Manastirliu: Dyfishohet numri i epidemiologëve në terren, shtohen 300 punonjës, vjeshta e dimri do jenë të vështirë

August 1, 2020 11:20

Manastirliu: Dyfishohet numri i epidemiologëve në terren, shtohen 300 punonjës, vjeshta e dimri do jenë të vështirë

Ministrja e Shëndetësisë dhe Mbrojtjes Sociale Ogerta Manastirliu, gjatë takimit me epidemiologët e Tiranës, një prej vatrave kryesore në vend, ka deklaruar se sistemit shëndetësor do t’i shtohen 300 mjekë, infermierë, teknikë, në përgjigje të planit dhe strategjisë afatmesme ndaj situatës së shkaktuar nga COVID19.

“Vendimi i qeverisë ka alokuar 300 punonjës të dedikuar për spitalet që priten të hapen, por edhe për planin tonë afatmesëm në kuadër të përgjigjes të situatës të shkaktuar nga COVID19. 300 punonjës do të jenë mjekë, teknikë apo infermierë, që do t’i përgjigjen nevojave të spitaleve COVID apo nevojave të tjera që ka sistemi shëndetësor”, tha Manastirliu.

Gjatë takimit me epidemiologët, Ministrja Manastirliu theksoi se po vijon puna me forcimin e kapaciteteve dhe burimeve njerëzore për përgatitjen e periudhës vjeshtë dimër.

“Ne po përgatitemi për vjeshtë-dimrin, që sigurisht do të jetë i vështirë, por po përgatitemi të fuqizojmë asetet sa i përket burimeve njerëzore, epidemiologët, punonjësit në shërbimet e Njësive Vendore të Kujdesit Shëndetësor jo vetëm në Tiranë, ku janë dyfishuar ekipet por edhe në të gjithë qarqet, në mënyrë që në terren të kemi më shumë epidemiologë, më shumë punonjës, të cilët të mundet të kenë prioritet jo vetëm testimin, por edhe gjurmimin, hetimin për kufizimin e infeksionit”, tha Manastirliu.

Epidemiologët e terrenit kanë bërë të ditur se nga rastet e identifikuara së fundmi ka rritje të rasteve tek moshat e reja të cilët janë infektuar nga frekuentimi i vendeve me grumbullime masive, kryesisht festa dhe ditëlindje.
“Ajo çfarë vihet re këtë periudhë është rritja e rasteve në moshat e reja. Vatrat kryesore janë nga festat, ditëlindjet apo grumbullimet ne ceremoni mortore”, u shprehën epidemiologët.

Manastirliu ju ka bërë edhe njëherë thirrje të rinjve të tregohen të përgjegjshëm, pasi sjellja individuale në këtë betejë është vendimtare.

“Ajo çfarë konstatohet nga puna juaj është që të rinjtë, apo personat që janë frekuentues të festave dhe të ceremonive të cilat me udhëzime tona janë të ndaluara e që në fakt janë kryer në komunitet, por gjithashtu edhe frekuentuesit e klubeve, bareve, janë bërë shkak për transmetimin e infeksionit. Një thirrje për të rinjtë, të cilët duhet të ndërgjegjësohen më shumë sa i përket këtij virusi të rrezikshëm pasi ata po bëhen bartës të këtij infeksioni dhe më pas ja transmetojnë prindërve të tyre, gjyshërve të tyre. Sot më shumë se kurrë të gjithë duhet të jenë të kujdesshëm, të përgjegjshëm sepse sjellja e çdo individi në këtë luftë me këtë armik të padukshëm është vendimtare në fitoren e çdo beteje”, apeloi Manastirliu.

O.J/DITA

August 1, 2020 11:20
Komento

4 Komente

  1. mirel August 1, 12:09

    “Vjeshte-dimri” i Manastirlliut.
    Mbylleni ne ndonje manastir kete ministreshen, se na e hedh dhe perdredh gjuhen sipas boshllekut te trurit.
    Nuk mund te thote “vjeshta dhe dimri do jene te veshtira”?
    Injorante muti

    Reply to this comment
  2. nje qytetar August 1, 12:51

    Dikur Manastirlesha – Me ardhjen e veres, Covid pakesohet..
    Sot Manastirlesha – Vjeshta-dimri do jene te veshtire…
    …e shkreta Manastirlesh qe ka hik per lesh, nuk ja mban dot as maska gojen mbyllur te mos thote marrezira!

    Reply to this comment
  3. Laberia ime August 1, 15:55

    E vendosi manastiri..keshtu i kane thene te thot..dimri do te jet i veshtire..o burra mbylleni edhe nje here dhe i vdisni njerezit urie..jam i sigurte qe dovrà beni se do bini ne pushtet ballukarin e shqupit se ndryshe nuk vijne dote ne pushtet ballukari dhe mona dybeku…duhet se njerezit te merziten dhe ju pp ja arrini..

    Reply to this comment
  4. info analitike August 1, 18:22

    qysh ishte ajo kenga qe kendonte Vacja tek filmi “Ne shtepine tone”; ne dimer, vere, ne pranvere,,,, Hajde shoke t’ia marrim me saze si Parapumperua.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim