Gjykata Administrative shtyn vendimin për Ina Ramën

July 10, 2014 14:49

Gjykata Administrative shtyn vendimin për Ina Ramën

Gjykata Administrative e Tiranës ka shtyrë shqyrtimin gjyqësor sa i përket padisë nga ish-prokurorja e Përgjithshme Ina Rama, për t’u rikthyer në punë si gjykatëse, në Gjykatën e Apelit në kryeqytet.

Gjykata vendosi datën 14 korrik për shpalljen e vendimit për këtë çështje.

Në séance palët kanë paraqitur pretendimet e tyre të fundit, ku avokati mbrojtjes i ish-kreut të akuzës, Fatmir Braka, ka kërkuar rikthimin në punë të klientes së tij.

Braka e ka cilësuar vendim politik mospranimin e kërkesës bërë nga Rama për të qënë pjesë e gjykatës së apelit.

Ndërkohë, përfaqësuesja e KLD-së në sallë është shprehur se kjo padi duhet rrëzuar, pasi nuk është e bazuar në ligj, raporton Ora News.

Këshilli i Lartë i Drejtësisë vendosi të emërojë në Gjykatën e Apelit të Krimeve të Rënda Ina Ramën si gjyqtare, aty ku kishte punuar përpara se të emërohej si kryeprokurore e vendit.

Rama vendosi të mos pranojë vendimin e këshillit duke argumentuar se kishte konflikt interesi, pasi disa çështje që gjykohen në Gjykatën e Krimeve të Rënda janë hetuar në kohën kur ajo drejtonte akuzën shqiptare.

July 10, 2014 14:49
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*