Hapen portat e hidrocentraleve, përmbytet fshati Obot në Shkodër

March 5, 2018 15:50

Hapen portat e hidrocentraleve, përmbytet fshati Obot në Shkodër

 

Në Obot të Shkodrës janë përmbytur 700 hektarë tokë bujqësore si dhe një pjesë e rrugës.

Mëngjesin e së hënës u deshën mjetet e ushtrisë për të zhvendosur disa banorë pasi rruga u përmbyt, dhe për këtë situatë në njësinë administrative Ana e Malit fajësojnë shkarkimet nga hidrocentralet.

“Brenda 70 ditëve është hera e tretë që njësia Ana e Malit përmbytet, Për momentin kemi më shumë nevojë për bazë ushqimore për bagëtitë. Është totalisht nga shkarkimet”, thotë Arben Ceni, drejtues i Njësisë Administrative Ana e Malit.

Edhe pse Korporata Energjetike Shqiptare shprehet se shkarkimet e kontrolluara që po bëhen aktualisht nga hidrocentralet mbi lumin Drin nuk mund të shkaktojnë përmbytje në Nënshkodër, banorët i tremben vërshimeve dhe thonë tashmë se tokat e mbjella i kanë nën ujë.

Uji megjithatë shfaq tendenca për tërheqje dhe mungesa e reshjeve sjell parashikime optimiste.

a.s/dita

March 5, 2018 15:50
Komento

1 Koment

  1. demo March 5, 19:54

    Permbytjet e pervitshme te Nilit e bene Egjiptin hambar drithi.Gezojuni maloke,se ju ka ardhur e mira tek dera.

    Reply to this comment
Shiko komentet

Komento

Your e-mail address will not be published.
Required fields are marked*