Fotoja e rrallë e një sportisti që bëri histori

February 27, 2018 03:56

Fotoja e rrallë e një sportisti që bëri histori

Selman Stërmasi cilësohet si një nga më të shquarit e historisë së sportit shqiptar.

Në këtë foto të rrallë të nxjerrë nga botimet e hershme të gazetës Sporti Shqiptar, shihet Stërmasi gjatë një kërcimi së larti.

Megjithëse i njohur gjerësisht si futbollist, në 1934 ai doli kampion në kërcim së larti me 1.71 m.

Stërmasi është lindur në 9 maj 1908 në Tiranë dhe u diplomua në 1928 në Akademinë e Edukimit Fizik të Romës.

Gjatë viteve 1930-1938 në shtatë sezone futbollistike, ai u shpall gjashtë herë kampion kombëtar me ekipin “Sport Klub Tirana”.

Nga 1944 në 1946 ishte trajner i “Sport Klub Tiranës”, nga ku u largua në mënyrë demonstrative pasi kundërshtoi vendimin për ndërrimin e emrit të klubit nga “Sport Klub Tirana” në “17 nëntori”.

U nda nga jeta në 9 nëntor 1976 pas një sëmundje të rëndë, azotemi në veshka.

Në 26 maj 1993 Këshilli Bashkiak i Tiranës vendosi që stadiumi “Dinamo” të emërohet stadiumi “Selman Stërmasi”.

n.s. / dita

February 27, 2018 03:56
Komento

1 Koment

  1. info analitike February 27, 16:24

    Selman Stermasi eshte zemra e SK Tirones. Per te gjithe ne tifozet e kesaj skuadre mbetet legjendar.

    Reply to this comment
Shiko komentet

Komento

Your e-mail address will not be published.
Required fields are marked*