Fryma kombëtare e një ligjërimi politik

June 28, 2017 20:56

Fryma kombëtare e një ligjërimi politik

Feride Papleka

Me një kulturë të ushqyer nga pasioni për artin, letërsinë dhe filozofinë pragmatike, me nderimin për mendjet e ndritura të historisë kombëtare e botërore dhe me shpirtin humanist, bir i një skulptori dhe i një mjekeje të pasionuar, nip i dy familjeve nga më të shquarat e kohës së tyre, Edi Rama komunikoi  dje në një mënyrë të re me shqiptarët.  Duke thënë se në zgjedhjet e 25 qershorit « Fitorja është e Shqipërisë » dhe se « shqiptarët kanë vendosur me një votë qartësisht kuq e zi », ai e shndërroi edhe sheshin e Skënderbej, i cili shquhet për një perspektivë të re moderne, në një simbol të bashkimit kombëtar.

Për herë të parë në Shqipëri pas 30 vjetësh në një ligjërim politik, të çliruar nga retorika rutinë, u ndien elemente të një fryme shprese e bashkëpunimi midis njerëzve të një kombi për të ecur përpara. Ato çaste njeriu shqiptar ka menduar me seriozitet për të ardhmen kombëtare, duke i lënë pas si një ëndërr të keqe, ndarjet disa herë të papajtueshme partiake e me pasoja të rënda në jetën e vendit. Kjo lëvizje e re e mendimit si një praktikë që do të karakterizojë një qeverisje, në qendër të së cilës do të jenë interesat kombëtare të shqiptarëve është gjëja më me vlerë që sollën këto zgjedhje.

Mendimi  i ri që vë në lëvizje energjitë njerëzore, është një kapital i çmuar për çdo shoqëri. Rama e ka ndier se duhet të bashkohet ajo që është ndarë, copëtuar e thërmuar, me perceptimin e një politike qytetëruese që momenti historik e kërkon  të ngrihet mbi bindjet partiake e mbi interesat meskine. Atij i pëlqen të përballet, të hyjë në garë, por mbi të gjitha të bashkëpunojë. Qëndrimi i tij i hapur për të vlerësuar të gjitha kontributet, e ka burimin te filozofitë antike, të cilat thonë se oqeani përbëhet prej detesh e këto të fundit prej lumenjve. Ky  është një vizion i ri kombëtar.

Ligjërimi i tij vërtetoi sesa rëndësi ka për shoqërinë bashkëpunimi i forcave, ndërveprimi i energjive të tyre krijuese për të ndërtuar një realitet të ri.  I vetëdijshëm për një  shpërbërje kombëtare në këto vite krizash të njëpasnjëshme, ai e ka kuptuar se rruga e vetme  që do ta çojë përpara këtë vend, është bashkimi i forcave në  shërbim të shoqërisë e të qytetarëve të saj. Domosdoshmëria për të pasur një këndvështrim të ri që do të jetë në dobi të të gjithëve është edhe një nga idetë themeltare të politikës së re, të shpallur prej tij. Thirrja e tij se «  Eshtë koha për ta vënë flamurin përbashkues kuqezi, flamurin e Skënderbeut dhe të Ismail Qemalit përpara flamurit të feudëve tonë politikë », është dëshmi e një solidariteti humanist, mbipartiak, strategjik, të atij solidariteti të detyrueshëm për të mirën e përbashkët.

Ne jemi dëshmitarë të përçarjes që ka përjetuar ky popull, këto tridhjetë vjetët e fundit. Kjo ka bërë që forca ekstremiste të kenë vlerësuar ata që bashkëpunuan me armikun dhe janë përpjekur për të zhvlerësuar veprën e dëshmorëve, çfarë nuk ka ndodhur në ndonjë vend tjetër të botës. Por duke u vlerësuar vepra e tradhtarëve, herë-herë është lënë mënjanë vepra e disidentëve të vërtetë për demokraci e të drejta qytetare, vepra e atyre që mbrojtën të drejtën e shprehjes së lirë, në kushte kur çdo qëndrim në mbrojtje të lirisë së shprehjes paguhej rëndë.

Realiteti i hidhur i dobësimit të forcave shpirtërore të këtij populli, i shoqëruar me mospërfilljen, nëpërkëmbjen apo zhdukjen e elementeve të identitetit shqiptar, sidomos në mosruajtjen e traditës  kulturore, i jep  ligjërimit të tij një kuptim të madh historik. « Nëse i bën një proces së kaluarës, ti pengon veten për të jetuar », thotë Romain Rolland. Duke u ngritur mbi problematikat e ngushta  partiake, ligjërimi i Edi Ramës, na bind sesa urgjente është të rithemelohet një qëndrim i  ri kombëtar që do të ripërtërjë  dhe forcojë ndjenjën e përgjegjësisë së të gjithëve ndaj atdheut. Kjo detyrë duhet të jetë parësore jo vetëm për arsimin kombëtar.

Parimet, ato që lidhin, që plotësojnë njëri-tjetrin, që ndarvaren nga njëri-tjetri, shprehin një akt të madh dialogjik dhe i zgjerojnë marrëdhëniet e solidaritetit ndërnjerëzor që shtrihen edhe në marrëdhëniet e njeriut me natyrën, me botën mbarë. Refleksionet e Edi Ramës në fillimet e demokracisë kanë qenë të lidhura pikërisht me këto marrëdhënie solidariteti në ndryshueshmëri që i kanë munguar shoqërisë shqiptare. Në ato refleksione është nënvizuar me forcë pluralizmi i mendimit.

Edhe pse qeverisja e tij është bërë objekt i disa vlerësimeve ndërkombëtare dhe i një kundërshtimi të përditshëm e të përhershëm nga opozita, ai është dalluar për forcën dhe guximin për të përballuar goditjet në emër të punës dhe përgjegjësive që ka ndier. Gjatë fushatës zgjedhore ata që do të votonin dhe ata që nuk e dhanë votën e tyre për arsye mosbesimi, shpeshherë kanë pyetur veten nëse Shqipëria do të rrijë e mbërthyer si në shtratin e Prokrustit në të kaluarën e vet, apo do të dalë e t’i  bashkohet botës së qytetëruar me fytyrë të vërtetë demokratike ? Duke lënë mënjanë verbërinë partiake nga e cila kemi vuajtur jo pak, individët e kësaj shoqërie treguan se e kuptuan qartë këtë moment historik. Ata e dinë mirë se fryma e përçarjes që ka karakterizuar dhe karakterizon ende disa forca politike, nuk mund ta shohë dritën e mendimit të përparuar që vjen qoftë prej epokave historike të Shqipërisë, qoftë prej shembujve të përparuar në botë.

Besimi i zgjedhësve, i cili triumfoi mbi dyshimet e majta apo të djathta, e vë Edi Ramën para një përgjegjësie të madhe e të rëndësishme, sepse nga kuptimi i saj varet zbatimi i politikës që do t’i shërbejë përditë e më shumë zhvillimit dhe fuqizimit ekonomik të Shqipërisë, krijimit të kushteve që rinia të mund të jetojë e ta realizohet në këtë vend, emancipimit të përgjithëshëm të shoqërisë në fusha të veçanta siç janë ato të të drejtave të njeriut, të barazisë së burrit me gruan, të të drejtave të fëmijëve, të leximit si akt kulturor i domosdoshëm në procesin e zhvillimit. Të mos harrojmë se në shumë qytete të Shqipërisë janë zhdukur bibliotekat, burimi i dijes dhe i kulturës.

Në këto tridhjetë vjetët e fundit, Shqipëria e ka ndier kërcënimin që i ka ardhur nga mungesa e një ideologjie kombëtare. Prandaj « Sfidat e Shqipërisë sot s’janë sfida socialiste apo demokrate, por sfida shqiptare, të vjetra e të reja, të të njëjtit atdhe, të të gjithëve pa dallim, në të njëjtin flamur kombëtar ». Në një moshë relativisht të re Edi Rama bëhet shprehës i një ideali që rri zgjuar te shqiptarët edhe si rezultat i fatit historik të mbushur me padrejtësi. Ky program është me të vërtetë një befasi e këtyre zgjedhjeve. Kryetari i partisë socialiste tha :« Fitorja është e Shqipërisë dhe merita është e njerëzve të zakonshëm të këtij vendi ».

