Fisnikëria e Nasho Jorgaqit dhe përbaltësit

Nga Sokrat Habilaj July 23, 2014 21:07

Fisnikëria e Nasho Jorgaqit dhe përbaltësit

Ata që janë irrituar me prof. Nasho Jorgaqin, ose nuk e kanë lexuar fare letrën që ai i ka drejtuar shkrimtarit Ismail Kadare, ose me dashje nuk duan ta kuptojnë thelbin e saj. Të dalldisur se jetojnë në liri, të entuziazmuar se u erdhi “në shteg” një njeri i kohës së llogoreve, për fatin e tyre të keq, gjuha e përdorur prej tyre është një gjuhë tipike llogoresh, ndërsa ajo e përdorur prej prof. Nasho Jorgaqit, është një gjuhë fisnike. Nasho Jorgaqi, në asnjë rresht nuk e fyen mikun e tij të hershëm, ndërsa të inatosurit e letrës së tij, e përdhosin dhe e përbaltin. Ai është në të drejtën e tij për të thënë të vërtetën e vet, sepse është ndjerë i lënduar nga një adresim që i ka bërë shkrimtari ynë i madh, ndërsa të tjerët që askush nuk i ka lënduar, janë thjesht “në të drejtën” e tyre, për të hedhur baltë, nisur nga padurimi i tyre “për të mbrojtur” Kadarenë.

Të hedhësh baltë mbi dikë, është një ndërmarrje aspak e fisme, ndërsa meraku për të mbrojtur Kadarenë, i cili në thelb nuk është sulmuar nga miku i tij, përveçse qesharake nuk mund të ketë emër tjetër. Prof. Nasho Jorgaqi, e ka orientuar letrën e tij, kryesisht në hullinë letrare, ndërsa të tjerët kanë tërhequr zvarrë këtë letër, duke e përplasur në thepat e sharjeve, anatemimeve e mallkimeve, atje ku ata ndihen zotër. Kjo letër është një debat letrar dhe komentuesit e saj, do të ishte dashur që së pari, t’i hidhnin një sy këtij aspekti, brenda kompetencës së tyre, (aq sa e kanë). Po sikur ky debat të mos ekzistonte fare, ata mundohen të hapin një debat tjetër që nuk ka lidhje fare me letërsinë, ndërsa flasin për histori me “spiunë”, “sigurimsa”,.etj. Kur t’u kalojë kjo “xhindosje”, ndoshta ata do të kujtohen se dikur prof. Nasho Jorgaqi, “apo ish “sigurimsi”, siç kanë dëshirë ta quajnë ata, në një letër të tij, nisi një debat jo të pa rëndësishëm për letrat shqipe. Unë jam i bindur se kjo kohë kurrë nuk do të vijë për ta, pasi i përkasin një lloj gazetarie tipike shqiptare, që baltos e baltos pa fund, duke shkuar nga baltosja në baltosje.

Nëse do të duhej të veçonim dy veçori, të cilat turma e baltosësve nuk mundet, apo nuk do që t’i shikojë, janë si më poshtë:

Së pari, letra e prof. Nasho Jorgaqit është model i një komunikimi fin, i një intelektuali të lënduar në sedër, por të pa inatosur. Duhet thënë kjo, sepse është një risi që nuk ndodh shpesh në anët tona. Ju që përbaltni prof. Nasho Jorgaqin, mendoni kë të doni në vendin e tij, në një lëndim të ngjashëm dhe ju siguroj se nuk do të gjeni asnjë, absolutisht asnjë, që nuk do të nxirrte nga sepetet e vjetra, një lumë të pafund sharjesh. Mendoni kë të doni, të vendosur në një debat të tillë, atin dhe birin po deshët, që nuk do ta mohonte tjetrin, duke i hedhur baltë pa fund.

Është për të ardhur keq që ju nuk mundeni të evidentoni se nga fillimi në fund, kjo letër, tej lëndimit të mikut të dikurshëm, ka një tis të dukshëm, thuajse dashurie ndaj tij, aq sa të krijohet përshtypja se ata janë ende po kaq miq dhe mirë do të ishte të mos hynim mes tyre. Forma e ndjekur, mënyra e të folurit, nga fillimi në fund, gjithsesi mbetet një e folur prej miqsh. Duhet ta kishit vënë re këtë gjë si një “çudi” që nuk ndodh thuajse fare tek ne. A nuk ju duket kjo, si një vlerë!? A nuk ju duket se autori i letrës ka zgjedhur rrugën më të vështirë për të komunikuar me mikun e tij të dikurshëm, sepse tek ne rruga më e lehtë është sharja, ajo pra që bëni ju. Veç sa më lart, letra e prof. Jorgaqit, është mendimi i një njeriu që kontribuon pa bujë në historinë e letërsisë shqipe në një kohë kur kjo punë duket si palo punë dhe kjo duhet vlerësuar. Po kështu, ajo është pohim i sinqertë i një të shkuare të trazuar, ku ai ndihet pjesë e kohës ku jetoi, jo si hero, siç po bëjnë sot lloj-lloj tipash, por edhe si i indoktrinuar prej saj. Më gjeni një tjetër, sekretar partie apo spiun, karrocier apo shkrimtar, bejtexhi apo bujk, historian apo zyrtar, që të thotë thuajse me gjysmë zëri se ajo kohë na kastroi, me dashje apo pa dashje. Askush nuk e thotë këtë gjë, sepse të gjithë kujdesen që nga ajo kohë të vijnë, thuajse si heronj.

Së dyti, ata që komentojnë letrën e Jorgaqit, nisur nga zanatllëku i tyre prej gazetari apo analisti, duhet të ishin ndalur tek ato që thamë më lart, por në letrën e tij, prof.Nasho Jorgaqi, trajton dhe një problem delikat, i cili është i papërtypshëm për turmën e atyre që (s)e kanë lexuar letrën e tij dhe askush nuk i bënë me faj pse nuk flasin për të. Kohët e fundit shkrimtari ynë i madh Kadare, botoi romanin e tij, “Mjegullat e Tiranës”, i cili në vetvete është ngjarje për letrat shqipe, por dilema e ngritur nga prof. Nasho Jorgaqi, nëse ky roman është botuar pesëdhjetë vite më parë, apo pesëdhjetë vite më pas, krijon një ngërç sa moral, po aq edhe letrar e historik. Ky problem merr të tjera përmasa, sepse lidhet me shkrimtarin tonë më të madh. Që në fillim, duhet thënë se dilema e tij nuk përbën asnjë herezi, apo shkas që dikush të sulet kundër profesorit. Si njohës i historisë së letrave shqipe, jo vetëm asaj që ka lidhje me gjysmën e shekullit të fundit, por edhe shumë me herët, ai është në të drejtën e tij të aludojë, të gjykojë dhe të japë edhe mendimin e tij për një problem jo kaq të thjeshtë.

Por nëse thamë se ky është një problem sa moral aq edhe profesional, autori i letrës e ka anashkaluar aspektin e parë, për të cilën ndoshta nuk ka dashur të lëndojë mikun e tij, duke u ndalur gjerësisht në gjykimin profesional. Askush nuk duhet të ngutet që të thotë, nëse profesori ka apo nuk ka, njëqind për qind të drejtë, po kështu nuk duhet anashkaluar dhe linja e tij logjike, kur flet për këtë problem. Ai nxjerr konkluzione, duke analizuar në detaje krijimtarinë e një njëzetedy vjeçari, pesëdhjetë vite më parë, duke u ndalur në detaje teknike, në tiparet e krijimtarisë së tij në ato vite, në rritjen madhështore që ai pati më vonë, për të mbështetur tezën (akuzën) e tij se ky roman është shkruar shumë vite më vonë. Kjo është “herezia” e guximshme e Nasho Jorgaqit, e cila, nëse vërtetohet se është e saktë, edhe pse vjen pas një lëndimi, ai thjesht është duke kryer detyrën e tij në shërbim të historisë së letërsisë shqipe. Por edhe nëse është e kundërta, janë të tjerët ata që duhet ta vërtetojnë një gjë të tillë, natyrisht jo duke i thënë profesorit që të mbyllë gojën si shërbëtor i kohës që iku, por me argumente. Vetëm botuesi i Kadaresë në një të përditshme, bënte përpjekje, them serioze në këtë drejtim, por edhe ajo nuk ishte e gjitha çfarë duhet thënë për të argumentuar të kundërtën, nuk ishte shteruese.

Si përfundim, mund të themi se në këtë debat të hapur, ata që dinë të argumentojnë tezat e tyre, vetëm me “ish sigurimsa”, vetëm me “ish komunistë”, mirë është që të mos flasin. Tej profesionit të gazetarit, apo të analistit, kushdo që rreket të bëjë “pre” të tij, dikë që botërisht ka vlera më shumë se ty, është kërkesë elementare, që së paku të stepesh, apo të kursehesh në sharje. Ne duhet të mësohemi t’i vlerësojmë objektivisht vlerat tona. Ismail Kadare është Ismail Kadare, por edhe Nasho Jorgaqi është Nasho Jorgaqi.

Nga Sokrat Habilaj July 23, 2014 21:07
Komento

30 Komente

  1. Pellazgu July 23, 22:14

    E thua mir mor Sokrat, por kujt ia thua?

    Reply to this comment
    • Raimond Vlonjati July 24, 17:02

      Ketu, ne kete letren e Nashos, del ne fakt, nje problem MORAL i shoqerise shqiptare ne kete demokraci qe jetojme.

      Sot shikojme se nuk ka me shoqeri dhe vellazeri sic kishte dikur –Sot njerezit jane bere te gjithe ujqer per njeri tjetrin ,
      krahasuar me kohen e djeshme kur njerezit ndihmonin njeri tjetrin dhe kishin shoqeri tamam or vella….

