Edhe tiran edhe patriot?

September 6, 2016 09:46

Edhe tiran edhe patriot?

 

Nga Andrea Stefani

Vërehet një baticë, të paktën në media, për të rehabilituar figurën e diktatorit Enver Hoxha si patriot me merita të veçanta për Shqipërinë. Dhe bashkë me të, edhe të gjithë trashëgiminë e tij diktatoriale. Një dukuri që nuk ka të bëjë thjesht me të shkuarën apo vërtetësinë historike, por më shumë me të ardhmen. Sepse nëse diktatori dhe diktatura janë një kujtim i mirë, përse të mos jenë edhe një aspiratë dhe perspektivë edhe më e mirë?

Po publikohen edhe dokumente që rreken të faktojnë se tirani nuk kishte faj që, për shembull, e shfarosi “grupin e deputetëve” që në nisje të sundimit, sepse ata paskan qenë agjenturë në shërbim të imperializmit për përmbysjen e “pushtetit popullor” dhe vrasjen e Enver Hoxhës. Harrojnë të pyesin: Pse nuk ndëshkoi vetëm agjentët dhe ta linte opozitën të jetonte? Pse pas asgjësimit të agjentëve në vitet e para të pushtetit komunist nuk mbiu opozitë më në Shqipëri? Sepse lindja e opozitës është dukuria më e rëndomtë në një situatë politike normale, domethënë, me liri.
Por nuk kishte liri sepse tirani e kish vrarë atë. Dhe justifikimi për këtë krim? Si përherë tradhëtia e atdheut që, në këtë rast, emërohej “pushteti popullor”. Po sa popullor qe pushteti “popullor”, një pushtet që i mori popullit lirinë?! Formula qe e njëjtë me atë të zbatuar edhe gjatë luftës. Edhe jo pak nacionalistë që nuk kishin bashkëpunuar me pushtuesin, u shpallën tradhëtarë pikërisht sepse duhej gjetur preteksti për asgjësimin e tyre. Duheshin vrarë “në emër të Atdheut” edhe pse në të vërtetë, në emër të një pushteti tiranik.
Nuk përjashtohet, madje është e konfirmuar, që deputetë të opozitës të pushkatuar më pas si agjentë, të kenë bashkëpunuar me shërbime inteligjente apo të diplomacisë së disa shteteve perëndimore për përmbysjen e pushtetit stalinist në Shqipëri. Por a duhet të na bëjë ky fakt, sot, të arrijmë në përfundimin se Enveri kish të drejtë që u dha plumbin? Si diktator që mbronte pushtetin e vet, po. Por jo si një qeveritar që mbronte pushtetin e popullit. Se po të qe i tillë, nuk do të kish as edhe një opozitë që do tentonte ta përmbyste. Përjashtuar ndonjë opozitë bolshevike apo marksiste-leniniste si ato që financoi ai më vonë. Dhe a është krim të tentosh të përmbysësh një diktaturë? Në fund të fundit, a është krim të tentosh të vrasësh edhe Cezarin ose, a është një Brut një kriminel?
Bashkëpunimi mes segmenteve të politikës që tentojnë të sjellin një ndryshim regjimi në një shtet, me forca apo institucione jashtë vendit, mbetet një dukuri e rëndomtë edhe e kohës sonë. Edhe vetë Enveri ka organizuar e financuar bashkëpunime me parti të ashtuquajtura marksiste-leniniste dhe që tentonin revolucionin proletar. Varet si e shikon problemin. Prandaj, të qëndrosh vetëm në rrafshin e fakteve nuk është racionale. Eshtë thjesht empirike. Sepse pala kundërshtare mund të servirë të tjera fakte mbi shtypjen dhe tiraninë që e përligjin aktivitetin subversiv kundër tiranit. Faktet janë edhe të brishta, të zhdukshme, të modifikueshme, të interpretueshme, të racionalizueshme sipas interesave e qëllimeve. Prandaj të vërtetave faktike i duhet bashkangjitur edhe e vërteta logjike që nuk manipulohet dot.