Ligjërimin e tij të datës 26 qershor 2017e përshkoi tej e ndanë fryma  e re kombëtare për ta ngritur këtë vend në lartësitë e ëndrrave të të parëve tanë dhe veçanërisht të rilindasve, sepse :  « Shqiptarët nuk zgjodhën për Shqipërinë që kemi, por për Shqipërinë që duam”. Shqiptarët me votimin e tyre treguan se dinë të bashkohen kur është fjala për atdheun, ata do të kenë zërin e tyre dhe do t’u dëgjohet ai zë, sepse në të mishërohen “Përpjekje shqiptare për çfarë duhet të bëjmë për ta bërë Shqipërinë më të mirë ». Kjo largpamësi dëshmon se përgjegjësia për t’i bërë institucionet të dobishme për shqiptarët është edhe një privilegj historik.

« Mjafton të mos harrojmë se fytyrat tona janë të përhershme, por atdheu është i përjetshëm », jehon në zemrat e shqiptarëve kudo që të ndodhen. Ato janë fjalë të një idealisti. Ky është  një revolucion botëkuptimor në krahasim me pikëpamjet me të cilat jemi mësuar gjermë tani. Në këtë dialog me shqiptarët, idetë  themelore të programit qeveritar, parashikojnë një pohim të vlerave më të mira të bashëkpunimit për një Shqipëri të zhvilluar. Me projekte kombëtare ai e ka kundërshtuar njëherë e përgjitmonë « pushtetin e partive » që përdoret për interesa jashtëkombatare : « Opozita dhe qeveria të jenë të bashkuara për interesat e Shqipërisë, në rrugën për në Europë ». Europa nuk është më një parullë, por një mundësi për të qenë një nga anëtarët e saj . Ajo  kërkon që të hyjmë në hapësirën e saj me vlerat tona kombëtare.

Çdo shqiptar që e ka dëgjuar dje fjalën e Edi Ramës, ka menduar me seriozitet se idetë e emancipuara të politikës shqiptare kanë arritur një lartësi të re. Lartësi të tjera e presin atë : zhvillime ekonomike, sociale, politike, morale, kulturore. Vetëm atëherë besimi i shqiptarëve do të forcohet në mënyrë të tillë që në të ardhmen cilado forcë që ta marrë pushtetin, do të vërë interesat e Shqipërisë përpara partive.

Ideja se « Ditet më të mira të Shqipërisë janë përpara nesh » përshkohet nga një optimizëm realist, nga njëlloj qëndrimi që vështron anën pozitive të gjërave dhe fenomeneve. Ai është gjithashtu një lloj besimi se gjërat do të venë mbarë. Por ky optimizëm nga ana tjetër hedh idenë e fuqishme se Shqipëria do të jetë një vend i sigurt dhe i mundshëm për të jetuar në paqe e mbrothësi, me rregull dhe punë, me kulturë dhe kënaqësi, ashtu siç e ëndërronin të parët e këtij vendi, ashtu si shkruan edhe Naim Frashëri : « Lum kush të rronjë / ta shohë zonjë ».

Nëse mbahet gjallë fryma jonë kombëtare, ëndrra shqiptare do t’i afrohet ëndrrës europiane dhe do të ecë e sigurt përpara përmes sfidave të mëdha të kohëve të reja.

Me ligjërimin  e djeshëm, Edi Rama u shprehu mirënjohjen shqiptarëve për besimin që patën ata kur i dhanë votën. Besimi i tyre në vazhdimësinë e reformave të nisura dhe në vështrimin e ri të momentit historik me të cilin do të përballet Shqipëria, është një përgjegjësi e dyfishtë e tij dhe e qeverisë që do të drejtojë. Vullneti i tij për të bashkuar shqiptarët rreth një ideali kombëtar për zhvillim dhe emancipim është shpresëdhënës.

 

June 28, 2017 20:56
Komento

11 Komente

  1. Renata June 28, 21:20

    Vetëm të tillë si ju mund të bëjnë një vlerësim të tillë Feride Papleka. Ju faleminderit

    Reply to this comment
  2. Gregor Lato June 28, 23:50

    Fantastike zonja Feride.
    Ju uroj pune te mbare e jete te gjate.
    Faleminderit per shkrimin.

