Grabitje në Pashaliman, zhduken automatikë e granata

January 11, 2019 18:42

Grabitje në Pashaliman, zhduken automatikë e granata

Një sasi armësh, kryesisht pushkë automatike “Model 56” dhe një sasi granatash kanë rezultuar se mungojnë nga baza ushtarake e Pashalimanit. Një burim pranë Degës së Policisë Ushtarake Vlorë, që kërkoi të mbetej anonim, thotë se armët ishin konstatuar të zhdukura gjatë një inventari rutinë para se një nga anijet e bazës të nisej për patrullim në Egje, ku merr pjesë në mision të NATO-s për refugjatët.

Burimi thotë se të paktën pesë punonjës të bazës që kishin detyrë ruajtjen dhe kontrollin e armatimit janë marrë në pyetje, por ende nuk ka pasur një referim në prokurori të rastit. Mungesën e një referimi në prokurori për zhdukjen e armëve e konfirmoi edhe prokurori i Vlorës Ardian Ylli.

BIRN mësoi se të paktën tre armë automatike rezultuan që mungonin nga inventari, por shifra nuk është përfundimtare ndërsa hetimet vijojnë.

Vjedhja eshtë konstatuar mëngjesin e së enjtes 10 Janar, ndërsa disa grupe inspektimi të ministrisë së Mbrojtjes kanë punuar në ambjetet e bazës deri në orët e para të mëngjesit për të inventarizuar armët dhe saktësuar numrin e armatimeve të vjedhura.

Burimi tha se vjedhja e armëve nga baza e Pashalimanit konsiderohej një cënim i rëndë i sigurisë së bazës, hyrja dhe dalje prej të cilës kontrollohet në disa pika të ndryshme.

Pashalimani, bazë e vjetër ushtarake e famshme për 4 nëndetëset që u morën nga Bashkimi Sovjektik në vitet 50’, konsiderohet si një nga bazat më të rëndësishme ushtarake në vend megjithëse larg lavdisë së pretenduar gjatë viteve të diktaturës.

Në bazë janë dislokuar 3 nga 4 anije e rojes bregdetare që zotërohen tani nga flota e ushtrisë shqiptare. Anijet kryejnë patrullime të herëpashershme në Egje si pjesë e NATO-së kundër trafikut ilegal të refugjatëve.

l.h/ dita

January 11, 2019 18:42
Komento

9 Komente

  1. spata January 11, 19:03

    Nuk besoje se ato arme ,pra pushke te modelit 56, do ti duheshin ndokujt.Alibia e humbjes ,qe tani quhet vjedhje qendron diku ne vitet e te “Madhit”Sali ku u shqyen depot dhe invetaret e armeve te ushtrise se shpartalluar nuk gjendeshin.Ndoshta jam gabim por nuk ka asnje mundesi qe ato te vidhen me masat qe jane marr kohet e fundit .Sa per granatat dhe ato kane te njejtin fate .Do ti gjeni te hedhura ne gjiun e Vlores si eksplozive per vrasjn e peshqeve .

    Reply to this comment
    • mirel January 11, 19:27

      Nuk bejne pune ato arme, se te hapnin kafken ne 1000 metra. Tani te cajne carin cicat e Oltes..eshte i mencem Ramuti eeheej. Di ti “shpartalloj” armiqte

      Reply to this comment
  2. Jak Boston January 11, 19:08

    Edi Rama ka bo shet or tej rilindas trushpelare.

    Reply to this comment
  3. mirel January 11, 19:28

    Te pakten Ramuti po e ben gati detin qe ta marrin greket deri ne Vlore.

    Reply to this comment
    • Për gomarin e @mirë January 11, 21:36

      Ore idjoti @mirë , akoma edhe sot nuk e paske marrë vesh , ti shtazë e lindur dhe rritur në shpellë , se kush ia fali detin Greqisë dhe kush ua ktheu sërisht shqiptarëve ?! Më gomar njeri se sa ty , nuk më kanë zënë veshët ndonjë herë ! Përse rroni , more idjotë , vetëm për të keqen e këtij populli ?!

      Reply to this comment
  4. DinPaku January 11, 19:51

    Ç’pune kane anijet ushtarake shqiptare te patrullojne ne detin Egje? Mos keni ngateruar Detin Jon me ate Egje, sepse kam vene re qe eshte e pamundur te mos gjesh gabime te keto lloj shkrimesh te gazetave tona.

    Reply to this comment
  5. DinShumi January 11, 20:40

    Nuk e kane shkaterruan hic, i dashur DinPaku.
    Anijet tona patrullojne Egjeun ne misione per emigrantet, meqe jemi fuqi e madhe detare dhe kemi nje flote madheshtore qe ben qehajane e Perendimit.

    Dhe meqe ato dy cangadhe te zgjebosura qe na kane ngelur na kane urdheruar t’i dergojme ne Egje, detin tone Jon e ka marre persiper t’a ruaje Greqia, meqe e ka dhe per zemer si zone te saj eksluzive ekonomike.
    Sic ben edhe me hapsiren tone ajrore, xhanem.

    A nuk jemi te dy ne NATO?
    A nuk jemi dy vende mike?
    A nuk e kemi Janullen ne krye te Kishes Autoqefale Shqiptare te Nolit?
    A nuk u beme vend ne bahcene tone varrezave te tyre?
    A nuk i lame te ndertonin kisha greke ne vatanet tona?
    A nuk ju beme leqe-peqe dhe u thame “aferim, hallall u qofshin!” identiteti, emrat dhe vaftisja greke e femijeve te emigranteve tane?

    Kjo eshte historia e ujkut qe i varen melcite ne qafe.
    E c’faj ka ujku pasketaj qe jargezon, lepin dhe kafshon melcite e varura ne qafe te tij?

    A thua ka gjekafshe nen kesule bariu yne o DinPak?

    Reply to this comment
  6. Kuq e zi January 11, 21:33

    Anija qe shkon ne egje nuk eshte anije luftarake por roje bregdetare te armatoset me granata dore eshte e pakuptimte
    Meqe rregulli ne ushtrine tone na ben te gjithve krenar kujdes se po ju vjedhin emigrantet anijen dhe na vini ne shtepi me not

    Reply to this comment
  7. sapa January 12, 08:15

    Jo vetem qe ska shtet por as ne horizont nuk duket dicka qe te pakten te krijoje bindjen se do jete nje fillim i tille.Sigurisht qe ne kete proces rol te jashtezakonshem luan shoqeria shqiptare qe eshte ne kulmin e degradimit dhe korruptimit .Neoqftese kjo shoqeri shqiptare do ishte e fuqishme dhe e paster do e permbyste kete te keqe qe ka perfshire vendin por fatkeqesisht eshte vete e tille.

    Reply to this comment
Shiko komentet

Komento

Your e-mail address will not be published.
Required fields are marked*