Greqi/ Burgim i përjetshëm për tre shqiptarët që vranë avokatin

October 10, 2019 17:57

Greqi/ Burgim i përjetshëm për tre shqiptarët që vranë avokatin

Tre shqiptarët e akuzuar për vrasjen e avokatit grek, Michalis Zafeiropoulos janë dënuar me burgim të përjetshëm.

Gjykata ka pranuar kërkesën e prokurorisë që kërkoi dënimin maksimal për tre të pandehurit, duke i shpallur fajtor.

Gjykatësit vendosën edhe për 11 vite burg shtesë për dy grabitje.

Gjykata vendosi gjithashtu një dënim shtesë për të pandehurin, i cili qëlloi me armë në drejtim të avokatit, duke i shkaktuar vdekjen.

E veja e Michalis Zafeiropoulos falënderoi jurinë për vendimin e marrë.

Gjatë fjalës së tij, prokuri tha: “(Të japim) mesazh për të gjithë se shteti përmes drejtësisë është i vendosur të mos kërcënohet ose shantazhohet. Ne nuk duhet të lejojmë askënd që të mendojë se ne mund të bëhemi një shoqëri si e Amerikës Latine, ku avokatët dhe gjykatësit do të armatosen për të mbrojtur veten”.

Prokurori tha se porositësi i krimit, shqiptari Klodian Lekotsai kërkonte para nga Aristidis Floros, në burg, me qëllim që të paguante autorët shqiptarë që do të kryenin vrasjen e avokatit.

Akuza shtoi: “Të pandehurit pretenduan se ishin klientë dhe shkuan në zyrën e Michalis Zafeiropoulos. Për mendimin tim, megjithatë, ata e kishin paracaktuar vrasjen e tij”.

Më tej prokurori nënvizoi: “Asnjë rezistencë nuk u bë nga viktima”.

Duke theksuar se përkundër pretendimeve se donin ta plagosnin, autorët e qëlluan në gjoks, prokuri theksoi: “Ata madje vunë një shall. Kështu që mesazhi do të ishte i menjëhershëm. Vdekja e tij ishte mizore … “.

e.ll./dita

October 10, 2019 17:57
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim