Facebook njofton hapjen e 800 vendeve të reja pune

December 5, 2017 07:00 Updated

Facebook njofton hapjen e 800 vendeve të reja pune

Facebook ka njoftuar se do të krijojë 800 vende të reja pune në Britaninë e Madhe vitin e ardhshëm. Kështu, numri i të punësuarve nga Facebook në zyrat e tij në Londër do të arrijë në 2300. Kjo do të bëhet edhe qendra më e madhe teknologjike e Facebook-ut jashtë SHBA-së.

Nicola Mendelsohn, zëvendëspresidente e Facebook për Evropën, Lindjen e Mesme dhe Azinë, vlerësoi Britaninë e Madhe si një bazë të kompanisë teknologjike.

“Ekosistemi i favorshëm sipërmarrës i Britanisë së Madhe dhe reputacioni ndërkombëtar për përsosmëri teknologjike e bëjnë atë një nga vendet më të mira në botë për të ndërtuar një kompani të teknologjisë.”

Mendelsohn shtoi se vendimi tregoi edhe një herë që Facebook ishte më i angazhuar se kurrë në Britani. Ndërtesa pranë Oxford Circus në qendër të Londrës është projektuar nga Frank Gehry, arkitekt më i njohur për Muzeun ‘Guggenheim’ në Bilbao të Spanjës.

Ajo do të ‘strehojë’ inxhinierë, programues dhe ekipe të shitjes. Po ashtu, në ndërtesë do të vendoset edhe një hapësirë inkubatori dedikuar fillimit të aktivitetit, i quajtur LDN_LAB.

Ndërkohë, rivali i Facebook, Google po planifikon të hapë një seli të re në Londër dhe të krijojë 3000 vende të reja pune deri në vitin 2020.

December 5, 2017 07:00 Updated
Komento

1 Koment

  1. Plaku Xhuxhumaku December 5, 14:59

    Bravo i qofte Edvin Kristaq Rames, ja gradualisht po e ploteson premtimin per 300 mije vende pune.

    Reply to this comment
Shiko komentet

Komento

Your e-mail address will not be published.
Required fields are marked*