      Sot ne mes te ruges rifet , apo vritet tjetri, , vret vellai,-vellane dhe as qe do t’ja dije njeri fare –Ndersa dje,nese dikujt i ndodhte nje fatkeqsi ne ruge, futeshin te gjithe per ta ndihmuar fatkeqin…..dhe askush nuk rinte indiferent

      Pra sot jemi ne nje shoqeri qe i shkon titulli :….O Vellezer ujqer … – Dmth ne jemi nje shoqeri qe vuajme nga urejtja per njeri tjetrin
      ….Dmth ndjejme kenaqsi kur i bejme tjetrit “gjemen” dhe ne rastin e Nasho Jorgaqit ka dicka teper interesante se kete e bejme duke menduar se i bejme mire atij tjetrit ..Kjo eshte tamam “Cmenduri Morale”

      Jorgaqi ne kete rast behet si nje personazh i “romanit “Dimri i Vetmise se madhe” , ku nje pilot rus i tregonte Besnikut se si e kishte rrezuar nje pilot tjeter pavaresisht se edhe ky tjetri ishte rus, por kishte mare urdher qe ta godiste avjonin e njeriut te tij …Dhe i thote Besnikut se kete e kishte bere me “me dhimbje vella, me dhimbje ”

      Edhe Jorgaqi , kur ben kete letren ne filllim fut ato justifkimet e tija se gjasme po e ndihmonte Kadarene …duket sikur thote : “…me dhimbje, vella, me dhimbje,”

      Ne fakt eshte interesant se nuk ka asnje komb ne bote, ku njerezit ta urrejne vet-veten kaq shume, sa e urrejme ne shqipot njeri tjetrin

      Kudo qe te shkosh po te shikosh shqiptare, direkt do vesh re , urrejtjen qe kane per vete njerezit e tyre , te cilen e shprehin qe ne fytyre …

      Dhe ne kete vorbull vet-vrasese qe ka perfshire shoqerine shqiptare perfshihet edhe kjo letra e fameshme e Nashos

      Ne ate leter nuk eshte problemi ka apo nuk ka te drejte Jorgaqi , por problemi eshte :
      Ka apo nuk ka moral Jorgaqi …?

      La ta analizojme letren e Jorgaqit ne Planin Shoqeror midis dy veteve, qe kane qene MIQ dikur .
      Cfare i prishej Jorgaqit edhe sikur te supozojme se Kadareja genjente per kohen se kur e ka shkruar ate romanin e tij “Mjegullat e Tiranes” ( Dashuria e dyte) ….?
      Absolutisht azgje…. Ka ndonje fyerje ketu ndaj Jorgaqit , pse Kadareja , supozojme, ka genjyer per vitin kur e ka shkruar kete veper ?

      Edhe ne rastin tjeter kur Kadareja e kritikon vepren e Jorgaqit ,ai nuk e permend fare me emer Jorgaqin .
      Keshtu Jorgaqi fare mire mund ti telefononte dhe ti kerkonte shpjegime privatisht Kadarese per hater te miqesise qe kane pasur , dhe mund te sheshoheshin te gjitha keqkuptimet ….

      Atehere cfare e shtyn Jorgaqin te dali hapur kunder Miqesise se tij te dikurshme ?

      Sipas meje Shtysa e Jorgaqit ne kete rast eshte :…Ai ka dashur te bej Show, dhe nga ana tjeter eshte treguar edhe me Moral te ulet , qe sapo gjeti nje te mete u ngrit menjehere te godiste Miqesine e tij te dikurshme…

      Flasim gjithmone nese e shikojme letren e Jorgaqit ne Planin Moral te shoqerise midis dy shokeve , Biles ne mos gaboj Jorgaqi me duket eshte edhe kusheri me Helenen ,

      Shoqeria ka gjithmone regulla morale , domethene se , nqs njeri nga shoket u nxitua per nje moment ,,( dhe aq me teper qe ne kete “nxitim”‘ emri i Jorgaqit nuk permendet fare)
      atehere tjetri i sjell ndermend shokut ne nje bisede koke me koke , me nje kafe perapara , se ka gabuar ….

      Ndersa , ne te kundert , nqs ti gjen nje shkak per te hedhur poshte gjithe miqesine e dikurshme
      dhe te dalesh hapur kunder ish-mikut tend atehere ti ne ate miqesi paske qene i pabese ….

      Me nje fjale Jorgaqi tregon tamam , defektin e shoqerise shqiptare sot : Qe jemi te gjithe ne “prite” per te “masakruar ” njeri tjetrin……

      Reply to this comment
    • andromeda July 25, 12:51

      Me siguri Moli e ka pasur një dorëshkrim kujtimesh nga kjo histori dashurie, e përjetuar nga ai vetë apo e dëgjuar nga të tjerët, apo qoftë dhe sajesë. Mbas shumë vitesh asht kujtue për te dhe e ka marrë duke e rishkruar me trajtat që ka botimi sotëm. Mirëpo kurrsesi nuk mund të jetë i njejtë laboratori krijues i shkrimtarit në një distancë kohore prej më shumë se gjysmë shekulli, sidomos kur në mes të këtij intervali futet një përmbysje totale regjimesh dhe ideologjishë. Me këte rast ai boton një roman dashurie dhe njëherësh përforcon dozën e disidencës që i lipset sot për t’u distancuar nga e kaluara dhe për të kapur çmimin Nobel.

      Reply to this comment
  2. Amstel July 23, 22:20

    Shume mire e ke trajtuar, zoteri ! Fanatiket e verber te Kadarese nuk jane ne gjendje te pertypin sic duhet argumentat e Prof.Nasho Jorgaqit!

    Reply to this comment
    • A.p.S (KATHERINA DIE GROSSE)Madona prej Sauku July 24, 19:29

      Jam dakort me ty.
      Kadareja osht aq Gjeni si shkrimtar…,siç osht dhe pelivan si njeri.
      Kadareja nuk ka aspak burrni ne krye,por vetem ne breke.
      Ai i bon zbor dafllakut me dore dhe me llap
      Kete gje ma ka thon Monda,…
      he mo ajo Monda ish deputeja Tik-tak Tik -tak

      Reply to this comment
      • Riza. Mance July 25, 12:45

        O laro vere emerin sic e vem ne qe kemi dinjitet u bet ju te shani Kadarene
        O pse nuk ju bje rrufeja ne kok o spiuna

        Reply to this comment
        • Sulo Permeti July 25, 14:44

          Kadarene po xhveshesh si i talentuar ne letersi,eshte nje skuth i papare,meskin ,ziliqar dhe shpirtlig.Boll te kujtosh ,qe per interes personal,e coi djalin e ri(i dashuri i vajzes),ne burg dhe me pas ne cmendine,duke shfrytezuar,pozitten partiake te miqve te tij me pushtet….lufta me fjale ofenduese,per te nderuarin Z.R. Qosja.Ka marre me qafe sh. te rinj shkrimtare qe dilnin jashte vijes se Partise,prandaj Kadereja,nuk eshte shenjt sic thote Ngjela,pelivani i 100 partive. Sulo

          Reply to this comment
  3. Kris July 23, 22:28

    Ky fjalor qe perdoret vend e pavend ish sigurims,ish komunist ne vend te argumentave eshte dhurata qe i beri popullit shqiptar prof doktor Berisha.Nje gjuhe alabakesh kur mungon argumenti.Letra e profesorit per Kadarene eshte nje leter mes shokesh dhe e sinqerte.Besoj se dhe Ismaili do ti pergjigjet me sinqeritet dhe me modesti shokut te vet.
    Persa thone per realizmin socialist komentuesit cdo sistem dhe epoke krijon heronjte e vet,here tragjik e here komik por nuk eshte faji teresisht i shkrimtarit por i sistemit ne te cilin jeton.Nuk mund te gjesh nje film te ku ne krahasim me te tjeret amerikani nuk eshte hero ,patriot dhe internacionalist i madh per mbrojtjen e vlerave pozitive
    Mos i sulmojme artistet se brenda vepres se tyre projektohet e arthmja e nje populli

    Reply to this comment
  4. Ylli i Manushaqes July 23, 22:28

    Kadareja e ka hallin tek cmimi Nobel. Ka kaq kohe qe me nje menyre apo tjeter po perpiqet t’i tregoje jo thjesht lexuesir shqiptar, por qarqeve letrare kritike boterore,se, megjithese ka qene shkrimtar i realizmit socialist, megjithese ka shkruar e i ka thurur lavde atij sistemi, kete ne fakt e ka bere i detyruar nga kushtet e kohes etj. etj. Pra perpiqet te justifikohet per vepren e tij letrare e tij gjate diktatures, pasi pikerisht kjo nuk po e le te marre cmimin Nobel. Sado qe vleresohet ne gjithe boten si shkrimtar, fakti qe ka qene i perkedheluri i regjimit te adaj kohe dhe ka shkruar ne favor te ketij regjimi eshte nje njolle e madhe ne “biografine” e tij si shkrimtar.

    E ke te kote zoteri i nderuar. Nuk do ta marresh dot cmimin Nobel. I ke sherbyer komunizmit ne menyren tende. Dhe kete bota perendimore nuk ta fal. Nuk ta ka fajin Nasho Jorgaqi.

    Reply to this comment
  5. une July 23, 22:36

    E çuditshme vetem mendja djallzore e Kadares nuk po pronocohet mos vall ka vetem levat si argumet

    Reply to this comment
  6. dd July 23, 23:52

    Rregulli me ithjeshte: te gjykosh dicka duhet te nisesh nga faktet. Mjaft pjesemarres si Z Hudhri, Z Ypi.Z ngjela dhe ca pseudostudjuese terhiqen nga tifozlleku, per te mos permendur arsye te tjera me te padenja. Ku eshte Kadareja? Nderi I cdo njeriu eshte t’i dale Zot vetes, jo te fshihet… Po c’pret nga nje njeri qe ka shkruar dikur deklarata te tilla se “une pa partine do isha nje shkrimtar medioker”! Nje njeri qe ankohet aq shume nga sigurimi dhe miqte I kishte punonjes te sigurimit. Edhe valixhet sportisti-sigurimsi ja beri gati kur do na linte pendet per ne Paris. Po s’ka c’te thote. Me te gjithe personalitetet shqiptare eshte zene, me ata qe jane ne pozita te larta nuk zihet kurre. Pret sa te vdesin, pastaj I shan nga nena. Me duket sikur ka hipur mbi nje kale te ngordhur dhe therret: Lavdine , cmimin, Nobelin, jap gjithcka per to,nderin, familjen, miqte dhe prinderit e vdekur… Huqi vdes me njeriun!

    Reply to this comment
  7. Pëllumb zaimi July 24, 00:52

    Sokrat? Kini thënë atë që duhet thënë. Por ne nuk rrimë dot pa sharë e baltosur!? Më e keqja eshtë se shajme e baltosim duke u fshehur pas nje pseudonimi? Paburrëri !!! Këta që bëjnë kështu janë “sigurimsa” jo prof. Nashua qe flet hapur dhe pa fyer. Thua shumë gjera “po kujt ja thua” pyet “Pellazgu” me të drejtë? Mua kot ma thua,unë vdes për te sharë e baltosur? Bukur i ke thenë gjerat Sokrat por mos u duk më se “kam baltë dhe për ju”? Nuk me mbaron balta mua? Jam i xhindosur qe nuk arrij dot atje ku ka arritur Kadareja dhe Nashua dhe s’bej punë tjetër veç të mbledh baltë e t’ja u hedh. Pale kam krijuar dhe nje varg qe e kendoj tërë ditën ” Erion,- Sokrati ta kalon” dhe bamp ja fus me baltë!? E kam zakon dhe mëndjen m’a sundon! Kur e ke zakon truri nuk punon,instikti të sundon? Nderime Sokrat!

    Reply to this comment
  8. Socialisti bythpambuk July 24, 03:33

    Prpfesor Nasho Jorgaqi eshte njeri fisnik. Nuk mund te krahesohet Ai me Ismail Kadarene.
    Ismaili eshte ai qe i vjen turp nga emri i tij dhe qe adoleshentja 75 vjecare Elena e quan me emrin Isi. I. Kadare eshte nje njeri i lig. Mire qe u more me letersi se te ishte mare me politike dhe te kishte haritur dicka ,ai do te ishte me i poshter dhe kriminel se Sali Berisha dhe do te urrehesh nga populli me shume se Saliu.

    Reply to this comment
  9. labinot July 24, 04:13

    Prof.Nasho eshte studiues i hershem i letersise dhe mund ta bej diferencen e kohes kur eshte shkruar novela ne fjale.Nje mendim me vlere mund te japin Agron Tufa,Prec Zogaj,Moikom Zeqo e keta qe kane nje jete qe merren me letersine.Kete s`mund ta bejne komentuesit,as Agim Baci,Avokat Ngjela,Ypi,Botuesi i tij Hudhri etj.Ketu nuk behet fjale per nje pershendetje muzikore hawy metal,qe ish kryeministri Berisha ua dergonte fansave te ,si preference muzikore te rinise se tij.Ketu po!.Ketu komentuesit u treguan eksperte,duke qene te nje niveli me postuesin dhe derdhen te gjithe zhargonin dhe mllefin ,madje edhe edukaten morale qytetare,qe kishin mesuar ne shkollen e diktatures.Keshtu historia e Shqiperise shpetoi nga nje “mashtrim historik”.Ketu rasti eshte profesional dhe etik,se nuk kemi te bejme me politikane rruge qe shahen prej mengjesi deri ne darke me fjalorin me te ndyre te burgut,ketu kemi te bejme me personalitete te kultures,qe i kane dhene ketij populli

    Reply to this comment
  10. dino July 24, 04:44

    E ka te qarte edhe vet Ismaili…Si shkrimtar i perket epokes sone dhe atyre qe do vijne,si njeri eshte trishtim dhe bezdi per brezin qe e ka…Ai si njeri eshte i mire vetem per veten e vet!!!

    Reply to this comment
  11. Vaso Papaj July 24, 07:07

    Bukur Sokrat.S mund te shtoje asnje presje nga c ke shkruar ti.

    Reply to this comment
  12. Longari July 24, 07:16

    E lexova me shume kujdes edhe letren e hapur te Jorgaqit, edhe pergjigjen e Hudhrit, shenimin dinjitoz te Ngjeles si dhe gjithe sa jane prononcuar per kete teme. Duke ditur mire qe edhe vet Sokrati eshte krijues, madje jo do si do, kam mendimin se nuk perben ndonje kenaqesi futja ne keto ujra te ndyra qe fatkeqesisht i takojne letersise. Nga niveli i komenteve te mesiperme, kam te drejten te mendoj se jane te gatshem te japin opsionet e tyre edhe lexues qe kane lexuar apo jo nje liber te vetem nga Kadare dhe sigurisht asnje nga Jorgaqi. Se kush eshte Kadare si shkrimtar, fatmiresisht, s’ka mbetur ta vleresojne te tilla fletushka te tilla qe grumbullojne rreth vetes fanatike medioker. E vlereson nje bote e tere nepermjet perkthimeve te tij te panumurta. Se c’vlere ka Kadare si njeri? Kjo nuk me intereson fare, Besoj se as lexuesit s’ka pse t’i interesoj derisa eshte zgjedhje personale e tij. Sa i perket fisnikerise se Jorgaqit nuk eshte nevoja per te hyre thelle, pasi ajo cpaloset ne menyren me te shemtuar ne vet letren. Pa dyshim qe ka vendin e tij ne letersi, i cili eshte shume larg Kadarese, por sidoqofte, e ka dhe duhet te gezohet me kete vend, pasi me lart nuk arrin dot, qofte edhe duke u cirrur kunder te tjereve. Sa per ndonje fisnikeri tjeter, veshtire se mund te behet fjale. Me te gjitha keto desha te them se kete radhe ia ke fut kot o Sokrat, pasi jam i sigurt se as vet ty nuk te kenaq mediokriteti.

