Kursimet? Njihuni me qytetet më të pasura të Shqipërisë

January 3, 2018 10:29

Kursimet? Njihuni me qytetet më të pasura të Shqipërisë

A e dini cilat janë qytetet, ku individët arrijnë që të kursejnë më shumë dhe kanë më shumë pasuri të vendosur si depozita nëpër bankat e nivelit të dytë, në raport me popullsinë përkatëse?

Monitor ka përpunuar të dhënat e Bankës së Shqipërisë për depozitat sipas qarqeve, vetëm të individëve, në raport me popullsinë përkatëse, të publikuar nga INSTAT. Të dhënat e kursimeve janë të disponueshme për Tiranën, Durrësin, Vlorën, Elbasanin, Fierin, Korçën, Shkodrën, Lezhën.

Qyteti që kryeson është Tirana. Individët në kryeqytet kanë gjithsej në banka në lekë e valutë rreth 319 miliardë lekë, sipas të dhënave të Bankës së Shqipërisë, ose 67% të totalit të depozitave që ka Tirana (pjesa tjetër zotërohet nga bizneset e institucionet).

Me një popullsi prej 862 mijë banorësh, sipas INSTAT, çdo banor i Tiranës ka një kursim në bankë prej 370 mijë lekësh. Tirana është edhe qyteti që ka nivelin më të lartë të të ardhurave për frymë në vend, sipas INSTAT, me 679 mijë lekë në vit, duke qenë në linjë të drejtë me vendin e parë që zë për sa u përket kursimeve për frymë.

Në vend të dytë për nga kursimet për frymë, me 361 mijë lekë, pothuajse sa kryeqyteti, është Vlora, qyteti që ka lidhje me emigracionin, por është edhe bazë e trafiqeve të jashtëligjshme, një pjesë e të ardhurave të secilës depozitohen si kursime. Ndryshe nga Tirana, që i “justifikon” kursimet me të ardhurat e larta për frymë, nuk mund të thuhet e njëjta gjë për Vlorën. Ky tregues për qytetin bregdetar jugor, sipas INSTAT, është 431 mijë lekë për frymë në vit, ose 63% e PBB-së kryeqytetase dhe Vlora renditet e pesta në të ardhurat për frymë, pas Tiranës, Fierit, Gjirokastrës, Durrësit, duke qenë nën mesataren e Shqipërisë prej 496 mijë lekë.

Të tretët në renditje janë banorët e Durrësit, ku një rol të rëndësishëm luan edhe emigracioni. Qytetarët durrsakë kanë rreth 260 mijë lekë depozita për frymë.

Të katërtët janë korçarët, (226 mijë lekë për frymë) që njihen për nikoqirë dhe si të tillë e administrojmë më mirë paranë, duke lënë disa mënjanë.

Më pas vijnë Korça dhe Elbasani, me përkatësisht 220 dhe 193 mijë lekë për frymë. Interesant është që Fieri, që është i dyti për të ardhurat për frymë, ka kursime shumë të ulëta prej 180 mijë lekë për frymë, në një tregues që investimet e mëdha në industrinë e rëndë (naftë) në këtë qytet, ndonëse rrisin prodhimin e brendshëm të tij, nuk arrijnë të përkthehen në më shumë mirëqenie e kursime për vetë banorët.

Gjithsej, depozitat e individëve në banka e institucione të tjera financiare në Shqipëri ishin 917 miliardë lekë në fund të tremujorit të tretë (67 miliardë euro), ose 83% e totalit të depozitave në vend.

Vitet e fundit, depozitat e individëve janë ulur për shkak të normave të pafavorshme të interesit. Në krahasim me nëntorin e vitit 2011, kursimet me afat të rezidentëve kanë rënë me 94 miliardë lekë, ose gati 690 milionë euro. Pavarësisht rënies, Shqipëria vijon të jetë një ndër vendet në zhvillim me nivelin më të lartë të kursimeve në raport me Prodhimin e Brendshëm Bruto (aktualisht 66.5% e PBB). Gjysmat e kursimeve janë në monedhën e përbashkët.

Bullgaria ka depozita sa 68% e PBB-së, Kroacia me 64% dhe Mali i Zi me 60%. Në vendet e tjera, kursimet e popullsisë në banka janë minimale, ku më të ulëtin e ka Kosova, me 32% të PBB-së, Serbia me 42%, Bosnjë-Hercegovina me 50%.

Pak më lart është Sllovenia me 53%. Mesatarja e vendeve me të ardhura të ulëta e të mesme, sipas Bankës Botërore është rreth 43% e PBB-së dhe Europa në zhvillim e ka 41%. Për nga niveli i depozitave në raport me PBB, Shqipëria i afrohet edhe vendeve të zhvilluara të Europës Perëndimore, ku p.sh., Italia dhe Franca e kanë këtë tregues midis 70 dhe 80% (Italia e ka 77%). Grekët janë më kursimtarë, me rreth 93% depozita në raport me PBB-në.  / Monitor

January 3, 2018 10:29
Komento

3 Komente

  1. demo January 3, 11:21

    Duket qe Vlora keto 4 vjet ka qene shtet i favorizuar ne mbjellje-korrje dhe transportim Kanabisi.

    Reply to this comment
  2. Drejtesia do te behet, duan apo nuke duan mijte e kenetave,mizat e kalit dhe avoketerit e ligesise. January 3, 12:27

    Ato shifra nuke jane pasuri te shumices se tiranasve,por e mafjozve dhe e palopolitikaneve dhe pushtetareve qe si dje dhe sot vazhdojne te derdhin lot krokodilesh vetem per te mashtruar veten dhe shqyer prene e rradhes,pra popullin dhe popujt.Nje ndimese japin dhe lograritesit servile e te peshtire dhe bashkepuntore me riciklimin e botes se krim-korrupsionit-mafjozo-imoralo-politik ne te tre pushtetet.Ne kete kuader me te drejte populli thote;na llograrisin si numra boset e krimit dhe te korrupsionit te Tiranes zyrtare,se ne populli kemi vetem celsat e kashtes dhe te votes,por dhe ato bastardet e politikes na i grabisin dhe na i tjetersojne vetem per te ruajtur sundimin ne te tre pushtetet,plus presidence dhe pushtetin lokal.Dhe se fundi per cfare miljonash na zhgaravitni, kur mbi 40 perqind e kryeqytetareve jane te pa pune,per ironi te fatit politikane e pushtetare bastard dhe servilet e tyre rrembejne leke ne shume bordero, kjo nje cudi,nje padije,jo por nje organizim ne sherbim te jashteqitjes shqiptare.Dridhuni e perdridhuni,po vjen minuti qe nga trasta peme e kalbur jasht do t’hidhet duan apo nuke duan peshkaqenerit e Tiranes zhyrtare ne dite e vite. Koha e tyre perendoje. Drejtesia do te behet se e kerkon SOVRANI, SHBA dhe BE-ja,c’do skenare i peshtire per te penguar Drejtesine vetem se do t’u shtoje vitet e burgut, ku e djeshmja dhe e sotmja familjarisht e shoqerisht do t’u mbetet nje ender,kurse e nesermja e afert nje fund i turpshem dhe pa kthim.Jane mijra nena dhe gra te veshura me te zeza dhe mijra femije jetim,si dhe nje pasuri kombetare e private e grabitur dhe e tjetersuar nga pangopesia e politikave bastarde te Tiranes zyrtare ne dite e vite deri me sot qe kerkon drejtesi,dhe jo rreklama bajate,lojra numurash e fjalesh,apo lloqe kavaje qe nuke i shkojne per shtat nje rreaiteti te dhimshem shqiptare,qe kerkon drejtesi.Mjaft eshte MJFT ME.

    Reply to this comment
  3. Mark .U.K January 3, 17:57

    As Zvicra nuk para ne banka sa ka Tirana hahaha.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*