‘Gjermani’ i fundit s’ka ikur akoma (në vend të një editoriali për 29 nëntorin)

Nga ARBEN DUKA November 29, 2012 16:29

‘Gjermani’ i fundit s’ka ikur akoma (në vend të një editoriali për 29 nëntorin)

Ende vazhdon sherri,
Në mes të katundit,
Kur iku këtej,
Gjermani i fundit!

Kot e kot i kemi,
Të dy datat tona,
Se “gjermani” fundit,
S’ka ikur akoma!

Do thonë ka shkarë,
Poeti i shkretë,
Kur thotë se gjermani,
S’ka ikur vërtetë!

Jo mor jo s’kam shkarë,
I them çdo njeriu,
Se “gjermani” fundit,
Është Herr Saliu!

Atij i është prishur,
Me kohë karikusi,
Se sillet me vendin,
Më keq se pushtusi!

Sot e kësaj dite,
Ne s’jemi çliruar,
Se kjo farë e keqe,
Vendin ka pushtuar!

As njëzet e nënda,
As njëzet e teta,
Që të dyja datat,
S’janë të vërteta!

Nga të dyja ditët,
S’është asnjë ditë,
Jemi të pushtuar,
Nga Saliu i Dytë!

Saliu i Dytë,
Njëlloj si i pari,
Gjersa është pushtues,
Derdhi gjak shqiptari!

Ndaj thashë s’na ka ikur,
Akoma “gjermani”,
Kur të ikë Berisha,
Çlirohet vatani!

Ajo do të jetë,
Dita e festimit,
Do gdhendet për jetë,
Si datë e çlirimit!

Nga ARBEN DUKA November 29, 2012 16:29
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*