    Reply to this comment
  13. Zoto Raj July 24, 08:06

    Nuk jam e fushes se letrave dhe smund te hyj ne analiza te hollesishme,letersine e lexoj dhe shijoj si shume lexues. E lexova dhe romanin me te ri te Kadarese, pa dyshim qe stilii tij i te shkruarit te magjeps,por ama ne fund ne mendjen time mu fiksua nje pyetje: te jete valle i 50 viteve me pare??…Nuk e kam lexuar analizen e Nasho Jorgaqit,po pandyshim do jete me vlere, sepse miku i hershem te njeh mire…e sa per per analizat e analisteve te sotem qe u eshte kthyer ne stil jetese e mbijetese perbaltja e disave e furcet ndaj disa te tjerveas ja vlen te merresh. Urime Sokrat per shkrimin.

    Reply to this comment
  14. reformer July 24, 08:32

    Por Kadareja nuk e ka permendur Nashon, sipas meje sepse nuk donte te hapte nje debat publik me emra te pervetshem. Nasho mund ta kishte sqaruar ne rruge personale cdo gje. Fakti qe ky e ben publik debatin nuk me duket nje zgjidhje e mire.

    Cfare perfitimi i sjell kjo letersise dhe figurave publike te shkrimtareve?

    Reply to this comment
  15. Rrapushi July 24, 09:42

    Shoku Rita, shoku Kico, shoku Nasho etj etj. sigurimsat vllehe te Shqiperise…

    Reply to this comment
    • hithri July 24, 16:57

      Shoku Moli, shoku Berisha dhe vazhdo numuro Rrapush se emrat jane te pafund……

      Dhe sokrati ka te drejte. Ne gazetat e tjera jane botuar letrat qe ju kundervihen Nashos, por Letra e Nashos nuk eshte botuar , si tek panorama dhe Tema pra nuk ju ehste dhene lexuesve mundesia te gjykojne te dy anet. Bile tek tema eshte hera e dyte qe redaksia i bllokon komentet per Molin( kaq shume adhurohet moli nga TEMA) . Kjo redaksi zakonisht le edhe komentet me te ndyra te kalojne( provoni te komentoni tek tak Ngjela dhe do merrni njoftimin se komentete jane mbyllur per kete shkrim)

      Cfare tregon kjo, se ata e dine mire se Moli, pervec faktit qe eshte nje nga shkrimtaret me te mire te letersise tone eshte nje njeri shume i vogel dhe gjithmone e ka treguar kete vogelsi me fjalet dhe veprat e tij.Moli nuk mund t’i shpetoje vetvetes, nuk mund t’i ike atij qe eshte dhe thelbit qe e perben ate si njeri. Shume njerez ne pleqeri reflektojne( sic ben Nashua ne Letren e tij te hapur). Moli nuk e ka ate aftesi. Kjo aftesi i mungon se e ka mizen nen kesule……………

      Reply to this comment
  16. Albani - Prizren July 24, 09:53

    E Lexova kete tekst te shkruar te shkruar aq bukur,ne menyr profesionale ne menyr dinjitioze nga Sokrat Habilaj dhe ketu vetem nje gje mund te shtoj se te gjitha qe i ka shenuar per Fisnikerin dhe Burrerin e tij te Nasho Jorgaqi eshte plotesisht me vend dhe e vertet.
    Prandaj ju Lumte per kete tekst-shkrim kaq te mrekullueshem.
    Kurre ne Shqiptaret do te arrijme te vetedijesohemi,ti pranojm Kritikat e njeri tjetrit,atehere si Komb,Si Shtet dhe si Popull qe jemi do te shkojm shume perpara,kur nuk arrijme me i pranu kritikat e te tjereve atehere kemi me mbet shume mbrapa.
    Rrespekt per te gjithe Shqiptaret ku do qe ndodhen ne trojet e tyre etnike.
    Ju Pershendes nga Kryeqendra Historike PRIZRENI

    Reply to this comment
  17. MALI July 24, 11:10

    Ismail Kadare esht I peshtir si njeri.Ka shenja hakmaresi karieridti servil I kamufluar badakci i sofistikuar .Ka ditur te perfitoj nga momentet historike.Thjesht nje plere,funderin

    Reply to this comment
  18. anonim July 24, 12:04

    Para disa ditesh shkruajta nje koment per shkrimin e Z. Baci. Pa hyre ne hollesirat , gjuhen dhe argumentat (qe mendoj s’i bejne nder z. Baci), u perpoqa te argumentoj qe shkrimi i Prof. Jorgaqi ngre nje problem etik dhe moral dhe si i tille ai eshte me vlere jo vetem per shoqerine shqiptare por dhe per cdo individ qe ka integritet. Librin e Z. Kadare nuk e kam lexuar, por te me falin qe vetem por supozoj, kam pershtypjen qe autori mund te kete ndjekur nje interes komercial (duke pare suksesin e librit te autores E. L. James, Fifty Shades of Grey), kompleset biollogjike qe jane normale per moshen e autorit dhe mjeshtria e njohur e autorit i ka dhene vlerat qe ja levdojne lexuesit….

