Fuqia e futbollit, nëse Anglia shkon në finale, ekonomia përfiton 2.72 mld paund

July 5, 2018 10:29

Fuqia e futbollit, nëse Anglia shkon në finale, ekonomia përfiton 2.72 mld paund

Ekonomia britanike pritet të përfitojë ndjeshëm nëse Anglia arrin të kalojë me sukses fazat e Kupës së Botës që po zhvillohet në Rusi.

Deri më tani, ekonomia ishullore ka përfituar një rritje prej 1.33 miliardë paund, e kjo shumë mund të rritet deri në 2.72 miliardë paund nëse “Tre luanët” arrijnë të shkojnë deri në finale.

Këto janë shifrat e publikuara nga “VoucherCodes” dhe Qendra për Studime të Tregut të shitjeve me pakicë (CRR).

Lokalet e natës (pub-et), restorantet dhe klubet e tjera pritet të jenë në vijën e parë të përfitimeve nga ecuria e mundshme e suksesshme në Kupën e Botës të anglezëve, pasi 193 milionë paund përllogariten të shpenzohen nga klientët që ulen vetëm për të parë ndeshjet e turneut, një shumë që mund të shkojë deri në 488 milionë paund, nëse Anglia shkon në finale.

Kjo shifër mbështetet edhe nga një studim tjetër ndaj 2.000 shtetasve të rritur britanikë, i ndërmarrë nga “Opinium and VoucherCodes”, që zbulon se çereku i popullsisë në Britani i shpenzon paratë në pije – kryesisht alkoolike, – gjatë turneut, teksa shohin ndeshjet e Anglisë në lokalet me ekrane gjigante në dispozicion.

Edhe pse shumë njerëz dalin në pub-e, klube apo kafene për të parë ndeshjet, shifrat tregojnë se shumica e popullsisë britanike, 86%, planifikonin ta shihnin turneun nga shtëpia. Pikërisht këta që qëndrojnë në shtëpi përllogariten të shpenzojnë 240 milionë paund për ushqime dhe 297 milionë paund për pije alkoolike, nëse Anglia shkon deri në raundin e 1/8-ave, duke u rritur deri në 1.12 miliardë paund nëse arrin deri në finale.

Ata besohet të kenë shpenzuar gjithashtu 37 milionë paund për përgatitjen e ambienteve të kopshteve të shtëpive të tyre, apo për rritjen e kapaciteteve për të mikëpritur miqtë apo familjarë, një shifër që mund të rritet deri në 62 mln paund nëse Anglia shkon deri në finalen e Moskës.

l.h/ dita

July 5, 2018 10:29
Komento

1 Koment

  1. Ja pra ku fshihej Lepuri qe Arbitri i manipuloj fitoren Anglis vs Columbis July 5, 11:02

    Maradona ka pas shume te drejte .

    Politika eshte e lidhur me Mafien ne cdo kohe
    dhe kooperojne bashke si Partner

    dhe ne kte rast me FIFA, qe dihet mire se eshte nji Mafie Nderkombetare

    Reply to this comment
Shiko komentet

Komento

Your e-mail address will not be published.
Required fields are marked*