    Reply to this comment
  3. optimizem per vendin June 28, 23:56

    E vërtetê !

    Reply to this comment
  4. Lola Komimi June 29, 06:05

    Me se fundi nje shkrim, tejet objektiv, tejet parimor, qe te ben te lexosh dhe shohesh kthjelltesisht qarte e shkoqur, ate qe ke degjuar ne fjalen e Edi Rames.
    Nje shkrim I tillei thjeshte nga njeri ane, I kuptueshem totalisht per kedo qe e lexon, pa sterhollime e vendosje terminologjije te pakuptimta per masen e popullit, por nga ana tjeter I plote analitikisht duke thurur ne vetvehte shkencoren me te thjeshte na jep tek Kjarte Edi Ramen sot.
    My Edi Rama , me idealizmin , patriotizmin dhe gjenialitetin e tij, desheron te mbeshtetet fort ne vetite dhe potencialin e popullit, te cilen e sheh qarte ne te, si nje njeh dhe vehten, e ta rilinde ate, ta çoje akoma me perpara drejt Europes, t’i ktheje dinjitetin e humbur.
    Shkrimi e te nderiares Feride Papleka I ben nder asaj, por akoma me shume ne qe e lexojme.
    Na mbush me fryme dhe na pastron mushkrite e baltosur ne keto 27 vjet, nepermjet nje Kumtese shkencore , te pa mbajtur nga askush ne keto 27 vjet.
    Te nxjerresh ne pah e te vertetosh filozofikisht se Edi Rama ne te gjitha veprimet, idete dhe qellimet e tij, niset nga flamuri KUQ E ZI, kjo te ngre peshe e te ben te besosh me shume se Dite te Mira Pasketaj do te Vijne

    Reply to this comment
  5. Arben June 29, 06:17

    Te lumte Feride e drejte dhe e sakte kjo qe ke shkruar. Edi Rama tashi ka nje detyre te madhe per Shqiperine dhe per Shqipetaret .GOOD LUCK

    Reply to this comment
  6. Ben June 29, 10:39

    Bravo

    Reply to this comment
  7. anticensurë25642654 June 29, 16:00

    “Thirrja e tij se « Eshtë koha për ta vënë flamurin përbashkues kuqezi, flamurin e Skënderbeut dhe të Ismail Qemalit përpara flamurit të feudëve tonë politikë », është dëshmi e një solidariteti humanist, mbipartiak, strategjik, të atij solidariteti të detyrueshëm për të mirën e përbashkët.”
    mbrrita deri këtu sepse mu duk humbje kohe dhe për më tepër një lexim neuronicid!!
    “bashkimi nën flamurin kuq e zi”etje,etje nuk është gjë tjetër veçse faza e radhës nëpër të cilën do të kalojë krijimi i qeverisë së re!!qeveri që do të jetë e bazuar në gurin e themelit të vendosur kapërcyellin e 18 dhe 19 majit 2017!!
    të tjerat janë logori fjalësh!!

    Reply to this comment
  8. anticensurë25642654 June 29, 16:02

    ps:ju lutem redaktorë të ditës!
    mos i publikoni fotografi të tilla alla erdogan!!
    gjuha e trupit tregon shumë!!

    Reply to this comment
  9. Oketo June 29, 16:25

    Faleminderit Znj.Papleka ,
    Vetem persona te paanshem mund te bejne analiza te tilla ! Ku jane komentet e mbeturinave te kazanit mediatik ? Ata nuk ndegjojne dhe nuk shikojne sepse mendjet e tyre i ka zaptuar urrejtja patollogjike !!!!

    Reply to this comment
  10. lili June 29, 17:29

    Boboobooboo§ Il n’en demandait pas tant!
    Cuditeni – e me cuditni pse cuditeni- pse duhet kjo gjuhe qe eshte minimumi i minimumit ne nje shtet normal?
    Lajka te tilla ne nje vend normal quhen fyerje per intelingjencen njerezore, edhe ma rikujtoj kohen e xhaxhait…
    Kulti filloj?

    Reply to this comment
  11. [email protected] June 29, 17:56

    Shkrimi juaj eshte brilant. Jeni nje mallakastriote e vertet.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*