Elbasan, Ujësjellësi kërkon borxhet

May 25, 2016 14:11

Elbasan, Ujësjellësi kërkon borxhet

Rreth 5 miliardë lekë të vjetra i detyrohen konsumatorët familjarë dhe subjektet Ndërmarrjes së Ujësjellësit në Elbasan. Nisur nga kjo shumë dhe për disiplinimin tashmë të këtij shërbimi, kjo ndërmarrje ka nisur një aksion në bashkëpunim me Policinë e Shtetit për t’ia ndërprerë ujin debitorëve.

Drejtori i Ujësjellësit tha se në rast të shkeljeve do të bëhen edhe kallëzime penale.

“Do të ketë ndërprerje për të gjithë debitorët, të cilët janë njoftuar dhe rinjoftuar. Mund të merren edhe masa të mëtejshme’, u shpreh Florian Xhemalaj.

Aksioni ka nisur tek bizneset debitore të cilat përbëjnë edhe borxhin më të madh ndaj Ujësjellësit, ndërkohë që do të vijojë më pas edhe tek konsumatorët.

May 25, 2016 14:11
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*