“Gulf” me gjashtë sekuestro, gjeorgjiani asnjë firmë në letra

April 24, 2018 09:35

“Gulf” me gjashtë sekuestro, gjeorgjiani asnjë firmë në letra

Kompania “Sun Petroleum Albania” që zotëronte në territorin shqiptar karburantet “Gulf”, ka pasur 6 masa sekuestro nga zyra e tatimeve dhe kompani të ndryshme përmbarimore, por edhe nga drejtoria e doganave.

Kompania e hapur në shtator të 2013 nga shtetasi izraelit Dory Grosman, është shitur nga ky i fundit prej vetëm 1 milion lekë të vjetra tek shtetasi gjeorgjian Aleksandre Gogokhia, ky i fundit i përfshirë në disa procese penale në Gjeorgji.

Biznesmeni misterioz nuk ka firmën në asnjë dokument të kësaj kompanie, pasi për firmosjen e kontratës tek noteri ai kishte autorizuar që në emër të kompanisë së tij “Universal Energy Grup” të nënshkruante shtetasi Gjeorgjian David Okrotsovidze. Por edhe për biznesmenin izraelit Grossman, në këtë kontratë noteriale të nënshkruar në shkurt të 2014 para noterit Julian Zhelegu, të proceduar për skandalin e pronave në Spille të Kavajës, ka firmosur një shtetas gjeorgjian i quajtur Guram Gogezhvili.

Me marrjen e kompanisë, Aleksandre Gogokhia, ka përqendruar aktivitetin e tij në hapjen e pikave të karburanteve. Ndërkohë që në 9 shkurt 2015, fill pas blerjes së kompanisë “Sun Petroleum Albania”, biznesmeni izraelit Aleksandre Gogokhia, ka blerë dhe kompaninë tjetër të izraelitit Dory Grosman. Këtë herë ai i ka blerë kompaninë “Sun Petroleum Albania Trading”, me një vlerë prej 40 milion lekë të vjetra.

Kompania me gjashtë sekuestro e borxh 407 mln lekë tatimeve

Megjithëse ka nisur aktivitetin tregtar në të gjithë territorin shqiptar, kompania e naftës “Sun Petroleum Albania”, që në fillimet e saj ka filluar të shfaqë probleme financiare. Mësohet se në 10 nëntor 2014, kompania Përmbarimore Private “TDR GROUP” sh.p.k, ka urdhëruar vendosja e masës së sekuestros konservative mbi të gjitha aksionet e zotëruara nga debitori shoqëria “Sun Petroleum Albania”.

Ndërkohë në 12 gusht 2015, lëshuar nga Shoqëria Përmbarimore “Kodra Bailiff Service”, ku është urdhëruar vendosja e masës së sekuestros konservative, mbi aktivin e palës debitore, shoqëria “Sun Petroleum Albania”. Kjo kompani urdhëronte në atë periudhë që aktivi i kësaj kompanie deri në një urdhër të dytë. Por në 4 shtator 2015 ky urdhër sekuestro është hequr. Më tej në datën 10 mars 2016 Dega Doganore Durrës i është drejtuar QKR, duke kërkuar që t’i pezullojë kësaj kompanie procedurat e mëtejshme tregtare, deri në shlyerjen e detyrimeve financiare.

Gjithashtu në datën 27 qershor 2016 është lëshuar sekuestro nga shoqëria Përmbarimore “E.G Bailiff’s Services” e cila ka kërkuar vendosja e masës së sekuestros konservative mbi të gjitha aksionet e zotëruara nga debitori shoqëria “Sun Petroleum Albania”. Kjo sekuestro është vendosur për llogari të inspektoriatit  Qendror Teknik Industrial, i cili kishte gjobitur këtë kompani nafte me disa milion lekë gjobë. Pas kësaj sekuestroje në datën 23 qershor 2017, lëshuar nga kreditorët Adrian Ruçi dhe Arian Tartari.

Ndërkohë sekuestroja e fundit që i është vendosur kësaj kompanie datën në 19 prill 2018, ku Drejtoria Rajonale Tatimore Korçë, ka urdhëruar QKR të mos lejojë tjetërsimin mbi pasurinë dhe të drejtat pasurore për subjektin “Sun Petroleum Albania” deri në shlyerjen e plotë të detyrimeve tatimore, prej 407 milionë lekë të vjetra.

o.j/dita

April 24, 2018 09:35
Komento

2 Komente

  1. Albi April 24, 09:38

    Ky Juliani vazhdon akoma te firmose e vulose?
    O Ministre ku je .Do e luftosh korrupsionin apo edhe ti si te paret .

    Reply to this comment
  2. te gjithe pjese te tepsise April 24, 10:56

    Aksioneret e tjere ne shqiperi jane, pse nuk nderhyn shteti apo jane pjese e ketij mashtrimi ??

    Reply to this comment
Shiko komentet

Komento

Your e-mail address will not be published.
Required fields are marked*