Vetëm e vërteta logike na e zgjidh problemin, nëse Enver Hoxha duhet të jetë një figurë e dashur apo e urryer për shqiptarët. Natyrisht, logjika i ngre silogjizmat e saj mbi bazë të disa të vërtetave faktike që merren si të paluajtshme. Një e tillë është pohimi se Enver Hoxha ishte diktator. Ai ka qëndruar për 45 vjet, me pushtet absolut, në krye të një sistemi që edhe vetë e shpallte se qe diktaturë. Mbi këtë premisë ngrihet ky silogjizëm:

Diktatorët janë figura të urryera
Enveri qe diktator
Enveri është një figurë e urryer

Ky është arsyetimi logjik që bën çdo njeri që e çmon lirinë e vet dhe lirinë në përgjithësi. Besoj se shumica e shqiptarëve sot arsyetojnë kështu. Natyrisht (më saktë jo natyrisht sepse liria, edhe e ndrydhur, mbetet thelb natyror i qenie humane) një njeri që i ka humbur lidhjet me lirinë e tij, sepse nuk është takuar kurrë me të, do ngrejë këtë arsyetim:

Diktatorët janë figura të dashura
Enveri qe diktator
Enveri është një figurë e dashur

Kësaj i përkasin ata që vazhdojnë t’i dalin në mbrojtje Enver Hoxhës pikërisht për faktin se sistemi i diktaturës, por edhe tranzicioni kaotik që pasoi, nuk i ka lejuar të shijojnë se ç’është liria. Nuk janë fajtorë, janë viktima,

Ndërsa shtjellon temën e despotizmit oriental, Wittfogel na rrëfen sesi persiani Hidarnes i propozon dy spartanëve t’i bëjë mjaft të pushtetshëm, mjafton të lidheshin me zotin despotik të Persisë. Përgjigja që mori qe kjo:

 “Hidarnes, ti je një këshilltar i njëanshëm. Ti njeh vetëm gjysmën e punës, por gjysmën tjetër nuk arrin ta kuptosh. Jetën e skllavit ti e kupton; por pasi kurrë nuk e ke shijuar lirinë, s’mund të thuash nëse është ose nuk është e ëmbël. Ah ta kishe ditur ç’është liria, do të na ishe lutur të luftonim për të jo vetëm me heshtë, por edhe me sëpatë”.

 

Ky është problemi që kanë ca shqiptarë sot. Njohin vetëm gjysmën e punës, vetëm jetën e skllavit. Dhe meqenëse nuk e kanë shijuar lirinë, nuk e kanë problem ta braktisin shansin e saj. Dhe jo pak nga këta i përkasin gjeneratave të reja. Kjo e bën edhe më të madh rrezikun.

Esenca e lirisë së njeriut është arsyeja. Vetëm ajo të ndihmon të japësh zgjidhje një problemi të tillë: A mund të quhet patriot një diktator që ka tredhur te bashkatdhetarët e tij aftësinë për të dashuruar lirinë e vetvetes duke i shndërruar në eunukë të skllavërisë që vadisin me gjyma kujtimin e një tirani edhe 20 e kusur vjet pas vdekjes së tij? Edhe patriot edhe diktator?! Ç’marrëzi! Dhe nuk mund të mos na kujtohet Rusoi: Nuk ka patriotizmë pa liri!

 

 

September 6, 2016 09:46
Komento

68 Komente

  1. Andrea (jo Stefan trapi) September 6, 10:23

    Andrea sinqerisht ti ke probleme serioze me trurin.Duhet te vizitohesh z.profesor i Mar–Len.Patriotizmi nuk mund te kuptohet apo,me konkretisht te zberthehet nga laro si puna tende.Po na kujton mor i shkare ate filmin BALLE PER BALLE ku AI shkrimtari i dehur derdelliste per lirine si puna tende.Ngushellohu mor zoteri se LIRI nuk do te thote lajthitje,lerjau historianeve dhe kohes kete problem .se nuk jane historira per nje bpalo gazetar i rjedhur si puna tende.Kur ben keto analiza i dergon ndonje kopje Arvizuse ati buze shkurtrit qe perveshi menget per vjedhjen e votave ne zgjedhjet per bashkine e tiranes.Kot mundohesh o SEBIL se tru shpelare si puna tende po e beni ENVER HOXHEN udheheqslegjendar te ketij kombi.AI ishte diktator per armiqte ,tradhetaret e ketij kombi dhe zagare si puna tendedhe ishte Patriot per mbrojtjen ne menyren me te shkelqyer yrojet e keti vendi qe plera si ty duan tj falin grekut dhe serbit.Vizitohu debil per te miren e familjes tende se ata e dine cheqin me skizo si TY.

    Reply to this comment
    • mateo September 6, 18:20

      Po keta 26 vjet a ke patur opozite ne Shqiperi?
      Sa here ka qene ne sundim Berisha,a e ka degjuar ndonjehere opoziten?
      Po perendimi a e ka mbeshtetur ndonjehere opoziten socisliste,pervec se e ka quajtur ish komuniste?
      Pse perendimi e ka mbeshtetur ish komunistin S.Berisha ne shkaterrimin total te shtetit shqiptar dhe varferimit te plote te popullit?
      Pse e lejoi perendimi Berishen te kriminalizoje drejtesine dhe sot pas 26 vjet padrejtesi kriminale kerkon reforme?
      Po krimet e padrejtesise te ketyre 26 vjeteve kush do t’i paguaj ne se lejohet amnisti per hajdutet e drejtesise?

      Reply to this comment
      • Nadia Asllani September 6, 23:29

        Nuk kisha ndermend te komentoja por ky Andrea Stefani ta ben borxh. Une isha popull i thjeshte qe jetoja mes njerezve dhe Enver Hoxhen nuk e kishte frike populli por e donte me gjithe shpirt. A kishte gabime, kishte, a pati krime, kishte? Po sot nuk ka gabime? Nuk ka krime? Cdo dite vriten nga 10 vete. Hakmarrja, gjakmarrja po ben kerrdine. Diferencim i madh klasor ndermjet popullit te varfer dhe oligarkeve qe vodhen pasurite tona. Vjedhje e bankes shtetit 21 milion euro. Shteti heshti.

        Femijet e politikaneve studjojne jashte, politikanet dhe femijet e tyre kurohen jashte. Pra po te besh krahasimin ndermjet dy sistemeve ai ishte sistemi i shumices mbi pakicen kurse sot qeverisin 5 % te popullsise 95 % sepse 5% ka parate dhe kush ka parate ka shtetin dhe forcen mbi shtetin, I keni pare vilat e politikaneve e te deputeteve? I keni pare blloqet e reja neper bregdet te pasanikeve qe vodhen pasurite tona? Kjo eshte demokracia e Andrea Stefanit ore? Grate e politikaneve shkojne jashte shtetit te bejne psonisjet e blerjet e markave e bejne operacione plastike kurse grate tuaja shkojne e pastrojne shtepite, halete dhe WC e macokut te politikaneve. Tani do themi aresyen perse Andrea Stefani sulmon LNAC dhe Enver Hoxhen: Aresyeja e pare eshte sepse duan te shkaterrojne varrezat e deshmoreve dhe ti transferojne andej nga balta e Farkes. Kodra tek deshmoret e kombit ka nje panorame te shkelqyer per te ndertuar bllokun e ri Oligarket politikane. Luhet para e madhe dhe Andrea Stefani po parapaguhet per sherbimin qe po u ben duke hedhur balte deshmoreve dhe luftes per liri. Ky eshte i gjithe qellimi prandaj po behet nje lufte kaq e pameshirshme kunder monizmit. Aresyeja e dyte eshte nje udhezim nga te huajt per te denuar komunizmin prandaj po shkelet mbi gjakun e te vrareve.

        Reply to this comment
        • Mission Impossible September 7, 20:29

          Ja dhe nje nga te paktat komente qe ja vlen vertet te lexohet.

          Betonizimi dhe bunkartizimi i Tirones ka qene “apasionata” e piktorit te bashkise, ndaj s’eshte aspak cudi, qe ne nje te ardhme te afert, deshmoret e kombit me gjithe shtatoren e “nenes parti” te skalitur me plot mjeshteri nga anetari i birose politike, te transportohen naten me gomone refugjatesh matane bregut te lanes…

          Pas gjithe pakenaqesive masive, kam pershtypjen se zullapit te dites nuk ka me njeri nerva t’ja lexoje deri ne fund diarete e koheve te fundit.

          Edhe tiran, edhe patriot? – pyet ish adjutanti dhe zedhenesi i teorive m-l te xaxhi strategut.

          Edhe komunist, edhe antikomunist? – e ironizojne komentuesit.

          O miop! Nuk eshte batica e mediave por zbatica e politikes ajo qe po ja ngre ne piedestal vlerat Enver Hoxhes, strategut te mbrojtjes dhe ruajtjes se paprekshme te pavaresise politiko-ekonomike te vendit. Mos u krekos si shume o karagjoz, se atyre borxheve qe kapin mbi 70 per qind te GDP do t’ja ndjesh dikur lezetin.Ne mos sot, mot. Ne mos ti,femijet dhe femijet e femijeve tuaj.

          Reply to this comment
    • antifashisti September 6, 18:23

      Hidhe ne referendum popullor dhe e percakton populli se cfare eshte ENVER HOXHA!,

      Reply to this comment
    • Orteku September 6, 18:26

      Po edhe Berisha sot per ca eshte hero,ndersa per shumicen e popullit eshte KRIMINEL!

      Reply to this comment
    • andromeda September 6, 19:48

      O Andrea Shaban Qosja. Pse e kruan me Enverin, o i uruar! Po ti paske qenë një servil maskara i pashoq. Ti as filosofinë M-L nuk e ke pasë kuptuar edhe pse ke qenë prof i kësaj fushe. Nëse nuk u lejua opozitë në Shqipëri, kjo ishte brënda vijës marksiste që kishte aplikuar gjysma e botës, kampi socialist, dhe nuk ishte sajesë e Enverit. Ty të mungon edhe logjika e gjërave, o Andrea, sepse sociologjia, filosofia, politika dhe ekonomia, pra përgjithësisht shkencat shoqërore nuk mund të reduktohen në shkenca ekzakte si math. dhe logjika, ndaj silogjizmat që përdor ti nuk vlejnë në këto fusha të cilat janë shumë më të ndërlikuara nga sa i shikon ti. Enveri duhet parë në kontekstin e kohës kur në botë kishte dy kampe të kundërta, -perendimi (kapitalizmi) dhe lindja socialiste. Natyrisht Enveri ishte fanatiku kokëfortë i orthodoksizmit Marksist- Leninist dhe udhëhoqi me këtë ideologji ekstreme.
      Nëse lexon librin e Ralph Epperson-it ‘The New World Order’, ti Andrea, ish profi i marxizmit, do gjesh shumë pika të ngjashme me ideologjinë marksiste që ti e urren aq shumë.

      Reply to this comment
  2. ziza September 6, 10:26

    Po zotri Saliu te dha liri te njeriut, je i share e i ofenduar, te ken ba lecke.

    Reply to this comment
  3. katarakti September 6, 10:42

    Filloi prape ky. Ka qef qe te flitet per te. I qenka bere semundje. Do te behet i famshem. Dhe shkruan budallalliqe pa fund. E para, mor idiot, eshte se mund te jesh tiran dhe patriot. Bile ndonjehere duke qene teper patriot, deri nacionalist, kthehesh padashur ne diktator, se sheh kudo armiq te Atdheut. Hitleri ishte tiran, por asnje nuk mund te thote se ai nuk e donte Gjermanine. Dhe Bruti e vrau Cezarin. por mos u be jeta me e mire per njerezit pas vrasjes se tij?! Dhe e fundit. Shqiptaret e çmojne epoken e Enver Hoxhes jo per diktaturen e tij te çmendur, por per shnderrimet qe pesoi Shqiperia ne ate kohe. Nga nje moçaline e injorances dhe anadollekut ne nje vend modern europian. Prandaj mos i bjere daulles kot or idiot qe te ka hypur vetja ne qef. Ngule te ajo koka jote prej mesuesi te marksizem leninizmit se shqiptaret nuk jane budallenj qe t’i “iluminosh” ti.

    Reply to this comment
    • Mission Impossible September 6, 20:25

      Hedh kryetrapi nje gur ne lume, trapat zhyten te paret ne uje per ta kapur gurin.

      Kryetrapi ja ben me gisht nga statuja gjigande e “diktatorit”, trapat vrapojne te paret per ta shembur statujen.

      Kapteri uleret si i cmendur kryqezojeni “diktatorin” se ishte tiran, trapat e irrituar therrasin: Diktatori ishte vertet i cmendur, por jo tiran. Jo ush po gomar. – pranojne trapat pa e kuptuar as vete se edhe keshtu e kane ngrene brylin.

      Nje pyetje adoleshentesh per “proletar” Andrean, me shprese se dikur do te mund te kthjellohet e do dale nga qorrsokaku ku e ka futur veten:

      Cilet nga keto diktatura kane qene me e cmendur? Ajo e bac Enveri t, nxenesit dhe predikuesit te teorise marksite-leniniste, apo diktatura e “proletariatit”, ose per te qene me korrekte, diktatura e atyre qe deri me sot i kane shpetuar nje gjyqi te ngjashem me ate te Nuernbergut?

      Andrea, ke nje muaj qe po keputesh ne bithe me shkrime ballistesh e karagjozesh…Po per dosjet e mykura te krimeve te komunizmit a ke nder mend te shkruash ndonje shkrim fare te vockel? Jo? S’te intereson se s’ka graso, apo…?

      Reply to this comment
      • BLACK SWAN September 6, 22:12

        keta qe shkarrashkruajne ketu , jane brezi i nexhmijes
        Stefani jua thote me siper , ” jeten e skllavit ti e kupton …”
        nejse keta vetem preshin kuptojne
        por juve si “mission impossibile ” me çoroditet
        merreni si kompliment ,sepse me çorodisin pak skllever …ashtu njerez
        keto shkrime nuk jane si paranteze uleritse per hapjen e dosjeve ?? nuk po flitet per krimin komunist ne keto shkrime ??
        Andrea ka nje muaj qe po teston “publikun ” (skllevrit)
        por sonda i ndeshi ne mut , u shqetesua deri dhe biroja
        qe jane ca mjerane , as djalli nuk i do ne ferr , prandaj lehin akoma …..
        nejse ,juve qe jeni kaq i ditur , deri dhe te Nyrembergu
        çfare do keshillonit ? çfare dini juve me shume dhe pse nuk e beni ???

        nuk me pelqen “emri ” qe keni zgjedhur ,
        sepse çuarja ne Gjykaten e HAGES e “diktatorit tuaj te dashur ” nuk do jete nje …mission impossible dhe per shume kohe
        ngushellohuni dhe per pak kohe …..

        RESPEKT ANDREA STEFANIT !!!!!

        Reply to this comment
        • Ballist i PENDUAR. September 7, 17:40

          ”CHI E L’EROE ”
          il soggetto resta comunque fesele a se stesso ::
          rinuncia a ciò che gli e sottratto , però non gli sono soltanto sottratti gli scopi che persegue
          bensi costui li lascia cadere , e cosi non perde
          se stesso .
          L’uomo , vinto dal fato , può perdere la vita ,
          Ma non LA LIBERTA [[[[[ ”’ STEFANI KU E HUMBI LIRINE ????????????””””””””’]]]]
          Questo fondarsi su di sé e ciò
          che permette anche nel dolore di conservare
          e fare apparire la serenita della Quiete ,.

          Hegel
          Lezioni sull’ estetica .

          Reply to this comment
        • Ballist i PENDUAR. September 7, 17:43

          ”CHI E L’EROE ”
          il soggetto resta comunque fedele a se stesso ::
          rinuncia a ciò che gli e sottratto , però non gli sono soltanto sottratti gli scopi che persegue
          bensi costui li lascia cadere , e cosi non perde
          se stesso .
          L’uomo , vinto dal fato , può perdere la vita ,
          Ma non LA LIBERTA [[[[[ ”’ STEFANI KU E HUMBI LIRINE ????????????””””””””’]]]]
          Questo fondarsi su di sé e ciò
          che permette anche nel dolore di conservare
          e fare apparire la serenita della Quiete ,.

          Hegel
          Lezioni sull’ estetica .

