GATI SKEMA / Kryeministri, porosi pensionistëve: Mbajeni me kujdes 5 mijëlekëshin, se do ta ktheni prapë!

September 5, 2018 17:18

GATI SKEMA / Kryeministri, porosi pensionistëve: Mbajeni me kujdes 5 mijëlekëshin, se do ta ktheni prapë!

Në vazhdën e fushatës “Taci, il nemico ti ascolta!” e cila i jep në përdorim falas çdo pensionisti një pesëmijëlekësh akull të ri për Vit të Ri, pa asnjë pagesë ekstra, kryeministri Edi Rama vizitoi dje familjen e pensionistit të sprovuar Lake Bubulakja, 79 vjeç.

Siç mësojnë burime të zhuritura për çik pesëmijëshe, kryeministri i zgjati pesëmijëshen Lakes dhe e porositi ta mbajë me kujdes dhe mos ta dëmtojë.

“Ngjo këtu, more Lake Bubulake ç’na bone marak’e,” tha kreu i qeverisë me kripën dhe çlirësinë që karakterizon çdo artikulim të tij publik, “ti je tirons, po? Okej, vrej ktuna: Kyt naplonin do ta mbash me kujdes, fute mes nonji libri dhe mos e zhubros! A ke libra ti Lake?”

“Patjetër zotni kryeministër, më kanë mbet nja 3 mijë copë, që kur studioja në Moskë për inxhinier,” u përgjigj Lakja zëmekur dhe zgjati dorën të kapte pesëshen.

Por Rama nuk e lëshonte letrën e çmuar:

“Dale se s’kam maru Lakeee! Shif se mos e bo me shkarravina. Se mos shkrun shënime ke cepi i naplonit!”

“Hiç merak mos kij zoti Rama,” po i sosej durimi Lakes, “do ta mbaj si me qenë pesëmijëshja ime!”

Kryeministri qeshi babaxhanllëkçe, ashtu siç di ai, dhe ndërroi dialektin.
“Po jotja është o Lake, jotja! Po ta trajtoç mirë, se ti qënke dhe me shkollë të madhe. Se vitin tjetër o ta ktheç, që t’ja japim një pensionisti të ri.”

Dhe u kthye nga kamerat që krejt rastësisht hynë në shtëpinë e Lakes:

“Çdo pensionist meriton të ketë akses te pesëmijëlekëshi i qeverisë!”   

Shënim: Gojët e Liga është rubrikë satirike pro Vitit të Ri

September 5, 2018 17:18
Komento

2 Komente

  1. Guri Naimit D September 10, 00:54

    Nje SYGJERIM shoqror.!…
    Ne lini rehat ne hallet tona o zoterinj te HUMORIT.
    Me vjen keq ajo fotogafi me ata te nderuar pendioniste, qe i falenderoj,si mes tyre ne Tirane,vene ne kete shkrim-JU; “gojet e liga.”,pa folur per kryeministrin qe ne kete foto eshte nga me njerzoret. Ku e ka humorin kjo foto,vec falenderimit,*pa shkrimin,qe duhet ti gjeni nje tjeteer foto.(shoqerisht kjo botues te”Gajeve te liga”..
    Pesionisti 83 vjecar Guri Naimit D.

    Reply to this comment
Shiko komentet

Komento

Your e-mail address will not be published.
Required fields are marked*