Gjermania akuzon Erdogan: Mbështet grupet ekstremiste në Siri

Nga Arkiva

• Nishani: SHISH ka shpëtuar jetë masive 11 27.Jul
• I këndoi Enver Hoxhës, Paro Ziflaj: Nuk më vjen aspak keq 39 18.Jan
• Rama paralajmëron përkohshmërinë e rezultatit të votimeve sot? 18 30.Jun

Qeveria turke ka mbështetur në vijimësi grupet islamiste politike në Siri, Egjipt dhe në Palestinë, thuhet në një raport të qeverisë federale gjermane.

Kjo është përgjigja që qeveria gjermane i jep me shkrim Partisë së Majtë në vend, ku vihen në dukje lidhjet ideologjike që kanë ekzistuar midis Partisë së Drejtësisë dhe Zhvillim të Presidentit Erdogan dhe ekstremistëve në Lindjen e Mesme, mbështetje e cila ka ardhur përgjatë 5 viteve të fundit.

“Si rezultat i islamizimit gradual të politikës së brendshme dhe të jashtme të Ankarasë, që nga viti 2011, Turqia është kthyer në platformën e veprimit qendror për grupimet islamike në rajonin e Lindjes së Mesme”, thuhet në përgjigje.

Mbështetje kryesisht ka ardhur për Vëllazërinë Myslimane në Egjipt, Hamasin dhe grupet e armatosur të opozitës në Siri.

Sipas televizionit gjerman ARD, lidhjet më të theksuara ideologjike, partia e Erdogan i ka me Vëllazërinë Myslimane. Kjo përgjigje qëndron në kontrast me qëndrimin zyrtar të Gjermanisë, e cila e konsideron Turqinë aleat të rëndësishëm të NATO-s.