FRD: Shqetësuese problemet në listat zgjedhore. Kjo është përpjekje për manipulim të zgjedhjeve

May 29, 2013 12:18

FRD: Shqetësuese problemet në listat zgjedhore. Kjo është përpjekje për manipulim të zgjedhjeve

Fryma e Re Demokratike ka reaguar për problemet në listat e zgjedhësve. Sipas zëdhënëses së kësaj partie, Eni Feruli, të dhënat e auditit të KQZ-së janë shqetësuese.

“Nisur nga të dhënat më të fundit të auditit të zhvilluar nga KQZ, bie në sy një numër ende i lartë dhe i pajustifikueshëm i zgjedhësve të dubluar në lista, që shkon deri në 27 mijë persona. Po ashtu edhe zgjedhësit pa adresë në këto lista kanë kapur një shifër rekord prej 348 mijë personash, çka përbën një problematikë alarmante në mbarëvajtjen e procesit zgjedhor,” tha zëdhënësja e FRD.

Sipas kësaj partie, këto janë përpjekje për manipulimin e votave.

“Fryma e Re Demokratike beson se mosveprimi nga ana e organeve shtetërore për të reduktuar brenda afateve ligjore që parashikon Kodi Zgjedhor, numrin e zgjedhësve pa adresë dhe të dubluar, është në vazhdën e përpjekjeve për manipulim të zgjedhjeve të ardhshme parlamentare. Ky është një skenar tepër i shëmtuar dhe i papranueshëm për rëndësinë që përfaqësojnë këto zgjedhje si në aspektin politik të vendit, po ashtu dhe në proceset e integrimit tonë drejt Bashkimit Europian.

Manipulimi i zgjedhjeve sigurisht që ka një histori të turpshme në vendin tonë, por sot më shumë se kurrë çdo faktor konstruktiv qytetar, politik dhe ndërkombëtar kërkon që kjo pjesë e të shkuarës të arkivohet, dhe në këto zgjedhje të sundojë shteti ligjor dhe vullneti i lirë i zgjedhësve. Çdo tentativë për të bllokuar, deformuar apo falsifikuar votën e shqiptarëve do të konsiderohet një atentat që i bëhet kushtetutës, aspiratave të votuesve dhe integrimit të vendit,” vijoi zëdhënësja e FRD, duke u bërë thirrje organeve shtetërore që të zgjidhin problemet e lindura me listat.

May 29, 2013 12:18
Komento

3 Komente

  1. Tani May 29, 12:49

    Dukesh qe je e shqetesuar se po ben parade mode dhe me e trishtueshmja qesh,kur eshte per te qare.Rendesi ka qe Bamiri theu heshtjen.

    Reply to this comment
  2. Mark.uk May 30, 05:37

    Shqetsimi I Bamirit me shoke eshte te zene ndonje karrike se per te tjerat nuk ju hyne ne pune.

    Reply to this comment
    • fatmir May 30, 17:18

      Me falni mark por Zoti Topi,Oketa etj i kan provuar shijen e atyre karrigeve shuem kohe me pare dhe misioni i tyre nuk eshte te zene nje vend ne parlament e te kene thjesht nje rol fiktiv por te behen nje ze i forte midis atyre te tjerve qe heshtin!!!

      Reply to this comment
Shiko komentet

Komento

Your e-mail address will not be published.
Required fields are marked*