“Europiani”, Rumania e Gjeorgjia “zëvendësojnë” Shqipërinë

January 22, 2018 21:41

“Europiani”, Rumania e Gjeorgjia “zëvendësojnë” Shqipërinë

Rasti i dopingut dhe tërheqja nga organizimi i kampionatit europian të peshëngritjes në Shqipëri ka shqetësuar edhe Federatën Ndërkombëtare të Peshëngritjes.

Hasan Akkus, Sekretari i Përgjithshëm i kësaj federate komenton situatën e krijuar.

“Kishte një reagim të fortë publik dhe nga media në Shqipëri pas skandalit të dopingut, aq sa të gjithë u dorëhoqën. Praktikisht, sot në Shqipëri nuk ka një federatë të peshëngritjes dhe s’ka kush të organizojë Kampionatin Europian. Ky është një problem i papritur dhe shumë serioz për Federatën Europiane të Peshëngritjes”, thotë ai.

Për organizimin e këtij kampionati përfliten dy vende, Rumania dhe Gjeorgjia dhe një vendim duhet marrë sa më parë, pasi koha nuk pret.

“Është një situatë e vështirë, por nëse mund të ndihmojmë peshëngritjen europiane, ne do ta bëjmë këtë”, deklaroi Alex Padure, Sekretari i Përgjithshëm i Federatës Rumune të Peshëngritjes.

Ndërkohë, federata gjeorgjiane njoftoi se do të zhvillojë një mbledhje ditën e martë për të diskutuar mundësinë e organizimit të këtij europiani.

Për momentin këto dy vende janë më të përfolurat, por nuk përjashtohen të tjera kandidatura në ditët në vijim.

January 22, 2018 21:41
Komento

1 Koment

  1. demo January 22, 23:48

    Kur ben dasem fukarai,cahet daullja jevgut.

    Reply to this comment
Shiko komentet

Komento

Your e-mail address will not be published.
Required fields are marked*