Erion Veliaj vlerëson me çmimin “Personaliteti i vitit 2015” babain e Sonit Malajt

December 27, 2015 21:11

Erion Veliaj vlerëson me çmimin “Personaliteti i vitit 2015” babain e Sonit Malajt

Bashkia e Tiranës ka vlerësuar sot me çmimin “Personalitet i Vitit 2015”, 10 njerëz të cilët me pasionin dhe punën e tyre kanë bërë diçka për Tiranën. Medaljet e mirënjohjes u ndanë nga kryetari i Bashkisë së Tiranës, Erion Veliaj, i cili përpara se të bënte publikë emrat e përzgjedhur, theksoi se heronjtë e vërtetë të këtij qyteti janë njerëzit që me kreativitetin, energjinë dhe punën e tyrë vullnetare, vitin që lamë pas kanë bërë gjëra që për të tjerët janë të pamundura.

“Detyra e bashkisë së re nuk është të përforcojë stereotipet që ekzistojnë në qytet, por të themelojë një mënyrë të re të të menduarit se kush janë realisht heronjtë që na frymëzojnë çdo ditë, njerëzit për të cilët çdo fëmijë që shkon në klasë të parë aspiron të bëhet kur të rritet”, tha Veliaj. Kryebashkiaku i Tiranës u shpreh se 10 personalitetet e përzgjedhura kanë qenë vërtet një frymëzim për këto katër muajt e parë në drejtimin e bashkisë.

“Më vjen mirë që secili prej jush, që vlerësohet sot nga Bashkia e Tiranës, ka qenë një frymëzim se si me pak kreativitet, me pak energji pozitive, nga hiçi mund të ndodhn gjëra të bukura. Unë besoj se me pak optimizëm ne mund të bëjmë gjëra që tek e tek, për secilin prej nesh, janë të pamundura. Po rritet një brez tjetër, i cila te çdo problematikë shikon një mundësi për të shërbyer, një mundësi për të bërë diçka krijuese, një mundësi për të angazhuar dhe për të mobilizuar të tjerë, dhe unë besoj se nga kjo kategori vijnë heronjtë tanë”, tha Veliaj.

Ndërkaq, ai vlerësoi se këto katër muaj në Bashkinë e Tiranës ishin pozitivë. “Do të doja që edhe ne ta mbyllim vitin tonë të parë në Bashkinë e Tiranës me këtë notë pozitive, si një mënyrë për t’u thënë faleminderit 10 personaliteteve që po vlerësojmë sot”, u shpreh ai.

 

Më poshtë, gjeni emrat e vlerësuar nga Bashkia e Tiranës me çmimin “Personaliteti i Vitit 2015”.

 

 

  1. Ened Mato

Me motivacionin “Për këmbënguljen dhe dëshirën e madhe për ta shndërruar Tiranën në një qytet te gjelbër, me më shumë korsi biçikletash dhe më miqësor ndaj atyre që ngasin dyrrotakët”.

 

  1. Julia Sinanaj Zoi

Me motivacionin “Për rritjen e mundësive të punësimit për të rinjtë, nëpërmjet ideve inovative për biznes”

 

  1. Enid Mero

Me motivacionin “Për promovimin e vazhdueshëm të zonave të bukura turistike malore të Tiranës, nëpërmjet organizimit të garave me Mountain Bike”.

 

  1. Alma Gerxhani

Me motivacionin “Për promovimin e turizmit në qytetin e Tiranës, nëpërmjet faqes ëëë.visit-tirana.com.”

 

  1. Sadik Malaj

Nderim i veçantë, pas ndarjes nga jeta, me motivacionin “Për organizimin e aktiviteteve multifunksionale që promovonin turizmin në Tiranë”.

 

  1. Helidon Haliti

Me motivacionin “Për organizimin e Bienales së I të Akuarelit në Tiranë, duke sjellë në Tiranë mbi 200 artistë dhe kthyer kryeqytetin në qendrën e botës shumëngjyrëshe të pikturave të akuarelit”.

 

  1. Klodeta Buzi

Me motivacionin “Për themelimin e Akademisë “Hollyëood”, një frymëzim i bukur për dhjetra të rinj që e duan dhe jetojnë çdo ditë me muzikën”

 

  1. Ilir Hoxholli & Arber Hajdari

Me motivacionin “Për nismën “Fundjava Ndryshe”, një organizim dëshirash e përpjekjesh, që rrahin si zemër për njerëzit në nevojë të qytetit tonë; heronj që sjellin pak shpresë në shtëpitë e gjithkujt që ka nevojë këtë fundviti”.

 

  1. Desli Shahini

Me motivacionin “Për projektin ‘Jemi njësoj’, për trainimin e gjuhës së shenjave dhe rritjen e ndjeshmërisë sociale ndaj personave me probleme në të folur e në dëgjim”.

 

  1. Shkelzen Dunisha

Me motivacionin “Për projektin e pastrimit të Liqenit Artificial të Tiranës nga mbetjet biologjike dhe mbeturinat e hedhura në një thellësi deri 1.8 m”

 

 

Erion Veliaj ne rolin e kryebashkiakut te Tiranes i dorezon çmimin “Personalitet i vitit 2015” babait te Sonit Malaj, ndare nga jeta pak dite me pare. Kengetarja mori ne dorezim çmimin qe Bashki e Tiranes ja dha per punen e tij shumevjeçare zotit Sadik Malaj per promovimin e turizmit shqiptar dhe bukurive tona natyrore ne te gjithe boten.

Posted by Olti Curri on Sunday, December 27, 2015

December 27, 2015 21:11
Komento

4 Komente

  1. show December 27, 22:43

    Ah si eshte per show ky djale!

    Reply to this comment
  2. dritan December 28, 11:37

    kaq e pati!
    te gjitha keto per te cilat jepen mirenjohje jane funksione programatike te institucionit. perse qenkan merite e bashkepunetoreve te jashtem?

    Reply to this comment
  3. perkthyesi December 28, 11:59

    Kam respekt per ju zoto Erjon, por, megjithese jam nje nga qytetaret e Tiranes, qe nuk le aktivitet te Bashkise pa ndjekur, asnje prej ketyre emrave nuk me sjell ndermend gje! Qofsha i gabuar ne arsyetimin tim!

    Reply to this comment
  4. blendi ...ziu December 28, 13:52

    O Dita, Kur do te hiqni dore nga tituj te tille OFENDUES ?!!! (Personit i jepet nje TITULL, kurse ju i vini …EMRIN E SE BIJES !!!)

    Reply to this comment
Shiko komentet

Komento

Your e-mail address will not be published.
Required fields are marked*