Fund i turit: Juncker e pa vetë se ku çalon Ballkani (dhe Shqipëria)

March 2, 2018 17:03

Fund i turit: Juncker e pa vetë se ku çalon Ballkani (dhe Shqipëria)

 

Kreu i Komisionit Europian, Jean-Claude Juncker përmbylli turin e tij ballkanik me takimin e krerëve ballkanikë në Bojanë, pranë Sofjes. Mesazhi i përsëritur ishte se “vendi i Ballkanit Perëndimor është në BE.”

Jean-Claude Juncker me kryeministrin bullgar Borissow – në sfond presidenti i Kosovës, Hashim Thaçi, kryeministri malazez, Dusko Markovic dhe kryeministri maqedonas, Zoran Zaev

 

Turi ballkanik i presidentit të Komisionit Europian, Jean-Claude Juncker, i cili u përmbyll në Bojana pranë Sofjes të enjten, synonte dhënien e impulseve të reja për vendet aspirante dhe forcimin e perspektivës europiane të Ballkanit Perëndimor. Juncker i shoqëruar në këtë tur edhe nga e ngarkuara e BE-së për Politikën e Jashtme, Federica Mogherini dhe komisioneri i BE-së për zgjerimin, Johannes Hahn u takua në Bojana me krerët e qeverive të vendeve aspirante e kandidate në BE dhe kreun e qeverisë bullgare, që mban presidencën e radhës në BE, Boiko Borissow.

“Këto shtete e kanë vullnetin për të iniciuar reformat e nevojshme për anëtarësimin në BE“, tha Juncker. Prandaj BE mbetet fort e angazhuar për perspektivën europiane të partnerëve tanë në Ballkanin Perëndimor, theksoi Juncker në përfundim të udhëtimit të tij në gjashtë vende të Ballkanit: “Vendi i Ballkanit Perëndimor është në BE.”

Në një samit në  maj në Sofje synohet të zhvillohet një strategji se si do të përshpejtohet përfshirja e Ballkanit në BE dhe ndërtimi i një infrastrukture rajonale.

Asnjë vend nuk plotëson aktualisht kriteret e anëtarësimit

BE synon me prezantimin së fundmi të strategjisë për Ballkanin Perëndimor dhënien e impulseve të reja, por nuk do të bëjë lëshime në plotësimin e kushteve të anëtarësimit. Kjo u bë e qartë edhe nga Juncker, i cili pohoi në Sofje, se megjithë progresin e bërë asnjë nga këto vende për momentin nuk i plotëson kushtet e anëtarësimit. Kjo mund të “bëhet eventualisht në vitin 2025″, nëse përmbushen të gjitha kriteret. Juncker kërkoi që këto shtete të “zgjidhin konfliktet bilaterale territoriale para anëtarësimit.” Ndërsa kreu i qeverisë bullgare, Borissow u shpreh se “ajo që bëjmë ne nën drejtimin europian nuk është e drejtuar as kundër Rusisë dhe as kundër Turqisë.”

Për të ndihmuar Ballkanin Perëndimor, BE pritet të investojë më shumë – vetëm në vitin 2018 janë planifikuar 1,07 miliardë euro të ashtuquajtura ndihma të përafrimit me BE, një shumë shtesë kjo e 9 miliardë eurove, që u vunë në dispozicion nga viti 2007-2017. Megjithatë vendet e Ballkanit janë ende larg jetësimit të reformave të kërkuara.

Juncker e pa vetë se ku çalon Ballkani

Në një analizë të agjencisë së lajmeve dpa, pas turit ballkanik të kreut të Komisionit Europian, Jean-Claude Juncker, theksohet se Juncker e pati vetë mundësinë të shohë gjatë vizitës së tij, se në shumë nga këto vende ende punët çalojnë në gjëra shumë të rëndësishme.

Në Shqipëri, nënvizon dpa, reforma në drejtësi nuk ecën përpara, po ashtu as lufta kundër kanabisit të përhapur. Në Kosovë po ashtu ka shumë probleme, “duket i gabuar modeli se ish-liderë rebelë mund të reformojnë vendin.” Në Kosovë, shkruan dpa, EULEX-i, misioni më i madh i BE jashtë, lufton vetë me probleme korrupsioni.

Në Malin e Zi opozita bojkotoi parlamentin gjatë fjalimit të Junckerit në shenjë proteste kundër qeverisë. Gjashtë javë para zgjedhjeve presidenciale ende në këtë vend nuk një kandidat të qeverisë dhe opozitës për shkak të këtyre konflikteve.

Në Bosnje-Hercegovinë rrezikon dështimi i zgjedhjeve parlamentare në tetor për shkak të grindjes për një ligj zgjedhor.

Në Serbi parlamenti u dërgua për dy javë në pushim të detyruar, për të mos i ofruar platformë opozitës para zgjedhjeve të rëndësishme lokale në Beograd. Dpa citon një gazetë të njohur sllovene, e cila e përshkruan kështu gjendjen në Ballkan këtë javë të vizitës së Junckerit.

“Vendet e Ballkanit bëjnë sikur ndërmarrin reforma, ndërsa BE bën sikur ua beson këtë.”/DW

a.s/dita

March 2, 2018 17:03
Komento

8 Komente

  1. Epo kjo pune... March 2, 17:19

    he se persheshi juaj eshte e dashur BE se gjithshka e ka zanafillen nga 1913 kur ia moret tjetrit dhe tani zihen cakejte sllave per placken e vjedhur. epo u be dhe menderja e sllovenit te beje moral… bejini topin BE dhe beni shtet se ajo ka rendesi per qytetarin.

    Reply to this comment
  2. Mund ta dallosh nga qendrimet. March 2, 17:23

    Diferencat midis BE dhe ballkanisteve mund ti dallosh nga menyra e prezences te vipave ballkanik ! Menyra e te folurit .Nuk jane ne harmoni me sinqeritetin e mendimit ose mentalitetit Ja shiko foton me siper !

    Reply to this comment
  3. Epo kjo pune... March 2, 17:31

    dmth qenka modeli gabuar qe ne kosove reformat ti bejne liderat rebel por ne rregull qe ne serbi reformat ti bejne kriminelet e raca e miloshevicit… na rrofshi per dimer

    Reply to this comment
  4. Natyralisti March 2, 17:39

    Juncker nuk ka sinqeritetin te thote se nuk ka anetaresime te reja ne kete BE qe po numeron vitet e fundit te jetes tij.

    Reply to this comment
  5. demo March 2, 17:41

    E kane vjedhur nga barsaleta shkodrane:Shqiptaret bejne sikur punojne,shteti ben sikur i paguan.

    Reply to this comment
  6. Adih March 2, 20:01

    Beni humor o komentues te mesiperm . Fain e kane keta Zyberet tane ,qe po na prishin shume pune ne popullit fukara e pa prespektive ,per mos inkuadrimin ne BE .Pse nuk i bejne 5 detyrat ,Ku nuk duhet as edhe nje imvestim ,me para ,pse shkelin kushtetuten ,pse nuk i japin gaz Vettingut ? ,Apo nuk e duan diktatin e ligjit dhe transparencen e BE ,skane interes ,se ju prishen pazaret dhe ju dalin lakrat sheshit .Prandaj ,ne populli idiot ,e i leshte jemi bashkefajtore .

    Reply to this comment
  7. Lili March 3, 18:14

    Adih, dakord me cka thue, po nuk duhet harruar nje gje: keto t’evropes si ne kosove si ne shqiperi na ´bekuan ligji elektoral me keshillat e tyre qe pushteti te mbetet gjithmone ne duart e politikaneve qe po keta evropiane na promovojne si hero,qofte si ne rastin Haradinaj qe u arrestuar vetem qe ta bejne hero se ju duhet per me firmos demarkacionin,siç ju deshte dje per kornizen kushtetuese….
    Nuk do kete anetarsim as ne 2025: franca per shembull duhet te beje tash referendum per zgerim te BEse,edhe krejt politika per demkojne e shqiptareve behet ne kete qillim qe te ngyllitet ne trute e francezeve se shqiptaret nuk jane evropiane po barbare.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim