimine shqiperise sipas doctrines famekeqe rajerson-biberaj qe vazhdon dhe sot ku fakeqesisht eshte rekrutuar dhe Edi Rama qe te shtepia e gjetheve dekospiroi vehten plotesisht si nje kapo ne fushaten kanibaleske kunder figures enver hoxhes qe ka nje cerek shekulli qe ka kaluar cdo kufi njerzor

      .Le te kujtojme Kinen komuniste dhe marrdheniet e amerikes me te apo vendosja e marrdhenieve dipllomatike me Kuben e Kastros.
      Ne kete kuader Berisha “fuqizua” kur I bene gati 2 prillin 1991 per te prishur me terrorizem votimet e 31 marsit te atij viti

      Pas saj prishja qeverise stabilitetit ne 4 dhjetor 1991 vetem se ylli bufi nuk plotsoi ultimatumin e saliserbit per arrestimin e nexhmijes me gjysem ore vonese…Kur I ndegjon keto histori histerike sot pa tjeter te shkon mendja te dyshja rajeson biberaj qe ishin tutoret e Sali serbit.

      Marrja pjese ne votimet e rajersonit ne votimet e 1992 ishte fundi I republikes se shqiperise dhe vendosja e nje republike ambasadoriale qe vazhdon dhe sot dhe ky eshte shkaku kryesor qe I perkedheluri I disa republikaneve bolemedhenj ne amerika,saleh berisha hedh shurren perpejete sot.

      Edhe ne rastine 14 shtatorit 1998: Berisha merret ne mbrojtje direkt nga ambasada amerikane dhe arrin deri atje sa ne shkembim te nje paqe “poshtruese” si izraeli me palestinezet bejne presion mbi dushen Majko-Meta qe berisha te mos arrestohej..bile as te deshmonte ne dyert e drejtesise shqiptare por dha “intervisten” brenda murebve te ambasades amerikane qe eshte nje poshtrim I drejtesise shqiptare

      Por ajo qe I ve pikat mbi I eshte fakti se pas krimit te 21 janarit perbindeshi berishe “nen hundet” e arvizuse beri super pucin me te madh te rruzullin toksor duke:

      1- akuzoi PS per vrasje nga mbrapa
      2-manipuloi mjeket e spitalit ushtarak
      3-ktheu k/m ne spital fushor
      4-refuzoi dorzimin e gardisteve
      5-terrorizoi presidentin si horr bulevardi
      6-perdhosi k/prokuroren di lavire
      7-ofendoi k/shikasin si pucist
      8-kercenoi ramen me egzekutim
      9-akuzoi dhe kercenoi 4 gazetare
      9-u fshine filmimet
      10-u ndrruan tytat e armeve
      11-u dekorua burri shtetit
      12-u dekorua ylli ne ngjitje
      13-u menderosen ekpertizat e FBI
      14-u zevendesua presidenti
      15-u zevendesua k/prokurri
      16-u zevendesua k/bashkiaku
      17-u zevendesua k/shiku
      18-u terrorizuan gazetare
      19-u tha se do ja u bej prape si ne 21 janar
      20-liroi vrasesit nga burgu ne shkurt 2012
      21-demshperble te gjithe vrasesit
      22-poshtroi Arvizune e Obames
      23-perdhosi familjet e jetimeve disa here
      24-akuzon ramen si vrases te 21 janarit

      Dhe per cudi Blushi jone ka qene i vetmi PS-ist kundra 21 janarit 2011….cfare ironie dhe zoti Andrea duhet te beje nje vizite te okulisti….numri i syzeve duhet te rregullohet urgjent se i duken si fund kavanozi..nga ata te specave kastravecave turshi….

      Reply to this comment
      • raimond vlonjati February 7, 16:16

        Ky qe ka bere artikullin ka plotesisht te drejte

        Nuk ka rendesi fare cilat jane qellimet e Blushit,

        Por e rendesishme eshte qe Partia te zbatoj Statusin qe vete e ka miratuar , se po lene nam ,me kete sharlatanin EDI RAMA ne krye

        Rama esht bere me keq se ne kohe te Enverit, se, edhe Enveri bente zgjedhje ne Parti ne baz te statutit te tij, ndersa ky huri ne krye te PS-se nuk ben fare.

        E kamare peng PS-ne dhe e ka kthyer ne nje parti ku militiojne , kriminelet, dhe milioneret

        Pse kerkohet De-kriminalizimi tani?–Nuk ka qene asnjehere problem Kriminalizmi i Parlamentit dhe sidomos i PS-se

        Sepse me ardhjen e Rames ne krye te PS-se , ju hap drita jeshile krimineleve dhe biznesmeneve te Koruptuar ne PS dhe ne qeveri

        Rama vepron sikur eshte ne Mesjete ,si Luigji i 14-te qe thoshte :..Ligji jam une

        Dhe shqetesusese ne kete rast esht se gjithe anetaret e tjere te kryesise e e perkrahin kete sjellje mesjetare te Rames ndaj regullave te statusit te PS-se

        Ku jetojn keta njerez qe vazhdojne me mentalitetin diktatorial,?

        Anetaret e Kryesise se PS-se me ket “merak” qe tregojne per Ramen , se mos humbet kreun e PS-se , na kujtojne kohen e Dullles ,kur koperativistet merakoseshin qe Partia te ishte e forte ..lol

        Te behen zgjedhjet e Kryesisse se PS-se sipas statutit se aty duket fryma moderne e Partise .

        Aty tregohet se ata jane serioze ne zzbatimin e ligjeve ne teresi dhe kudo ne jete

        Nuk jane si puna e priftit qe thoshte :…Beni si them une, mos beni si bej une

        Reply to this comment
        • Kola February 8, 09:37

          Ti qenke kokrra e idiotit o Rajmond! Si nuk paska fare rendesi se cilat jane qellimet e Blushit? Pikerisht kjo ka rendesi themelore, sepse perben lojen e ketyre sharlataneve qe per kolltuk, jane gati te kthejne permbys gjithcka. Shqiptaret votuan PS qe te beje reformen ne drejtesi dhe te ndeshkoj kriminelet. Votuan PS qe te frenoj korrupsionin dhe ne te gjithe e shohim se reformat pengohen pikerisht nga keto mostra si ne PS dhe PD. Koha qe ka zgjedhur Blushi per te bere fushate rrefen fare qarte se sa lart qendrojne keta sharlatane nga interesat e popullit.

          Reply to this comment
    • Pilo Lala February 7, 06:00

      Cfare thote statuti, per Kandidatin e perhershem Blushi?
      Nje i mbaruar qe kerkon te behet Kryetar nga kafeneja.

      Reply to this comment
    • Lori February 7, 09:11

      Gjykuar me objektivizem jam dakort me shqetesimet qe ngre z.Stefani per te dy individet qe drejtojne sot d rryma breda partise qe me shumeeshte e tyre se sa e elektoratit qe kerkon te perfaqesoje!Te dy palet jane ne kapriço e perse jo edhe ne vazhdmesine e lojrave (interesave ambasadoriale) te kraheve perkates!Ne kete lufte breda llojit vetem perfaqesim elktorati nuk ka por bryla nga nje ane e shqelma nga ana tjeter!Sa per nderhyrjet e kryekrimit shqipetar z.Stefani ai ate pune ka!Ku hyne Berisha nuk hyne as Ambasadori.Vendi sot nuk vuan nga lufta per postin e nje partie pa ngjyre e me kryetare te verdhe por per ngrtjen e institucioeve shteterore ç’ka me keqardhje e me bindje te plote mund te bertasesh e te thuash qe ç’fare kerkohet ne kete vend kur nuk ka shtet!Se fundemi nje ere e ngrohte po fryn pertej Atlantikut ku edhe ne djepin e atyre qe prodhojne Berishe,Rame apo Blushe kerkojne qe ky sistem tashme i kalbur kerkojne ta nderojne nepermjet individeve qe jane me te perkushtuar per nje shoqeri te barabarte,shembull ky qe mbase i vlen edhe ketij vendi te Vogel qe ka me shume parti se sa elektorat!Uroj qe kataklizma pertej Atlantikut te behet e me pas me shume drite e dite do te kete per popujt qe votojne por nuk zgjedhin,votojne por nuk vlen fjala e tyre,votojne por tjeter kush i drejton!Ndaj edhe ky varr i hapur por mbuluar me lule nxjerr kufoma te kollarisura ç’do kater vjete !Sa per zonjushe Loren me vjen keq qe me nivelin qe mbart te bjere pre e nostalgjise se panevojeshme e nje njeriu qe ne fund te fundit ç’fare ka realizuar nga premtimet e bera perpara njemilion e gjysem votuesve duke i premtuar per vendosje te drejtesise qe ditet e para te marrjes se pusht-shtetit!Me thuaj nje dhe vetem nje zonushe Lora !Kjo eshte edhe aresyeja se perse Rama i 23 Qershorit 13 ka frike te vere ne prove per rizgjedhjen e Rames 2016 !Nuk mund te jeshe me Ramet e ti shikoshe shkrimet e z.Stefani bardhe e zi e nderuar Lora.

      Reply to this comment
      • ganiu February 7, 14:48

        “Te dy palet jane ne kapriço”, ndoshta lori, por ndryshojnë pak nga njëri tjetri.
        Rama ka një Kapriço diktatoriale për interes të tij, kërkon të mbetet patjetër në pushtet.
        Blushi ka një Kapriço demokratike, dhe nëse synon kreun e partisë, pothuajse nuk ka asnjë shans për të fituar, prapë ruhet demokracia në parti. Gjë që bën që në një të ardhme dhe ai të zëvendësohet.
        Me variantin Rama mjafton që të gjendet një shkak për të qëndruar në krye. Po u gjet shkaku fabrikohet shpejt e shpejt ndryshimi në statut. Një herë “unitet për të rrëzuar Berishën” tjetrin “se ka fituar zgjedhjet”.
        Me këtë që po ndodh tashti në nuk duhet të shajmë më Enverin. Kanë qenë njerëz si ju që jo vetëm i dhanë pushtetin, por dhe më keq. E detyruan të mos e lëshonte më!

        Reply to this comment
  2. Arber February 7, 01:12

    PS mund te mbidhet dhe ta p[ershtase nenin e zgjedhjeve sic e kane Laburistet.

    Reply to this comment
  3. xhimi February 7, 01:39

    Staefani. Gjithmone i sakte.Le te llapin qe perkrah socialistet. Vetem me te drejten. Te lumte,

    Reply to this comment
  4. Alfredi February 7, 03:26

    Mendoj se Z. Stefani ka plotesisht te drejte. Statuti i partise eshte linja e shinave ku duhet te leviz jeta e brendshme e Partise. Pikerisht ngaqe jane devijuar shinat e levizjes (statuti i partise) ketu kla filluar shkaterrimi i demokracise brenda partise dhe me tej akoma shkaterrimi i demokracise drejt ndertimit te Autokracise ne pushtet. Andrea je drejt, prandaj kembengulja ne kete rast eshte shume e arsyeshme.

    Reply to this comment
  5. Selman February 7, 06:06

    C’hyn Partia Demokratike dhe statuti i kesaj apo asaj partie. Fakt eshte qe mandati qe mori PS dhe z. Rama ishte reformismi shtetit. Blushi mund te kerkoje zgjedhje per kryetarin e partise ne se kryeministri kryen nje veper penale apo humbet besimin e shumices ne emer te ciles ai qeveris…z. Stefani nuk eshte gazetar i gazetes te PS..Shqiperia dhe partite qe marrin pergjegjesite e qeverisjes percaktojne dhe perparesite dhe vleresimet nuk jane gjithmone te kushtezuara nga programet zyrtare apo statuti…

    Reply to this comment
  6. beni February 7, 09:20

    Kryeministri greqise si i majte qe erdhi ne pushtet dihen shkaqet as po e perfill partin e tij dhe esht bere njelloj si te djathtet!
    Kudo ndodh kjo sa marin pushtetin rama jo vetem qe esht nje frikacak por ska mbajtur asnje premtim per sa u premtoj votuesve!
    Votuesi si te votoj te majten apo te djathten del lagardhit?
    Ja qe nuk qenka tek vota por tek ekonomia rama ben sic desheron ekonomia dhe ilir meta e jo se cduan votuesit e majte te cilet votuan per te!
    Blushi esht adap per ket pune ramen e morem si eufori,por po na del nje batakci i qelbur i pushtetit perpara blushi se nuk je as batakci e as frikacak vetem kujdes nga blendi fevziu esh bir shkerdhate e mos i zer bese njeher me sulltanin e njeher me papen?

    Reply to this comment
  7. nino dibra February 7, 10:43

    Andrea miku im! Ju artikullin e beni me konceptin Shqiptar duke mos pasur idene se si veprohet ne partite Socialdemokrate te Europes dhe jo vetem kaq. Problemi themelor i zgjedhjes se nje kryetari partie dhe me vone (kryeminister i vendit) behet ai qe fiton shumicen ne votimet popullore te vendit.Ai eshte dhe besimi me i fuqishem qe nje popull i beson nje udheheqesi qe automatikisht behet dhe kryeministri i vendit,dhe do te vazhdoje ate post derisa merr votebesimin e popullit,ne momentin qe ai mund te humbase zgjedhjet largohet automatikisht dhe nga krytar partie por dhe si kryeministe i vendit,duke i lene vendit atij qe do te fitoje zgjedhjet e ardhshme. Te tjerat qe pershkruhen ne artikullin e e mesiperm jane idiotizma alla Shqiptarce.Shihni fare qarte se si zhvillohen zgjedhjet ne Europe dhe Amerike pamvaresisht qe jane te ndryshme njera nga tjetra.
    Sa per Ben Blushin ne radhe te pare ai duhet te fitoje besimin e elektoratit te PS qe mund te kanditoje per kryetar partie,me sa shoh ai nuk ka asnje lloj vizioni si per kryetar partie dhe aq me teper si kryeminister.

    Reply to this comment
  8. tan February 7, 11:35

    Statuti i Partive eshte e mbrojtur edhe nga Kushtetuta sepse partia qe kerkon te vij ne pushtet me rregulla antidemokratike nuk mund te udheheq neser vendin ne menyer demokratike ,kujtoni enveri dhe do te kuptoni qe parimet demokarike qe shume shqiptare shkuan drejte plumbit dote thote qe skishin asnje vlere,kete e bejen diktatoret qe perdhtatin rregullat per tia veshur pushtetit e tyre sipas deshires dhe injorances se atyre qe i rrethojne ,demokracia nuk eshte kostup per liderin qe ta ndrroja sa here i nevoitet per bemen e rradhes

    Reply to this comment
  9. vasil February 7, 12:19

    Stefani duke vuajtur gjate gjithe kohes,nga sindromi i te “pa aneshmit´´,nganjehere shkon dhe shtrihet me mullixhine,duke e bere vehten keq elaq.
    E ndjen vehten keq,duke u prezantuar Stefani me nje amor prop,teper banal.

    Reply to this comment
  10. ama February 7, 12:26

    Jam plotesisht dakord me Stefanin! Dalin ca palla si Balla, Cuci, Muci, Koqo, Loqo, dhe bejne si te ofenduar se me te drejte Blushi kerkon zgjedhje. Dhe mua me lind e drejta te pyes : More zoterinj , cfare interesi material keni ne kete mes????? Se parime dihet qe nuk keni. A nuk u ngopet duke grabitur pa skrupull pronen publike???????????

    Reply to this comment
  11. Lura February 7, 12:35

    Lora = idiote ne katror.
    Rama po behet nje berishe ironik, dmth ndryshimi po mbetet vetem tek te qenit ironik. Z. Stefani vetem per nje gje te vjen cudi. Gjithe analiza juaj, sipas meje, qendron.
    Por, per nje gazetar si ju, nuk eshte e plote: Pse Rama ka rene ne keto pozita? Pergjigjen e dha vete kur, para disa ditesh, tha qe eshte kollaj per disa te rrijne ne hije dhe kritikojne. [Gjithe gazetat e kuptuan se ishte fjala per Blushin!!! – Ky ishte zbulimi i madh i asaj dite! :))]
    Rama don nje kongres ku cdo gje te behet vetem ai te mos kritikohet. Pra, asnje fjale per gabimet e panumurta qe po ben. Si kongreset e Enverit!.
    Lura

    Reply to this comment
    • vasil February 7, 13:42

      I kundervihem jo njehere Rames,nga deshira e pafundeme,qe shkaterruesit e trupit dhe shpirtit shqiptar,te marrin ate qe meritojne.
      Por kur shikoj ke ka ne krah,me duket Rama nje i vetmuar i madh dhe vehtja gjynahqar dhe natyrshem ndje vargjet e imzot Nolit,per kolonelin Tomson:
      Kalores i huaj
      qe vdiq ,per ne
      per ju te mallkuar
      qe s´doni atdhe.
      Dhe Ramen e ndjej gjithmone te huaj ne kete batak,qe mban ere deri ne gen te bastarduar.

      Reply to this comment
      • ganiu February 7, 15:10

        Injoranca dhe budallallëku janë sa të njëjta aq dhe të kundërta.
        Budalla lind, të qënit injorant e zgjedh vetë.
        Nëse Rama është “Kalorësi” shpëtimtar atëherë përse pranon të mbështetet dhe mbrohet nga pjesa më e fëlliqur?
        Mua më duket pak si e çuditshme. Apo jo?
        Unë për vete nuk do ta kisha pranuar asnjëherë.
        Ps: po ti biem menjes pas do të shohim se ka qenë vetë Rama që i ka zgjedhur. Para tre vjetësh ky veprim u quajt arbitrarizëm i tij.

        Reply to this comment
  12. Demokrati February 7, 13:29

    Ore zoterinj qe kritikoni Stefanin,kaq te verber apo militante qorra qenkeni qe nuk kuptoni nje parim demokratik themelor.Zbatimi i Kushtetutes,Statutit,ligjeve pike per pike jane guri themeltar i DEMOKRACISE.
    Statutet vendosen me miratimin e gjithe partise dhe mund te ndryshohen vetem nga partia.
    Statuti i PS thote qe kryetari duhet te zgjidhet për çdo 4 vjete nga partia(1 anetar.1 vote).Pas ketij afati ish-kryetari e humbet automatikisht mandatin e kryetarit te Partise. Rama ka 3 vjete qe nuk ben zgjedhje dhe e ka humbur mandatin e kryetarit te partise.Ai kete shkelje flagrante te ligjit themeltar te partise kerkon ta ligjeroj duke angazhuar klientet me pushtet qe ka zgjedhur rrotull tij.Ligjerimi i keti grushti partiak per pushtet ne parti shpie ne kthimin e partise ne nje bande per pushtet.Eshte njelloj sikur Presidenti i Republikes te shkel Kushtetuten e Republikes dhe pas mbarimit te mandatit te mbaj pushtetin me mbeshtetjen e nje klike parlamentare duke bere grusht shteti. Rama duhet te zbatoje Statutin e PS e jo te justifikohet me statutet e vendeve te tjera.Madje ne nje Parti te vertet Demokratike Rama duhej ndëshkuar per shkelje flagerante te statutit dhe te disiplines ne parti,per tendenca diktatoriale dhe pushtet te pakufizuar,shume te rrezikeshme per shoqerite demokratike.

    Reply to this comment
  13. e verteta February 7, 13:47

    More, ti, analisti Stefani, zedhenesi Edi Rames, kur thua se edhe Blushi kerkon pushtet, dhe ndoshta eshte edhe ko nje nga arsyet qe ai ka folur e flet per demokracine ne parti dhe ne shtet, atehere kam te drejten te te pyes ty:Po edi rama, qe nuk pranon te zbatoi statutin e Partise se PS dhe lakejte e tij Balla, Tahiri, Peleshi, Juve, Ahmetaj dhe Beqaj, qe mbroni te kunderten, ebeni kete per te qendruar me cdo kusht ne pushtet, apo thjesht per hobi? C[eshte kjo logjike idioteske, mor oficeri me Zall-Herr?!!! Hidhuni e regulloni demokracine ne PS dhe mos na bej perralla. Turp, i thoni dhe vetes profesor.pa le? Na eshte mbushur shtypi ne Shqiperi me anailste horra dhe intrigante me 40 fytyra. Mjere Shqiperia nga keta politikane e analiste qe kemi. Dashka dhe fakte Stefani per hajduterine e politikaneve te PS-se. A eshte fakt vila e kryeministrit tend ne Surrel? Po shkuarja me shpenziet e qeverise (popullit) per te ekspozuar Rama zhgaravinat dhe hapjen e ekspozitave (pagesen e sallave) ne kryeqytetet e botes, a eshte fakt, oderdimen? Turp! 1000 here turp! Ke dhe guximin dhe flet e shkruan.

    Reply to this comment
  14. kris 1 February 7, 14:15

    Fakt per vjedhjet e Rames jdhe klanit te vet jane se pari shpenzimet qeveritare.tenderat e koncensionet,vjedhjet e pensioneve me reformen e tyre,udhetimet pa buke anekend botes.
    Po qe se rama arrin te hedh poshte statusin e ps neser do ti leshohet prape kushtetutes.
    Ku e ka moralin nje parti e majte e urzupuar nga nje huligan i djathte?

    Reply to this comment
  15. ganiu February 7, 14:16

    “Të pa shoqëruara deri edhe me denoncime në prokurorie, këto deklarime janë në stilin e “llafeve të kazanit” të Berishës”
    Përse vetëm të Berishës?
    Mos vallë Rama është pas? Mos vallë pas tërë atyre që ka thënë Rama kemi pasur një denoncim, hetim dhe gjykim?
    Jemi mësuar që sinonim të gënjeshtrës të kemi Berishën, por të mos harrojmë se si ai janë të gjithë! Ata “gënjeshtrën”, në të vërtetë nuk është e tillë, e kanë vetëm për shantazh, kërcënim!

    Reply to this comment
  16. ganiu February 7, 14:21

    “sepse vërtet partitë janë të prirura natyrshëm për nga oligarkia dhe, në një masë ose në një tjetër, për ta butaforizuar demokracinë e tyre të brendshme por, ” zoti Stefani mos harroni, herën tjetër, ta përkufizoni.
    Në Shqipëri.

    Reply to this comment
  17. SS February 7, 14:23

    Drejte Sh.Stefani. Ja psh perse PS nuk ndjek shembellin e LSI-se.Do beje zgjedhjet ne Parti LSI-ja dhe kryetare do dale Klaudia Gjosha

    Reply to this comment
  18. zhaneta Spaho February 7, 16:13

    Artikull me nje analize te holle e te persosur, i paanshem dhe nje guide udherrefyese per Ramen nese don te degjoje edhe opinionin e njerezve si Andrea qe luften e tyre nuk e bejne per karrike…

    Reply to this comment
  19. Niko Shpiragu February 8, 09:29

    Ky eshte nje artikull i mire se gazetari ka plotesisht te drejte. Fjalia kryesore nuk eshte kush eshte dhe cfare fsheh ne vetvehte Z,Blushi, por a duhet te zbatohet ose jo demokracia ne parti dhe ne rastin konkret ne partine me te madhe te Shqiperise. Krahasuar me partite e tjera shqiptare, PS ka qene shume me serioze ne veprimtarin e saj, demokracia ka funksionuar ne pergjithesi mire, antaret,bile edhe sipatizantet e saj kane qene dhe jane me te qete, te arsyeshem e me dinjitet. Kohet e fundit, ashtu sic e thote edhe nje komentues tjeter me lart, vihet re se ne te jane perfshire edhe elemente jo te denje, bile edhe me precedente penal. Une mendoj se ky eshte nje problem kardinal dhe pergjegjesia nuk eshte e atyre poshte, por e atyre lart, ku pergjegjesine me te madhe e kane drejtuesit kryesore te partise me Z. Rama ne krye. Kjo po sjell injorimin e mases se partise nga udheheqesit dhe si pasoje do ta ktheje PS ne parti te tipit bande, te njellojte ose me keq se PD. Pare ne nje veshtrim me te gjere,ne planin kombetar eshte nje veprim anti shoqerise shqipiptare se po shkaterrohet edhe ajo shprese e vetme qe i ka ngelur vendit per ta shndruar dhe perparur ate. Arsyeja e kesaj eshte nenvlehtesimi i mases se madhe te partise dhe mos respekti per te deri ne injorim nga drejtueseit e larte te saj. Ata e mendojne partine vetem si nje instrument per te ardhur ne pushtet dhe kujtohen per te vetem kur ka zgjedhje. Ata mendojne se jane pronaret e saj dhe po e luajne mire rolin e pronarit. Vet fakti qe ata kerkojne te ndryshojne rregullat e lojes eshte shenje plotesisht e dukshme e mungeses se demokracise ne parti ku te gjithe antaret e saj are equal dhe si rrjedhim i ketij postulati qendror per krijimn dhe funksionimin e nje partie, eshte e papranueshme dhe e pa tolerueshme tendenca e hierarkise se perhereshme. Partia eshte bashkim vullnetar i njerezve qe kane te njejtat aspirata dhe ata qedrojne atje per sa kohe ndihen te barabarte,ne te kundert ata largohen dhe grupimi venitet pak nga pak deri sa ngelet vetem hierarkia. Partia nuk eshte land djerre dhe zoterohet nga landlordi i saj qe mund te bej cfare te doje me te. Antaret e partise nuk jane guret e shahut dhe kryetari qenka shahisti qe do ti luaj ata. Ata jane equal member dhe do ta thone fjalen e tyre sipas rregullave te hartuara dhe miratuara qysh me pare te perfshira ne dokumentin themeltar te partise qe eshte statuti i saj. Statuti i Partise eshte ligji i saj dhe per partine ai eshte i detyrueshem per tu zbatuar. Ashtu si ndodh edhe me ligjet e shtetit qe po nuk i zbatove denohesh, edhe ne parti denohesh. Ndryshimi eshte se denimi qe merr nga partia nuk eshte penal, por eshte largimi nga ajo. Krysia e Partise dhe sidomos cdo antar i saj duhet ta shohin kete problem ne kete fryme. Jo vetem te perpiqesh te shkelesh normen themelore te ligjit{statutit} te partise, por vetem ta mendosh ate qofte edhe per nje moment te vetem e te mos ia thuash njeriu, nuk e meriton aspak te jesh antar i partise dhe ne se ke pak kulture e kurajo civile duhet te kerkosh vete te largohesh si i pa formuar e i pa denje per partine. Une mendoj se keshtu duhet pare problemi. Duhet kapur demi nga briret e jo nga bishti sic mendojne e shprehen disa komentues dhe aktualisht rrethi i pa afte,servil dhe interresaxhinjve ne drejtimin e partise. Ben Blushi eshte si eshte(une nuk e di si eshte) s’ka te beje me kete ceshtje. Ceshtja qendron tek patriarku dhe tek lakejte e tij me grada ne parlament e qeveri qe mendojne te mashtrojne partine dhe popullin me sofizmat e tyre. Ben Blushi e ngre problemin shume parimisht dhe ka plotesisht te drejte. Eshte detyre e partise se tij qe dudhet t’i dalin per zot vehtes se saj. Ne parti ka pluralizem dhe duhet te jene te lire njerezit te kandidojne , te diskutojne e votojne. Une nuk kam qene dhe nuk jam antar i PS, por kam bindjen e plote se ajo eshte Partia me progresive dhe me e gjera e Shqiptareve dhe me vjen shume keq qe ajo te degjeneroj ne nje klan. Une e di dhe e ndiej qe per meritat qe ka pasur kryeministri Rama, ai do te rizgjidhet perseri se edhe une po te jem atje ate do te votoj. Eshte ne nderin e tij qe te lerin ujin te rrjedhin sipas rregullave te lojes, se ndryshe ai qelbet dhe nuk e pi me njeri. Kjo eshte edhe menyra me e mire per te krijuar me shume besim tek njerezit, me shume respekt dhe me shume shprese.

