Elseid Hysaj i habit të gjithë në Itali

September 27, 2015 14:03

Elseid Hysaj i habit të gjithë në Itali

Nga krahu e tij nuk kalohet, kështu e përkufizuan mediat italiane paraqitjen e Elseid Hysajt në fitoren 2-1 të Napolit përballë Juventusit.

Edhe pse kishte të bënte me një lojtar si Paul Pogba që është edhe futbollisti më i rrezikshëm që ka aktualisht në dispozicion Juventusi, mbrojtësi shqiptar zhvilloi një ndeshje fantastike përballë bardhezinjëve duke mos u lejuar asgjë kundërshtarëve nga krahu i tij. Specialistët e futbollit në Apenine e vlerësuan paraqitjen e 21-vjecarit nga Shkodra me notën 7 dhe vetëm Gonzalo Higuain autori një goli të shkëlqyer mori një vlerësim më të lartë 7,5.

Në krahun e djathtë të mbrojtes së Napolit, Hysaj ishte gjatë gjithë kohës konstant në lojën tij duke i bërë ballë një kundërshtari të klasit Botëror si Pogba edhe në planin fizik. Gjithmonë i mirëpozicionuar dhe që u lejonte shumë pak hapsira futbollistëve të Juventusit. Napoli është rritur shumë në mbrojtje në takimet e fundit dhe sipas mediave italiane një meritë të padiskutueshme për këtë e ka pikërisht futbollisti i kombëtares kuqezi.

Faqja e specilizuar Tuttomercatowebb, shkruan se është pikërisht ish lojtari i Empolit surpriza e vërtetë e të kaltërve në sfidat e fundit. Pas disa paraqitjeve jo shumë pozitive në krahun e majtë të mbrojtjes, Sarri e zhvendosi talentin shqiptar në të djathtë pozicion në të cilin Hysaj luan edhe në kombëtare, dhe në 4 ndeshjet që ka luajtur në këtë krah të prapavijës 21-vjecari ka bërë me të vërtetë diferencën.

Fakti që ishte një nga më të mirët në fushë ndaj Juventusit është treguesi më i qartë i kësaj. U transferua te një skuadër e madhe si Napoli gjatë verës sepse zhvilloi një sezon fantastik me Empolin i pari për të në Serinë A, dhe tashmë Elseid Hysaj po shijon me të drejtë frytet e punës së tij.

September 27, 2015 14:03
Komento

2 Komente

  1. Pipi September 27, 18:24

    Nje lajm i mire per kuqezinjte e De Biazit.

    Reply to this comment
  2. raimond Vlonjati September 28, 23:24

    Jemi ne regull fare tani me Eriseldin ne krah te djathte , por edhe rezerva qe esht per ket krah Berati esht shum i mire
    Kemi mbrojtje te mire shume , vetem te kene njecike kujdes ne krosime dhe do ha fusim Serbise

    Reply to this comment
Shiko komentet

Komento

Your e-mail address will not be published.
Required fields are marked*