          Reply to this comment
  4. nazmi September 6, 11:19

    Stefani nuk e ka kuptuar akoma se eshte nje i pa vlere! Ka rrjedhje dhe eshre ne depresion te vazhdueshem sepse eshte ne gare me Lubonjen:Kush do marre medaljen e idiotit. Stefani! Ka per te dy e per te tjere honxhobonxho.

    Reply to this comment
  5. paci September 6, 11:20

    Figura e Enverit eshte e rehabilituar nga nje popull i tere , puna eshte o Andrea se jane horrat e hajdutat qe nuk e pranojne nje gje te tille qe mbeshteten edhe te antishqiptaret ..Epoka e Enverit ishte epoka me e ndritur e popullit shqiptar per clirimin e ndertimin e vendit nga nje vend me kulture e ekonomi mesjetare e pa mbrojtje dhe analfabet ne nje vend te zhvilluar , te induastrializuar te mirearsimuar e me mbrojtje qe ja kishin zili edhe shtetet qindra vite te konsuliduara , puna eshte se Enveri kishte akademi per dege te zhvillimit te vendit dhe nuk pyeste shoket tuaj e te Fevziut , mirrej me punera e plane shkencore per ngritjen e Shqiperise e jo me perralla .

    Reply to this comment
  6. anticensurë 25642654 September 6, 11:22

    ” Edhe vetë Enveri ka organizuar e financuar bashkëpunime me parti të ashtuquajtura marksiste-leniniste dhe që tentonin revolucionin proletar.”
    çfarë ka ndodhur me shumë nga këta “tradhëtarë”të financuar nga një shtet i huaj si shqipëria apo shtete të tjera komuniste??
    mos vallë e njëjta që ka bërë enveri me ata të financuar nga perëndimi??
    “Faktet janë edhe të brishta, të zhdukshme, të modifikueshme, të interpretueshme, të racionalizueshme sipas interesave e qëllimeve. Prandaj të vërtetave faktike i duhet bashkangjitur edhe e vërteta logjike që nuk manipulohet dot.”
    mos vallë po të thuash një gjë të tillë të përjashton ty nga manipulimi??mos vallë llogjika tënde është ajo absolutja dhe e pa diskutueshmia??mos vallë qëllimet dhe interesat e tua janë ato të të gjithë popullit shqiptar??
    nuk e di, por sipas llogjikës time(që nuk është absolute dhe është vetëm timja personale),nëse ti insiston kaq shumë e në mënyrë kaq monipulative(tmerrësisht),i vjen që ti të kesh të njëjtën ide të fiksuar në kokë si enveri,si hitleri,si erdogani,si asadi,si saliu a si palloshi i tironës!idenë e të pakundërshtueshmërisë nga dikush tjetër!!
    të tërë këta diktatorë e pseudo diktatorë kishin të njëjtin fiksim!!”vetëm unë kam të drejtë”!diktatorët e pseudo diktatorët që përmënda më lartë vranë e prenë,pushojnë kundërshatët nga puna dhe bëjnë shantazhe të ndryshme, për të vendosur të “drejtën e tyre absolute”,ti nuk i ke këto mundësi,por nuk pranon në asnjë mënyrë çdo mendim ndryshe nga tëndi!!nëse ti ke bërë këtë silogjizëm bardhë e zi!?
    “Diktatorët janë figura të urryera
    Enveri qe diktator
    Enveri është një figurë e urryer”
    “Diktatorët janë figura të dashura
    Enveri qe diktator
    Enveri është një figurë e dashur”
    atëherë dhe unë e kam të drejtën ta bëj një të tillë për ty??
    nëse dikush nuk pranon mendimin e të tjerëve si nuk e pranonte enveri!?
    atëherë ai është diktator si enveri!?
    nëse është diktator si enveri!?
    atëherë është po aq i urryer sa enveri?
    “A mund të quhet patriot një diktator që ka tredhur te bashkatdhetarët e tij ”
    kjo pyetja tënde është pak a shumë e trashë sa dhe e hollë!!
    patriot = atdhetar!
    nëse flasim për atë lirinë e pa përkufizuar tënden!?atëherë të gjithë qeveritarët e sotëm demokratë janë diktatorë!!për të vetmen arsye se nuk kanë mbledhur 100% të votave!!pra dhe sikur 1 njeri të votojë kundër tyre kjo do të thotë shtypje e lirisë së një personi!!pra nuk kemi liri,absolute!!duke mos pasur një të tillë!?mund të themi se jemi në diktaturë?!(kjo thejshtë sipas llogjikës tënde)në vëndet demokratike kemi gjithnjë votim për fituesin gjithnjë më pak se 50% e popullsisë(duke marrë parasysh ata që sduan të votojnë,ata që skanë të drejtën të votojnë dhe ata që votojnë për opozitën),pra kemi një bllokim të lirisë të atyre që nuk kanë votuar,do a sdo ti!!
    “Dhe meqenëse nuk e kanë shijuar lirinë, nuk e kanë problem ta braktisin shansin e saj.”
    deri më sot ke folur shumë për lirinë por nuk ke dhënë asnjë përkufizim se “çdo të thotë për ty,personalisht si andrea stefani,të jesh i lirë”!!!
    “Edhe patriot edhe diktator?!”
    nuk e di sa i vërtetë është ky krahasim,por po më vijnë në mëndje shumë e shumë drejtues shtetesh që i kanë bërë të mëdha ato dhe ndër këta vetëm një njeri nuk mund ta quaj diktator bile është i vetmi që nuk morri asnjë rrol politik,megjithëse bëri gjithçka për të tjerët dhe popullin e tij!!ky është xhuzepe garibaldi!!të tjerët sunduan o pas fitimit të pavarsisë së popujve të tyre,o duke pushtuar dhe shfrytëzuar popuj të tjerë!!
    “Dhe nuk mund të mos na kujtohet Rusoi: Nuk ka patriotizmë pa liri!”
    jo mër jo!!
    në këtë rast që do të quanim patriot e kë tradhëtar?!
    frontin nacional çlirimtar që luftonte kundër nazifashistëve,apo ballin që luftonte në krah të tyre??
    (mo na hajde me teorinë se ata ja kishin kaluar nostradamusit me parashikime!flitet për periudhën deri në 11.44)
    nëse do të themi se bashkpuntorët e nazifashizmit kanë qënë patriotë!?nuk do të kuptoja se ku ishte liria e tyre dhe e gjithë popullsisë shqiptare nën pushtim??
    nëse do të themi se FANC ishte patriot se luftoi për çlirimin e shqipërisë atëherë të mbrojturit e tu na dalin jo patriotë,bile anti patriotë!!

    o stefani ti mund të shkosh nga dega më degë sa herë të kesh qef dhe sa herë të ta lejojnë,por kjo që ke shkruar sot nuk përligj gomarllëqet e dy shkrimeve të përligjjes së tradhëtisë në L2B!!
    enveri u bë diktator pas L2Bs dhe jo gjatë saj!!për atë që ndodhi pas L2B është tjetër temë dhe mos e përzje me të parën!!L2B pati:
    pushtues
    bashkpuntorë të pushtuesve
    luftëtarë për çlirimin e shqipërisë
    shqiptarë që ndenjën neutralë(për mendimin tim nuk duhet të ketë neutralë kur atdheu është i pushtuar,por sipas teje njeriu është i lirë të sodisë të tjerët që luftojnë për ti sjllë atij lirinë)
    çdo gjë tjetër,sado sado ta lyesh me kos,dihet se si quhet!!

    Reply to this comment
    • Altin Dibra September 6, 19:05

      Hahahahaha! Anticensure te paska fut ne pune Andrea! Sa ore ke kalu per te harti kete koment idiot?!!!!

      Reply to this comment
      • anticensurë 25642654 September 6, 21:44

        harti apo hartu??
        që të mos e ul veten në nivelin tënd,nuk po të them se kë të pyesësh,por sidoqoftë shumë më pak se koha që ke harxhuar ti për ta lexuar këtë”kete koment idiot?!!!!”!!
        jam i lindur për idiotësira,njëlloj si ti për mënçurira!!çfar ti bësh plako!!sidoqoftë si zamira e samira janë emra shqiptar!!dhe jo rus e arab!!
        ë shpirti i mbrujtur me inferioritet skllavi??

        Reply to this comment