Gara “Tirana Triathlon”, Veliaj: Parku i Farkës do të jetë po aq popullor sa Liqeni i Tiranës

June 10, 2018 13:36

Gara “Tirana Triathlon”, Veliaj: Parku i Farkës do të jetë po aq popullor sa Liqeni i Tiranës

 

Liqeni i Farkës u shndërrua sot në mikpritësin e garës së parë të Triathlon-it në Tiranë, një sport që bashkon tre disiplinat sportive më të njohura dhe të praktikuara në një garë të vetme: not, çiklizëm, vrap.

Në garë morën pjesë sportistë profesionistë dhe amatorë, por vendin e parë për femra e zuri Jelena Tomaseviç, kurse për meshkuj Strahinja Trakiç.

Në nisje të saj, kreu i Bashkisë së Tiranës, Erion Veliaj, përshëndeti pjesëmarrësit dhe qytetarët e shumtë të ardhur në Parkun e Farkës, i cili falë investimeve të bashkisë është tashmë jo vetëm një destinacion argëtues për fundjavën, por edhe një ide e shkëlqyer për aktivitete sportive në natyrë.

Veliaj theksoi se falë aktiviteteve të tilla sportive dhe kulturore të organizuara në kryeqytet, mediat prestigjioze ndërkombëtare e rendisin Tiranën si një ndër dhjetë qytetet më të mira për t’u vizituar në Europë.

“Jam shumë i lumtur që Lonely Planet e ka renditur Tiranën si një nga dhjetë qytetet më të mira për t’u vizituar në Europë. Kjo do të thotë se puna që kemi bërë bashkë, jo vetëm bashkia, por i gjithë qyteti me 1 milion banorë, ia kanë rritur emrin e Tiranës, që sot është një nga dhjetë qytetet më të vizitueshme në Europë”, tha Veliaj.

Teksa vlerësoi organizimin e garës së parë të Triathlon-it, kryebashkiaku tha se kjo nismë do të kthehet në një traditë të suksesshme, duke sjellë edhe mjaft vizitorë të huaj. “Duhet të pranojmë që është vetëm hera e parë që organizojmë një aktivitet të tillë. Kur organizuam Maratonën e Tiranës, në garën e parë kishim vetëm 100 vetë. Në garën e dytë kishim 2500 garues vetëm nga jashtë; është vetëm çështje sa të kalojmë testin e parë të një gare profesioniste dhe vitin tjetër të kemi mijëra të tjerë, që ndoshta do na vijnë nga vende të ndryshme”, deklaroi Veliaj.

Tirana Triathlon është edhe një mundësi e mirë promovimi e sporteve të ndryshme, aktivitetit fizik dhe promovimin e pikave turistike të kryeqytetit, si natyra fantastike e Liqenit të Farkës.

Veliaj siguroi se shumë shpejt, edhe Liqeni i Farkës do të kthehet në një hapësirë tërheqëse për qytetarët e Tiranës për të kaluar disa orë çlodhjeje pranë natyrës.

Është vetëm çështje kohe derisa Parku i Farkës të bëhet aq popullor sa Parku i Liqenit të Tiranës. Po të shikoni gjithë perimetrin e Farkës, ka mbi 20 mijë pemë nga 126 mijë që kemi mbjellë. Por siç e dini, nuk mjafton vetëm infrastruktura, po nuk pati frymë, energji njeriu që ta jetojë këtë park, s’ka kuptim. Në njëfarë mënyre ky është edhe një promovim i parkut të Liqenit të Farkës, i cili po kthehet në mushkërinë e dytë të Tiranës”, tha Veliaj.

Ndërkohë, sportistët garues në Tirana Triathlon përshkruan distancat 750 m not, 11 km biçikletë dhe 4 km vrap të zhvilluara njëra pas tjetrës. Përgjatë të gjithë itinerarit ishin të pranishëm Policia Bashkiake, ambulanca dhe vullnetarë, të cilët ndihmuan garuesit në sinjalistikë dhe në pikat e shpërndarjes së ujit.

Fituesit e Tirana Triathlon:

Për kategorinë meshkuj

1-   Strahinja Trakic

2-   Luka Cupic

3-   Dusan Tomasevic

Për kategorinë e femrave

1-   Jelena Tomasevic

2-   Zana Pavicevic

3-   Meredith Himestra

a.s/dita

June 10, 2018 13:36
Komento

3 Komente

  1. Niko June 10, 17:32

    Po keta vezhguesit e plazhit ku ishin pardje, kur u mbyt nje 12 vjecar ne Farke? Apo vetem per evenimentin jane paguar

    Reply to this comment
  2. Termal June 10, 22:18

    Gje e bukur vertet,dhe urime Bashkise Tirane si dhe qeverise, qe dita me dite po e kthen kryeqyteti tone ne nje vend te kendshem jo vetem per ne por edhe per te huajt.Nuk eshte aspak korrekte qe nuk permendet kombesia e fituesve. Gjithashtu nuk e kuptoj se perse qe ne fillim bejme gabime te pafalshme me emertimin e aktivitetit apo te ngjarjes ne nje gjuhe te huaj dhe jo ne shqip?!.Perse pershembull quhet triathlima (greqisht) dhe jo tregareshe apo tresportesh? Njesoj si “lungomare” ne Vlore, qe tani ka mare arratine, ne perdorim, e nuk kthehet me mbrapa.

    Reply to this comment
  3. Arben June 11, 07:15

    Ne tirane u zhvillua apo ne Beograd??

    Reply to this comment
Shiko komentet

Komento

Your e-mail address will not be published.
Required fields are marked*