Fukushima, ende e pafat, gjendet bombë e pashpërthyer e Luftës së Dytë Botërore

August 11, 2017 15:11

Fukushima, ende e pafat, gjendet bombë e pashpërthyer e Luftës së Dytë Botërore

 

Sikur të mos mjaftonte reaksioni bërthamor dhe rrezatimi radioaktiv, punëtoret në centralin e Fukushimës gjetën një bombë të pashpërthyer nga Lufta e Dytë Botërore.

Arma 89 cm e gjatë mendohet se është lëshuar nga një avion amerikan gjatë Luftës së Dytë Botërore.

Ajo u gjet gjatë punimeve për ndërtimin e një parkingu makinash në centralin bërthamor të Fukushimës, ku ka nisur puna 40-vjeçare për çmontimin dhe eliminimin e tij të plotë.

Dhjetëra mijëra njerëz braktisën zonën rreth Fukushimës, pas shkrirjes së reaktorit që pasoi tërmetin dhe tsunamin e vitit 2011.

Ky incident ishte aksidenti më serioz bërthamor pas atij të Çernobilit në vitin 1986.

Kompania “Tepko” që menaxhon Fukushimën tha se puna u ndërpre menjëherë pas gjetjes së bombës dhe rreth saj është ngritur një perimetër sigurie.

Në kantier gjenden Xhenierët e ushtrisë dhe policisë, që po punojnë për eliminimin e rrezikut.

Në Japoni nuk është e pazakontë të gjenden bomba të pashpërthyera edhe 70 vite pas Luftës së Dytë Botërore.

Fukushima ishte dikur bazë ushtarake dhe rrjedhimisht një objektiv kryesor i ushtrisë amerikane.

August 11, 2017 15:11
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*