FOTO: Dhe ata (nuk) jetuan të lumtur përgjithmonë…

February 25, 2018 02:55

FOTO: Dhe ata (nuk) jetuan të lumtur përgjithmonë…

“Dhe ata jetuan të lumtur përgjithmonë”.

Ky është fundi që shoqëron të gjitha përrallat me princesha dhe princër të kaltër që bien në dashuri.

Por Dina Goldstein, një fotografe kanadeze e ka sfiduar këtë nocion me një seri fotosh.

Projekti “Rënia e princeshave” i sheh Borëbardhën, Jasminën, Pokahontasin dhe të tjera personazhe ikonë teksa përplasen nga dallgët e jetës, mes luftës me kancerin, alkoolizmin dhe martesat e palumtura.

Dina, një izraelite në origjinë, thotë se projekti lindi si një dëshirë për të kundërshtuar mitin e rremë të “fundit të lumtur” me të cilin ushqehemi që në fëmijëri.

Ideja e parë e saj ishte se si do të ndihej Rapunzela nëse do të humbiste flokët e magjishëm për shkak të kimioterapisë. Fotot tregojnë princeshën ulur në një krevat spitali me flokët e verdhë në dorë.

Ndërsa Hirushja ka rënë pre e alkoolizmit, Kësulëkuqja obeze është fiksuar pas fast food-it,  Bela i drejtohet kirurgjisë plastike për të mbajtur rininë, ndërsa Princeshës mbi bizele jo vetëm që i duhet të durojë një të tillë, por edhe ndotjen e ambientit përreth.

Pokahontas  ka mbetur vetëm në shoqërinë e maceve dhe televizorit, Bukuroshja e fjetur ka rënë në koma,ndërsa Jasmina e Aladinit  ka përfunduar si ushtare në një nga luftërat moderne.

n.s. / dita

Rapunzela

Rapunzela

Hirushja

Hirushja

Kesulekuqja

Kesulekuqja

Bela (E bukura dhe bisha)

Bela (E bukura dhe bisha)

Princesha mbi bizele

Princesha mbi bizele

Bukuroshja e fjetur

Bukuroshja e fjetur

Borebardha

Borebardha

February 25, 2018 02:55
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*