    Reply to this comment
  20. anticensurë 25642654 February 8, 12:57

    “E kam kritikuar dhe kam debatuar në “Opinion” me Ben Blushin kur pas zgjedhjeve të vitit 2009 kërkonte, në përputhje me statutin e PS, që Edi Rama të dorëhiqej edhe pse Sali Berisha refuzonte të hapte kutitë, një indicie kjo se zgjedhjet kishin qenë të grabitura.” etj,etj!!
    të gjithë e kemi bërë këtë gabim!!gabim i falshëm për kohën,situatën në të cilë ndodheshim dhe për hamëndësimet që bënim në atë kohë!!
    kishim përballë dy variante:
    -sali berishën dhe autoritetin e tij kriminal
    -edi ramën që e përfytyronim si kundërshtarin qelibar të të keqes!!
    sot po të gjykojmë në retrospektivë do të kishim bërë mirë që ta mbështsnim blushin që në atë kohë!!ta detyronim ramën që të hynte dhe një herë në lojën e zgjedhjeve sipas statutit,pavarsisht se mund të kishte fituar,dhe të rizgjidhej kryetar i partisë!!ishim ne që i dhamë mundësinë e parë për të shkelur rregullat e demokracisë!!
    “Por nuk mund të thuash se Blushi vepron gabim kur kërkon zbatimin e statutit.”
    nuk mund të thuash aspak një gjë të tillë!
    demokracia ka rregullat e saj!!të cilat vlersojnë të barabart jo vetëm të gjithë individët e shoqërisë,por dhe të gjithë organet drejtuese të saj!përfshirë këtu dhe shtetin!!dmth shteti është i barabartë me individin!!me një fjalë ligji duhet të zbatohet pa asnjëanësi kur në gjykatë gjykojmë çështjen e një individi dhe shtetit!kur individi akuzon shtetin!!
    pra zbatimi i rregullave,ligjeve, statuteve dhe kushtetutës,si ligji themeltar i shtetit është detyrë e të gjithëve!!
    për të krijuar ose mbajtur gjallë demokracinë duhet të respektojmë me rigorozitetin më të madh të gjitha këto detyrime!!
    ç’ndodh tek ne??
    e kundërta!i forti(politikan,shtet ose pasanik)nuk i respekton!!gjithnjë gjen një mënyrë një arsye një kushedi çfarë absurditeti dhe i shkel këto ligje,statute!!nuk është kjo më e keqja!!kjo është normale!!i forti kërkon të përfitojë gjithnjë!e keqja më e madhe është se të dobëtit(masa) i dalin në krahë!!masa tregohet aq e trashë,aq e bleshme,sa i jep fuqi të pakufizuar “heroit” të saj!!
    shumica e kundërshtarëve të zbatimit të satutit,shumica e shkatërruesve të demokracisë vijnë me teori të ndryshme.nga ajo paokaliptikja deri tek ajo më e trasha!!
    vijnë me “të gjithë rreth ramës se përndryshe mbaron bota dhe jo më shqipëria”,deri tek “dëshira e blushit për pushtet”!!
    sikur rama të kishte qënë mesia i dërguar në tokë për të shpëtuar shqipërinë dhe se dëshirën për pushtet të blushit duhet ta djegim në turrën e druve si një herezi mesjetare!!
    sikur rama që morri dhe po e mban kreun e PS dhe të shtetit nuk paska pasur dhe nuk ka dëshirë për pushtet!?sikur vetëm ai ka të drejtë dhe askush tjetër!!sikur blushit dhe kujtdo tjetër ti jetë mohuar që në lindje kjo dëshirë!!
    blushi po kërkon respektimin e rregullit bazë të demokracisë!!ligjet që ka votuar shumica!!këto ligje në këtë rast janë të sanksionuar në statutin e PS!ato nuk janë ligje të përsosura,por janë ligjet që ka votuar shumica e antarëve të saj,të PS!!hamëndësimet se kush janë qëllimet e blushit mund të vlersohen në infinit!!kuptohet me të dy krahët e tij,infinit plus(qëllime të mira),infinit minus(qëllime të këqija)!nëse janë të këqija!?janë qëllimet e një njeriu i cili në të njëjtën kohë po kërkon një gjë të drejtë!!sado keq të mendojë blushi,nuk mund tia kalojë berishës!!dhe berisha e bile dhe blerim çela në këtë rast thanë të njëjtën gjë(blerim çela tregoi historinë e degjenerimit të PD,tmerrësisht e ngjashme me këtë që po ndodh me PS)!flasin për mos respektim statuti!!
    është turp i madh,është katastrofë kur të kritikon armiku,jo vetëm për pushtet po dhe armiku i shqipërisë, për mungesë demokracie!!kjo tregon fundin ku ke rënë!!
    respektimi i statutit,nuk do të sjella asnjë pasojë të keqe për PS dhe për demokracinë në shqipëri!!përkundrazi ai do të forcojë atë!!detyrimi për të zbatuar statutin e partisë detyrojnë personin të zbatojë dhe ligjet e shtetit!!
    absolutizmi në parti nuk mund të pjellë demokraci në shtet!!vetëm demokracia partiake sjell demokraci shtetrore!!
    pasiguria për të qënë në krye të partisë(pushtetit)sjell kompromisin,punën,tolerancën dhe pakson autoritarizmin,diktatin!!
    unë personalisht jam i sigurtë se në një proces zgjedhor në PS do të jetë rama ai që do të fitojë!mendoj se do të fitojë dhe pa bërë manipulime!!jo se ai e meriton!?por thjesht se ka shumë njerëz që akoma janë në kuste të ndikimit emocional dhe racionaliteti i tyre është në një nivel tmerrësisht të ulët!!sidoqoftë nuk është e rëndësishme fiton a nuk fiton rama,fiton a nuk fiton blushi!!e rëndësishme është të zbatohet statuti!!të mos shkatërrohet dhe ajo pak demokraci që egziston!!
    ne si individë nuk duhe të pranojmë që të mos zbatohet dhe ajo pak demokraci që na ka mbetur!!ne nuk duhet të bëhemi krah as i ramës as i blushit!!ne duhet të jemi krah vetëm me veten tonë!!me individin shqiptar!!ne duhe të kërkojmë zbatimin e ligjit dhe jo ti kundërvihemi atij!!
    për ne duhe të jetë indiferente fitorja!ne duhet të na interesojë respektimi!!
    po nuk e respektuam një gjë të tillë!?
    kot që hamë m…. për blush,ramë,a beqir basha!!
    koha,këto 25 vjet e kanë vërtetuar se sa më shumë hamë ne aq më të pasur bëhen politikanët!!

    Reply to this comment
  21. MeteH February 9, 11:23

    Z.Stefani,ju komntoni zbatimin e statutit nga PS-Rama,por nuk i analizoni mire qellimet e Blush-karieristit.Ky,nuk e ka hallin te statuti i PS,por te “URDHRAT ” qe mer nga LU-ja,pasi Amerika nuk e do Ramen qekurse refuzoi LHL-Siriane,pasi SHBA eshte mesuar te komandoi gjithkend ne rruzullin toksor.Ne kete rast LU+SALI+BLUSH po kerkojne qe Rama te eliminohet para berjes se reformes ne drejtesi,e cila rrezikon mikun e RAJRSON+BIBERAJ,ku GERI KOKALARI ka paralajmerur me kohe qe LU eshte nje sherbetor i Saliut,i cili i gjall nuk iken nga politika.Dhe Blushi po ja ben hysmetin…!

    Reply to this comment
    • anticensurë 2564242654 February 9, 12:25

      o ti qënke i tredhur or mete!!
      përse je aq i sigurtë që,po të bëhen zgjedhje normale si e parashikon statuti,rama do të humbë??
      përse ke frikë mor njeri??
      a është rama i ndershëm,puntor i madh,atdhedashës,po çon përpara vëndin,largpamës dhe shumë e shumë gjëra të tjera??
      atëherë si ti dhe të tjerët përse mendoni se ai do të humbë??
      përse mor njeri??
      ne që jemi për zbatimin e statutit,në këtë radhë mbështesim blushin,nuk po themi se blushi ka ndonjë shans që të fitojë,nuk po themi se rama do të humbë(është e pamundur)!!
      përse ju mbështetësit e ramës,kundërshtarët e blushit dhe kundërshtarë të zbatimit të rregullave që ju vetë i keni vendosur,nuk keni besim se do të zgjidhet rama??
      unë ta them përse!!
      sepse ju jeni mashat e ramës!!masha që nuk e lini të ndyjë ai vetë duart!!ju e dini shumë më mirë se ne të tjerët,ne që jemi kundër korrupsionit,kundër diktaturës,se çfarë ndyrësije jeni duke bërë!!ju jeni pjesa e ndyrë që i lëviz miza nën kësulë!!
      shnet o mete HAJDARI!!

      Reply to this comment
Shiko komentet

Komento

Your e-mail address will not be published.
Required fields are marked*