Fëmijët e Berishës: Të ardhurat tona janë të ligjshme

December 22, 2012 23:10

Fëmijët e Berishës: Të ardhurat tona janë të ligjshme

Pas një jave denoncimesh vjen dhe reagimi i fëmijëve të kryeministrit Berisha. Në një komunikatë të shpërndarë për mediat ata shprehen se deputeti Balla ka shpifur ndaj tyre dhe për këtë do ta çojnë në gjyq. Ata shtojnë se nuk janë si Edi Rama, që pasi betonoi Tiranën, thotë se ka 3 mijë euro kursime. “Në lidhje me spekulimet e fundit të zotit Balla, sqarojmë se të ardhurat tona janë të gjitha nga burime të ligjshme dhe të deklaruara në organet përkatëse. Të gjithë të ardhurat janë të derdhura në rrugë bankare dhe për to janë shlyer, po në rrugë bankare, të gjitha detyrimet tatimore sipas legjislacionit në fuqi,” thuhet në deklaratë. “I kujtojmë zotit Balla se të ardhurat tona të deklaruara, të kontrolluara e të gjetura në rregull, janë në dritë të diellit, ndryshe nga shefi i z. Balla, i cili pasi betonoi Tiranën me miliona metër katror ndërtim dhe u akuzua publikisht nga ndërtuesit se kishte kërkuar miliona euro në shkëmbim të lejeve të ndërtimit, deklaron si kursime jete 3 mijë euro dhe se jeton 6 muaj te shokët e 6 muaj te mami meqë është i pastrehë,” vijon deklarata. Ata e kanë ftuar deputetin e PS, Taulant Balla, në gjyq për tu përballur me këto akuza. “Përsa i përket trillimeve të vazhdueshme të zotit Balla, kundër të cilit janë hapur nga persona të ndryshëm disa procese ligjore për shpifje, që prej një jave kemi pritur që ai të japë argumente për akrobacitë e tij spekulative. Meqë ai nuk e bën, do t’i japim mundësinë të paraqesë argumentet e tij në gjykatë. E ftojmë të mos i shmanget si frikacak përballjes në gjyq”.

December 22, 2012 23:10
Komento

1 Koment

  1. Horri i Bulevardit December 25, 18:15

    URIME: Per gazeten zoti Thano dhe jam i bindur se kjo gazete do te jete nje opozite e suksesshme ne rrugen tone per nje demokraci funksionale dhe te merituar.

    Natyrisht tek ligjshmeria qe pretendojne e pashpallur te familjes Berisha, sot te gjithe e shohim me vepra se kjo familje ka gllaberuar cdo cent dhe cdo aset strategjik te ekonomise shqiptare dhe ne presim me padurim, rrezimin e Sali Berishes, nga froni, per te bere ate drejtesi qe kerkon cdo shoqeri demokratike.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim