Greqia: Sjelljet e Maqedonisë të rrezikshme

April 11, 2016 15:54

Greqia: Sjelljet e Maqedonisë të rrezikshme

Greqia ka dënuar sjelljet e policisë maqedonase ndaj emigrantëve në Idomeni, duke i konsideruar të rrezikshme dhe të mjera.

Në një deklaratë jashtëzakonisht të fortë, George Qirici, zëdhënës për koordinatorët e migrimit në qeverinë greke, tha se përdorimi i forcës është i papranueshëm.

“Përdorimi i gjerë i gazit lotsjellës, granatave tymuese madje edhe plumbave të gomës pa dallim si për gratë dhe për burrat për orë të tëra, është një praktikë e mjerueshme dhe jashtëzakonisht e rrezikshme. Në të njëjtën kohë, ne u bëjmë thirrje refugjatëve të mos besojnë në gënjeshtra dhe të kuptojnë se kufijtë janë mbyllur, “tha ai.

Agjencia e ndihmës Mjekët pa Kufij deklaroi se ka mjekuar më shumë se 200 persona në kampin e Idomenit si pasojë e gazit lotsjellës dhe plagëve e tjera të marra gjatë protestës.

Mahmoud, një emigrant 23-vjeçar nga Aleppo, ka thyer krahun pasi është qëlluar nga forcat maqedonase me plumb gome nga një distancë shumë e afërt.

Autoritetet greke po përpien të bindin klandestinët e Idomenit të kthehen në qendrat e pritjes sepse tashmë nuk ka asnjë rrugë që i çon drejt vendeve veriore dhe perëndimore të Bashkimit Evropian.

April 11, 2016 15:54
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*