Greqia njeh patentat shqiptare, firmoset marrëveshja

May 11, 2018 17:55

Greqia njeh patentat shqiptare, firmoset marrëveshja

 

Një lajm i mirë për të gjithë emigrantët që jetojnë në shtetin fqinj, Greqi.

Ministri për Evropën dhe Punët e Jashtme, Ditmir Bushati, dhe Ministri i Jashtëm i Greqisë, Nikolaos Kotzias, nënshkruan sot në Souni, Greqi, Marrëveshjen për Njohjen e ndërsjellë të Lejeve të Drejtimit të automjeteve.

Njohja e ndërsjellë e lejeve të drejtimit është një zhvillim pozitiv, pasi do të krijojë lehtësi lëvizje dhe komunikimi më të madha shtetasve shqiptarë dhe grekë.

Marrëveshja do të lehtësojë ndjeshëm jetën e qytetarëve shqiptarëve që jetojnë dhe punojnë në Greqi, por dhe atyre që udhëtojnë drejt vendit fqinj dhe anasjelltas.

Marrëveshja parashikon që qytetarët shqiptarë të cilët kanë leje drejtimi shqiptare nuk do të kenë nevojë të rifillojnë procedurat e kualifikimit dhe të provës, për marrjen e lejes së drejtimit greke, e cila ka edhe një impakt financiar nga 700 deri në 1000 Euro, për çdo leje drejtimi të marrë në Greqi.

Qytetarët do të dorëzojnë lejen e drejtimit të marrë në Shqipëri, dhe do të marrin atë greke duke u krijuar mundësi, të qarkullojnë ose të punësohen si drejtues mjeti në Greqi, me të drejta të barabarta me shtetasit grekë.

Njohja e ndërsjellë e lejeve të drejtimit është një rezultat i prekshëm i paketës së çështjeve dypalëshe të diskutuar në Kretë dhe Korçë nga dy Ministrat e Jashtëm dhe një punë të gjatë negociuese mes ministrive të transportit të dy vendeve tona.

Pas nënshkrimit, kjo marrëveshje do t’i nënshtrohet procedurave respektive për hyrjen në fuqi.

Pas nënshkrimit të kësaj marrëveshje, ministrat rikonfirmuan angazhimin për vijimin e punës për zgjidhjen e çështjeve të tjera dypalëshe.

a.s/dita

May 11, 2018 17:55
Komento

3 Komente

  1. Koment May 11, 18:31

    Bravo Bushati
    Nga me te miret e rilindjes

    Reply to this comment
  2. dajti May 11, 19:38

    e pelqyeshme

    Reply to this comment
  3. enverdjali May 12, 09:18

    Po beni ore marreveshjen e Sigurimeve shoqerore-shendesore sepse ajo eshte me kryesorja. Mendoni se sa Shqiptare kane paguar sigurimet ne shtetin fqinje edhe jane kthyer ne Shqiperi. Eshte kohe dhe para e humbur per cdo shtetas shqiptar.

    Reply to this comment
Shiko komentet

Komento

Your e-mail address will not be published.
Required fields are marked*