Euro i rikthehet rënies, bizneset të shqetësuara nga luhatjet e mëdha

June 13, 2018 15:52

Euro i rikthehet rënies, bizneset të shqetësuara nga luhatjet e mëdha

Monedha e përbashkët ka shënuar sërish rënie në tregun e brendshëm gjatë ditës së sotme, për të dytën ditë radhazi, duke arritur në 126.15 lekë, 0.83 lekë më pak se një ditë më parë. Vetëm dy ditët e fundit euro ka humbur 2.2 lekë, duke u larguar nga niveli më i lartë i prillit prej 128.34 lekë, që arriti në 11 qershor.

Në rënie ishin dhe të gjitha valutat e tjera. Dollari ra me 0.3 lekë, në 107.33 lekë, paundi me 1.15 lekë, në 143.05 lekë.

Ekspertët e tregut pohojnë se tregu po i rikthehet normalitetit, pas efektit psikologjik që krijoi lajmi për ndërhyrjen e Bankës së Shqipërisë, që ndikoi në mbiçmimin e fortë të euros brenda pak ditëve dhe nxiti njerët të blinin valutë, nga frika se euro do rritej. Por aktorët e tregut pohojnë se ky efekt ka mbaruar tashmë.

Sezoni turistik ka filluar të japë efektet e veta dhe pritet që hyrjet e valutës të rriten më shumë javën e ardhme, teksa mbarimi i muajit të Ramazanit do të shtojë fluksin e turistëve që vijnë nga Kosova.

Problem për bizneset, sidomos për ato eksportuese, nuk është niveli i raportit të euros dhe dollarit në vetvete, por paqëndrueshmëria e tyre dhe vështirësia për të bërë parashikime. Për një biznes që kryen afërsisht rreth 1 milion euro këmbime në një muaj, rënia e euros ka pasur ndikim domethënës. Kursi i këmbimit është i disfavorshëm për të gjitha bizneset në rast se është i paqëndrueshëm, edhe në rast ulje drastike, por edhe ngritje drastike.

Prej më shumë se pesë vitesh, bizneset ishin mësuar me një kurs relativisht të qëndrueshëm në rreth 139-140 lekë, që u mundësonte atyre të bënin parashikime dhe të kishin humbje të ulëta nga konvertimet, ndërsa prej dy vitesh, trendi i euros është vështirë i parashikueshëm. Vetë Banka e Shqipërisë pohoi se rënia e monedhës së përbashkët në muajin maj shkoi përtej parashikimeve, çka e detyroi atë të njoftonte planet për ndërhyrje.

Edhe vetë agjencitë valutore kanë rritur marzhin e tregtimit të shit-blerjes në 1-2 lekë (nga 0.5 lekë që ishte më parë) për shkak të luhatjeve të mëdha.

Në krahasim me fillimin e vitit, euro ka rënë me gati 7 lekë.

Ndërkohë, të dhënat e fundit të publikuara nga Banka e Shqipërisë për bilancin e llogarisë korente (i cili mat transaksionet ndërkombëtare të një vendi me pjesën tjetër të botës, pra mat hyrje-daljet e valutës) tregojnë për një përkeqësim të tij në tremujorin e parë të vitit në raport me të njëjtën periudhë të vitit të kaluar, çka tregon se nga burimet zyrtare nuk ka hyrë më shumë valutë në Shqipëri, duke mos justifikuar rënien e fortë të euros.

Edhe një tjetër tregues; mjetet e rezervës valutore për shkak të veprimeve në bilancin e pagesave ka rënë më me 143 milionë euro milionë euro. Kjo do të thotë që nga veprimet e Shqipërisë me pjesën tjetër të botës, të pasqyruara në bilancin e pagesave nga vendi ka dalë valutë, çka teorikisht duhet të kishte çuar në një nënçmim të lekut, jo forcim të tij siç ndodhi në tre muajt e parë të vitit dhe ka vijuar edhe aktualisht./monitor

s.a/dita

June 13, 2018 15:52
Komento

6 Komente

  1. nivele zero June 13, 15:56

    Injorant , pazarxhin , hajdut dhe njerez me nivel zero qe menaxhojne institicionet me te rendesishme te shqiperise

    Reply to this comment
  2. Eno June 13, 16:05

    Largojeni nga qarkullimi kete monedhe hajdute. Kudo ku ka hyre euroja ka mbjellur rrenim Te ekonomise dhe varferi

    Reply to this comment
  3. H June 13, 17:19

    Hajdute eshte shoqeria shqiptare qe perdor një monedhe që ska asnjë lidhje me të. Të ndalohet euro, të behen transacionet nepermjet bankave duke justifikuar prejardhjen, pastaj të shikoni sa shkon euro. Nuk do ta bejne kurrë sepse do të humbnin eurot e droges dhe prostitucionit që tani hyjne ne bankat shqiptare. Ose mund të beson i guvernatorin e bankës shqiptare se eshte rritur shume ekonomia !!!

    Reply to this comment
  4. petro June 13, 19:07

    NJERES MEDIOLER ANALFABET ceshtja e oshillacioneve te euros duhet trajtuar si biznes ne ekonomine e tregut.falimente ose rrezikeshmeria ka te beje me lekun i cili si mase e vleres te pakten me sa kemi degjuar eshte ne gjendje normale.kete politike qe beni me keta gazetare te pa pergjegjshem eshte si te lesh shtepine tende e te meresh me shtepine e gjitonit,gje e cila nuk ndoth ne asnje vend te botes.

    Reply to this comment
  5. Vito Kermilli, shoku i Nikos June 13, 19:44

    hahahahahahha Ornela e Monitorit te Varuzhanit thote:
    Ekspertët e tregut pohojnë se tregu po i rikthehet normalitetit, por bizneset jane te shqetesuara.
    hahahahahahahahahah
    Ornela Liperi , mos pi mall !

    Reply to this comment
  6. Arben June 14, 06:05

    Po bizneset e hashashit I pyetet gje si ndihen?

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*