Presidenti nga populli, Hafizi shpall nismën kushtetuese

June 27, 2016 11:15

Presidenti nga populli, Hafizi shpall nismën kushtetuese

Dy deputetët e Partisë Socialiste, Mimoza Hafizi dhe Blen Blushi kanë shpallur sot nismën e tyre për disa ndryshime kushtetuese. Sipas kësaj nisme ata synojnë që Presidenti të zgjidhet nga populli, gjë të cilën deputeti Blushi e paralajmëroi javën e kaluar në Parlament. Nisma përfshin edhe opcionin që popullit ti jepet mundësia e  ndryshimit të Kushtetutës së vendit.

 

Ja letra e plotë

Kam kënaqësinë që në emrin e një grupi deputetësh, të shpall nismën për dy ndryshime të rëndësishme në Kushtetutën e vendit, përmes projektligjit bashkëlidhur. Me amendamentin e parë kushtetues, ne kërkojmë që Presidentin e Republikës t’ia japim popullit.

Ka të paktën dhjetë vjet diskutimesh, idesh dhe përpjekjesh në politikën shqiptare dhe në opinionin publik për zgjedhjen e Presidentit të Republikës nga populli. Një President i zgjedhur nga populli, dhe jo nga Kuvendi, do të jetë figurë e pavarur nga politika e ditës dhe përfaqësues i unitetit të popullit në ushtrimin e detyrave të tij të rëndësishme kushtetuese.

Ne nuk kërkojmë ndryshimin e kompetencave të Presidentit, kërkojmë vetëm ndryshimin e mënyrës së zgjedhjes së tj. Në shumë vende të botës, që nga SHBA e Franca, por edhe Mali i Zi, Turqia, Sllovenia, Serbia, Rumania, Kroacia, Bullgaria, Polonia, Moldavia, Maqedonia, etj., Presidenti i Republikës zgjidhet nga populli.

Me amendamentin e dytë kushtetues, ne kërkojmë që popullit t’i bëhet e mundur të ndryshojë Kushtetutën e vendit. Me Kushtetutën aktuale, këtë të drejtë populli e merr vetëm nëse bëhen bashkë 94 deputetë, ose 2/3 e parlamentit.

Por 94 deputetë është e vështirë të bien dakord. Edhe kur bien dakord, preferojnë ta ndryshojnë kushtetutën vetë, pa pyetur popullin, siç ka ndodhur në vitin 2008. Ne kërkojmë që ky numër të ulet në 2/5, pra në 56 deputetë.

Sot diskutohet fort për reformën në drejtësi, por populli shiptar e ka të pamundur të marrë pjesë në këtë proces. Me ndryshimin që ne propozojmë, popullit shqiptar i lind e drejta që të vendosë vetë për reformën në drejtësi dhe për reforma të tjera të rëndësishme.

Amendamentet i përgatitëm me Arta Daden dhe Ben Blushin, në diskutim me një grup deputetësh të spektrit të gjerë të parlamentit, të cilët po i rendis në vijim. Vazhdojmë kontaktet me shumë deputetë të tjerë dhe me grupet parlamentare, për të siguruar mbështetjen e nevojshme që këto ndryshime në Kushtetutë të miratohen.

Besojmë se këto ndryshime kushtetuese janë të domosdoshme për jetën demokratike të vendit. Prandaj do i kërkojmë opinionit publik dhe të gjithë qytetarëve të ushtrojnë presion mbi deputetët e tyre për ta mbështetur këtë nismë.

Bërthama e parë e deputetëve propozues (sipas rendit alfabetik)

Agron Duka

Arta Dade

Ben Blushi

Dashamir Shehi

Eduard Selami

Luljeta Arapi

Mimoza Hafizi

Nard Ndoka

Tahir Muhedini

Vangjel Dule

 

13532929_877886555674414_2570904186534984719_n

13537512_877886575674412_2140162947486540594_n

13439130_877886839007719_446479125187137312_n

 

13567153_877886699007733_6291660488657596039_n

13533214_877886779007725_3535695113008980140_n

13511966_877886735674396_1869948445825188296_n

June 27, 2016 11:15
Komento

5 Komente

  1. s.h. June 27, 11:45

    Te gjithe propozuesit jane deputete ” pa parti ” , krejt pa peshe ,qe nuk i pyet njeri …prandaj duan te bejne protagonistin ne fund te mandatit …Nga ana tjeter, ne se kjo eshte vertete letra e plote, hartuesja , prof. M. Hafizi , nuk merr as dysh ne te Drejten Kushtetuese … Por edhe qorrat e tjere qe e kane firmosur , duhet t’u vije turp per aspektin juridik formal te leter-propozimit…!

    Reply to this comment
  2. symbol June 27, 12:23

    Bravo, personalisht e vleresoj si nje hap pozitiv ne permiresimin e shtetit.

    Reply to this comment
  3. kris 1 June 27, 14:35

    Qe te behet e plote reforma duhet te ulet numeri i deputeteve ,nga 140 ne 70.
    Kaq shume depudhjere kemi sa parlamenti nuk eshte nje vend pune por nje vend i lik

    Reply to this comment
  4. Arber June 27, 14:42

    Nisma e zgjedhjes jo vetem te Presidentit te Republikes, por e te gjithe administrates shteterore eshte atribut i popullit ne nje sistem demokratik. Kjo ehste praktike e popullit amerikan, 240 vjecar ne sistemin demokratik.

    Zgjedhja e deputeteve me listat e kryetareve; kryetare partish 25 vjecare, zgjedhjet e tuitullareve te larte te shtetit me gjysmat e votave te deputeteve + nje renegat etj. jane synime diktatoriale orientale te sunduesve te sotem te Shqiperise. .

    Reply to this comment
  5. A.GRAMSH June 27, 17:12

    PAS 25 VJETESH ‘PROSTITUTAT POLITIKE’ BEJNE LEKSIONE PER ‘VIRGJERINE’!
    Blushat,Berishat,Dadet Berishat,Dodat,Berishat,Hafizete,BERISHAT——NE GJYQIN E HAGES SI ANTIKUSHTETUES 25 VJET QE PERDHUNUAN NJE POPULL TE TERE DHE E KTHYEN ISH SHQIPERINE—‘Shprehje gjeografike’ e tani me nje populizem alabakesh kerkojne te bejne fushate elektorale per te perdhunuar femijet e pa ngrene edhe 25 vjet te tjera!

    Reply to this comment
Shiko komentet

Komento

Your e-mail address will not be published.
Required fields are marked*