    Reply to this comment
  19. etleva July 24, 13:39

    kur lexova letren e prof.NASHOS, nisa te bej komentin ,por kur lexova disa hakmares me erdhei keq.
    por verejta nje vlere njerezore te nje dashuri prej shoku, miku,kolegu ne letersi dhe qe per fat te keq,miqesia nuk eshte jo ajo qe ka qene,por jo per faj te ketij fisniku.
    Nuk eshte vetem ky rast,qe kadare nuk ka vlera te verteta njerezore,si me prof QOSEN,dhe edhe me vehten kur ne kohen e braktisjeve per liri e demokraci,ai i etiketoji keta njeres, te vuajtur, te lodhur,te varfer, i quajti jashteqitje e kombit,dhe te njejen gje beri kur ky popull kishte nevoje qofte dhe nje fjale prej tij,u largua njesoj sikur te kishte vuajtur njesoj si ata, qe nuk hanin buke me gje tjeter,por kur nje bashkfshatari im , ju keni buke ne tirane qe ne duhet ta hame me buke misri ate.
    kam lexuar librin DASHURI E MIMOZES, nje liber,qe vetem natyra e nje fisniku,qe dashuron me te vertete njesoj si ajo , ne rastin MIMIOZA,kur kete ndjenje te madherishme,per fisnike, per ata qe e quajne dashurine vlere te vertete per lumturi,trashigimi njerezore e vazhdim te jetes nga breza qe do te lene pas,futen ne mes per ta prishur kete madheshti qe lind aq fort, duke pretenduar se nuk na pelqen dhendri se eshte ushtarak,dhe e duam akademik,dhe se vajza nuk do ta shijonte njesoj dashurine, si ate te MIMOZES, ne rastin e librit.
    Kaluan vite dhe Kadare e pergjithson kete rast me ate te vajzes se tij , me familjen e J.Rapit,qe edhe ajo si mimoza dashuronte,por nuk dashuronte ne familjet akademike.
    vlerat etike, morale,njerzore jane cfaqur te libri i profesor NASHOS, por mos ka ketu nje kopjim te sjellur nga koha e sotme,ne ate te librit te fundit te Kadarese.
    Nuk e kam pare kete liber,dhe ka vleresues por per kete.
    Nga leximi i letres drejtuar kadrese,vlera e vertete,fisnikeria,dashuria njerezore, njohja e kerkesa per te qene shok i imire e ne miqesi me per kolegun , krahas vlerave ne letersi tregojne se ato jane vlerat e NASHO JORGAQIT.

    Reply to this comment
  20. etleva July 24, 13:41

    kur lexova letren e prof.NASHOS, nisa te bej komentin ,por kur lexova disa hakmares me erdhi keq.
    por verejta nje vlere njerezore te nje dashuri prej shoku, miku,kolegu ne letersi dhe qe per fat te keq,miqesia nuk eshte jo ajo qe ka qene,por jo per faj te ketij fisniku.
    Nuk eshte vetem ky rast,qe kadare nuk ka vlera te verteta njerezore,si me prof QOSEN,dhe edhe me vehten kur ne kohen e braktisjeve per liri e demokraci,ai i etiketoji keta njeres, te vuajtur, te lodhur,te varfer, i quajti jashteqitje e kombit,dhe te njejen gje beri kur ky popull kishte nevoje qofte dhe nje fjale prej tij,u largua njesoj sikur te kishte vuajtur njesoj si ata, qe nuk hanin buke me gje tjeter,por kur nje bashkfshatari im , ju keni buke ne tirane qe ne duhet ta hame me buke misri ate.
    kam lexuar librin DASHURI E MIMOZES, nje liber,qe vetem natyra e nje fisniku,qe dashuron me te vertete njesoj si ajo , ne rastin MIMIOZA,kur kete ndjenje te madherishme,per fisnike, per ata qe e quajne dashurine vlere te vertete per lumturi,trashigimi njerezore e vazhdim te jetes nga breza qe do te lene pas,futen ne mes per ta prishur kete madheshti qe lind aq fort, duke pretenduar se nuk na pelqen dhendri se eshte ushtarak,dhe e duam akademik,dhe se vajza nuk do ta shijonte njesoj dashurine, si ate te MIMOZES, ne rastin e librit.
    Kaluan vite dhe Kadare e pergjithson kete rast me ate te vajzes se tij , me familjen e J.Rapit,qe edhe ajo si mimoza dashuronte,por nuk dashuronte ne familjet akademike.
    vlerat etike, morale,njerzore jane cfaqur te libri i profesor NASHOS, por mos ka ketu nje kopjim te sjellur nga koha e sotme,ne ate te librit te fundit te Kadarese.
    Nuk e kam pare kete liber,dhe ka vleresues por per kete.
    Nga leximi i letres drejtuar kadrese,vlera e vertete,fisnikeria,dashuria njerezore, njohja e kerkesa per te qene shok i imire e ne miqesi me per kolegun , krahas vlerave ne letersi tregojne se ato jane vlerat e NASHO JORGAQIT.

    Reply to this comment
  21. gjermani i fundit July 24, 15:09

    ne fakt,fajin e ka F.Scott Fitzgerald,se ai ka shkruar me finese per dashurite e humbura(ndofta I.K. ka lexuar ne moshe te respektuar “Perketej Parajses”te F.S.F).Me siguri qe I.K. e ka shkruar kete roman qe pa mbushur 20 vjeç,keshtu i behet qejfi edhe atyre qe duan nje “shkrimtar bote”,te ardhur ne kete bote perpara botes…Nuk e kam lexuar kete novele,por ve ne dyshim titullin,vertet ka pasur shume mjegulla Tirana?Une kam jetuar 8 vjet dhe nuk mbaj mend te jete vend mjegullor,siç eshte Londra psh, apo Pekini.Por tanime autori jeton ne Paris e “Parisi eshte nje feste qe nuk mbaron kurre…”-ka shkruar Hemingway,qe para tre ditesh kishte datelindjen dhe Hemingway pati nje sherr te vogel me mikeshen e tij Gertrude Stein per ate frazen famoze te”brezit te humbur”,fraze qe i mbeti te gjithe shkrimtareve te asaj kohe mes dy luftrave.Pak a shume ky fat i ra edhe brezit te Nasho Jorgaqit,Ismail Kadarese,Driteroit,sidomos Petro Markos,Jakov Xoxes e mjaft krijuesve te tjere,qe keq apo mire dhane nje kontribut te tyren per kohen dhe rrethanat.Nje tjeter shkrimtar italian vdiq para disa ditesh,Giorgio Faletti,qe te pakten ne dy libra e kalon fantazine dhe talentin e Kadarese,per mendimin tim.Duhet te mesohemi me termin”shkrimtare te permasave boterore”dhe jo”shkrimtari boteror”,se pastaj perjashtojme me dashje tere ata shkrimtare qe sot botojne me miliona kopje dhe kane jo pak talent.Kam frike se me shkrimtarin tone te madh Kadare po ngrihet nje permendore siç e duam ne dhe jo siç ishte dhe eshte ai.Avokati Ngjela e niste shkrimin me maksimen ” I santi non si toccano”(te shenjtet nuk preken)-shume larg ka shkuar avokati;nuk e di nese Papa e ka ndermend kete pune…Por te shkruash nje novele me pas e ta paraqitesh sikur eshte shkruar me pare eshte nje gje shume frekuente,keshtu qe Kadare nuk ka bere ndonje herezi letrare.Mundet linjat e pergjithshme i ka pasur qe dikur,por kohet e fundit i ka dhene ca penelata te tjera dhe kjo eshte pozitive,pse jo?Lum ai qe i shet librat me te tilla debate ne gazeta..(!!!),eshte pjese e reklames edhe kjo,e ka shpjeguar kete truk G.Orwell ne nje ese te famshme mbi kritiken dhe tonelatat e kartes se shkruar.Kam lexuar tani vone “Piramiden” ne italisht,jam shume xheloz per Kadarene sesi qe nen diktature te kete shkruar nje liber te tille aq te detajuar,atehere nuk ekzistonte as wikipedia…Ok,nuk eshte roman per lexues si mua,qe nuk kuptojne thelle,aq thelle sa gropa Mariane,por nuk thote ndonje gje”Piramida”.Per tre ore kam lexuar nje tjeter ne italisht”Vajza e Agamemnonit”,biles me shume me mundoi parathenia,po aq sa me intrigoi,sepse shpjegohej se doreshkrimin e kishte marre fshehur nje francez,etj peripecira kafkiane si keto.Per mua s’ka rendesi se ka qene Kadareja disident apo jo,ai shkruan bukur,te ben per vete.Shkruan per Shqiperine e shqiptaret,per ne kjo del e mjafton ta duam e nderojme.Nasho Jorgaqi e Neshat Tozaj kane shkruar romane policore,nje zhaner ky qe ka lexuesit e vet dhe perfaqesuesit e saj te medhenj,si Simenon,Ken Follet e mjaft te tjere,te quajturit seri e librave te verdhe.Kadareja tenton per nga filozofia letrare;ne njefare menyre ka qene filozofi liberal i koheve tona,pak rendesi ka se quhet disidence ose jo.Pak rendesi se i japin Nobel per kete ose jo,megjithese Nobelin e aspiron çdo shkrimtar dhe nuk eshte turp ta aspiroje.Se fundi,kam frike se padashur z.Jorgaqi po i ben nje reklame te mire ish mikut te tij,por mua si lexues nuk me “ze” thesi…Mjegullat ne Tirane me duket si motiv shume i thjeshte,provoi Scott Fitgerald me “Shkendijat e fundit” dhe i mbeti pergjysem…

    Reply to this comment
  22. spectrum July 24, 20:35

    jorgaqi shprehu nje pakenaqesi ndaj mikut te tij te vjeter ,por mos harroni se miku I tij I vjeter ka bere jashtezakonisht shume per identitetin kombetar.

    Reply to this comment
  23. TINI July 25, 00:39

    Zoti Sokrat,nuk ju njoh,por ashtu sic keni shkruar,dukeni ZOTNI.Analiza juaj eshte jo vetem e mencur,por edhe shume profesionale dhe njerezore.Pikat qe i keni vene mbi “I”,nuk ka analist e aq me pak komentues,qe t’i luaj nga vendi.Ato qe thoni,nuk vlejne aq per Profesorin Jorgaqi,se sa per vete shkrimtarin tone te madh Kadare,i cili duhet ta marre si sinjal,qeletrave adresuar ati,t’i pergjigjet vete dhe jo tja lere zedhenesave te tij.

    Reply to this comment
Shiko komentet

Komento

Your e-mail address will not be published.
Required fields are marked*