Firmoset ligji i ri në New York: 1 minutë heshtje për 11 shtatorin

September 11, 2019 10:28

Firmoset ligji i ri në New York: 1 minutë heshtje për 11 shtatorin

Shkollat publike në New York do të mbajnë një minutë heshtje çdo vit, për të kujtuar dhe nderuar viktimat që humbën jetën në sulmin e 11 shtatorit të vitit 2001.

Është ky ligji i ri që ka firmosur guvernatori i New York, Andrew Cuomo.

Sipas deklaratës së publikuar nga zyra e tij, ky ligj synon të inkurajojë dialogun dhe edukimin në klasat, si edhe të sigurojë që gjeneratat e ardhshme të kuptojnë se sulmi terrorist në vitin 2001 i mori jetën më shumë se 3.000 njerëzve.

“Shtatori i vitit 2001 ishte një nga periudhat më të errëta të këtij shteti dhe të historisë së kombit tonë dhe ne u detyrohemi atyre që humbën jetën dhe heronjve të vendit që vrapuan drejt rrezikut të asaj dite dhe ditëve që pasuan ku duhej të bënim gjithçka për të mbajtur gjallë kujtesën e tyre”, shprehet Cuomo.

“Duke vendosur këtë ditë të përvitshme kujtese dhe një minutë heshtje në shkollat publike, ne do të ndihmojmë që mos të harrojmë kurrë, jo vetëm dhimbjen e atij momenti por kurajën, sakrificën dhe përkushtimin që përcaktoi dhe përgjigjen tonë”, shtoi guvernatori.

Legjislacioni u mbështet edhe nga senatori i shtetit Joseph P. Addabbo dhe anëtarja e asamblesë legjislative Stacey Pheffer Amato, duke hyrë menjëherë në fuqi.

j.l./ dita

September 11, 2019 10:28
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*