Fituesi i Oskarit Di Kapri, shfaq anën e dhunshme

February 29, 2016 18:43

Fituesi i Oskarit Di Kapri, shfaq anën e dhunshme

 

Edhe pse kryetari i bashkisë së Pogradecit Eduardo Di Kapri njihet më shumë si aktori që fitoi më në fund Oskarin e merituar pas kaq shumë vitesh në kinematografi, ai ka shfaqur një anë të errët në qytetin që drejton, – thonë Gojët e Liga.

Mësohet se Di Kapri është paditur se ka ushtruar dhunë ndaj një përmbaruesi privat, menjëherë sapo u kthye nga ceremonia e çmimeve Oskar.

Kjo anë e dhunshme e karakterit të tij e ka vënë në siklet artistin dhe drejtuesin e njohur vendor.

Di Kapri ka deklaruar se nuk kishte ndërmend ta qëllonte përmbaruesin, ashtu si më herët nuk e ka pasur qëllimisht shkarkimin e drejtorit të Ujësjellësit për të emëruar aty nipçen e vet.

“Nipçja thjesht u ndodh aty kur e shkarkova drejtorin, dhe më tha: meqë u lirua, ta marr unë atë vendin? Merre more zevzek, i thashë. Po kështu, përmbaruesit thjesht i ra mbi kokë statueta e Oskarit që mbaja në dorë, se është e rëndë dreqi, flori safi”, sqaroi Di Kapri.

“Ja, kjo është e vërteta e kulluar”, përfundoi artisti i famshëm kryebashkiak.

February 29, 2016 18:43
Komento

2 Komente

  1. Pilo Lala February 29, 18:54

    Keto duken si humor, por te dyja veprimet kane akt krimi.
    Cojeni ne Prokurori.
    Iku koha e Mziut dhe ketij tjetrit, qe e kane bere Bashkine private.

    Reply to this comment
  2. Muco February 29, 19:28

    hahaha, po cojeni gjer ne fund muhabetin, bejeni Eduardo di Caprio

    Reply to this comment
Shiko komentet

Komento

Your e-mail address will not be published.
Required fields are marked*