Harta e 1456, e vërteta për flamurin e Skënderbeut

March 12, 2018 01:08

Harta e 1456, e vërteta për flamurin e Skënderbeut

Moikom Zeqo

1-Flamuri

Flamuri i Skënderbeut është një subjekt kryesor i skënderbeologjisë.

Dijetarët kanë shkruar mbi këtë flamur, por saktësia dhe akribia shkencore ka lënë shpesh për të dëshiruar. Megjithatë, ne kemi patur një përfytyrim për flamurin e Skënderbeut, bazuar tek stema e tij, që paraqet shqiponjën dykrerëshe, pa kurorë mbretërore mbi kokat, që ka sipër yllin gjashtëcepësh si dhe inicialet latine D.AL. d.m.th. ‚Dominus Albaniae‘ (Zoti i Shqipërisë).

2.Ajo që dihet

Stema, më saktësisht vula e madhe e kancelarisë së Kastriotit, ruan elemente të flamurit të tij, por nuk mund të jetë kurrsesi identike me flamurin.

Flamuri i Skënderbeut është përshkruar nga disa autorë.

Anonimi i Tivarit, në vitin 1480 (i cituar prej Biemit, fq. 23) thotë: “L’insegna di Skander begh era un’ aquila negra distinta in dua teste sopra campo rosso” (Flamuri i Skënderbeut ishte me një shqiponjë të zezë me dy krerë në një shesh të kuq).

Marin Barleti, 1508 (fleta XV), thotë „Rubea vexilla nigris et bicipitibus distancta aquilis gerebat Scanderbegus“. (Flamur i kuq i Skënderbeut me një shqiponjë të zezë dykrerëshe).

Të gjithë autorët, që janë bazuar te Barleti përmendin të njëjtën gjë.

Tekstin latinisht të Barletit e përmend edhe Frang Bardhi, shumë më parë, se sa ta vëzhgonte dhe ta vinte në reliev pasazhin shkrimor të Barletit.

Faik Konica, i cili do ta trumbetonte si zbulim dhe duke patur argumente të shkruara, por jo argumente figurative, vizuale, të pikturuara, do të bënte një riprodhim të përafërt të flamurit të Gjergj Kastriot Skënderbeut, për ta botuar te revista « Albania ».

3.Por si ka qenë me të vërtetë, në mënyrë autentike flamuri i Skënderbeut ?

Rafigurimi i shqiponjës dykrerëshe me Yllin e Davidit në vulën e madhe nuk është autentik me flamurin.

Fjala vjen, Barleti nuk e përmend asnjëherë faktin, se mbi shqiponjën dykrerëshe është Ylli i Davidit.

Një fakt tjetër substancial është se shqiponja dykrerëshe e Skënderbeut nuk ka patur asnjëherë kurora mbretërore, sepse dihet, që Skënderbeu nuk e pati asnjëherë titullin e Mbretit të Shqipërisë.

Titulli i Skënderbeut qe civil dhe thjesht ‘Dominus Albaniae’. Ky fakt nuk mund të anashkalohet.

Para disa kohësh, në zyrën time në Muzeun Historik Kombëtar, erdhi dijetari dhe piktori i njohur nga Kosova, prof. Shyqri Nimani. Në vitin 1996, Nimani, kish botuar librin album në Prishtinë, me titull « Trojet shqiptare në harta dhe stema ». Këtë botim, unë e kam patur prej kohësh në duar, por u desh ta rilexoj tani më me vëmendje, për t’u befasuar dhe entuziazmuar nga zbulimi i jashtëzakonshëm.

Autorësia e këtij zbulimi i takon padyshim mikut tim të nderuar, prof. Shyqri Nimani.

4.Zbulimi i Nimanit

Në botimin e tij Nimani tregon se, gjatë vitit 1980, gjatë një udhëtimi në SHBA, pa ekspozitën e madhe « ART & CARTOGRAPHY » në qytetin e Çikagos, organizuar nga The Newberry Library, ku qenë ekspozuar harta unikale (manuskripte), tepër të rralla dhe absolutisht shumë të rëndësishme.

Aty qe ekspozuar edhe « Harta Portollane e Mesdheut » e vitit 1456, një manuscript i pikturuar në pergamenë, pronë arkivore e bibliotekës dhe Newberry Library në Chikago – koleksion i Edward E.Ayer-it, nr.3.

Harta ka shënimin : « Petrus Roselli compossuit hanc cartam in civitate majori carum anno domini MCCCLVI ».

Kjo hartë portollane është pikturuar me dorë, sipas traditës së navigatorëve, që e kanë përdorur këtë teknikë, të paktën, që nga fillimi i shek. XIV. Siç shihet harta e Rosellit, mban vitin 1456, kur Skënderbeu ishte në kulmin e famës së tij, krejt i gjallë, sepse ai vdiq 12 vjet më vonë, më 1468.

Harta nuk është e dimensionit të madh, ajo përqendrohet në Detin e Mesdheut dhe në Detin e Zi, tregon bregdetin evropian nga Danimarka, ishujt britanikë deri tek Skotlanda Jugore, bregun veriperëndimor të Afrikës, ishujt Kanare, Medeeirën dhe ishujt Azore në Oqeanin Atlantik.

Kjo hartë përfaqëson maksimumin e njohjes gjeografike të botës, përpara zbulimit të Amerikës nga Kristofor Kolombi më 1492.

Harta në fjalë ka një saktësi të madhe të parametrave gjeografikë, sidomos të kontinentit evropian, por informacioni i hartës është shumë më i madh, aty janë shënuar emrat e vendeve dhe të qyteteve kryesore dhe 41 flamuj të shteteve evropiane, më 1456.

E jashtëzakonshmja dhe e papritura për ne shqiptarët është se pikërisht në figurën gjeometrike, gadishullore të Shqipërisë, është vizatuar edhe flamuri i Skënderbeut.

Flamuri shqiptar i Kastriotëve ka kështu një njohje ndërkombëtare, është njësoj si në OKB-në e sotme.

Gjëja e parë është vendosja figurative e të gjithë flamurëve të shteteve të njohur dhe pjesëmarrëse të OKB.

Të tillë vlerë juridike, ndërkombëtare ka dhe vendosja dhe rafigurimi i flamurit të Gjergj Kastriot Skënderbeut.

Prof. Shyqyri Nimani e ka botuar të plotë hartën e vitit 1456 në faqen 55, tabela 14.

Flamuri është në formë katërkëndëshe, i vendosur në një shtizë vertikale, mbi figurën qëndrore të Shqipërisë, d.m.th. mbi qytetin e Krujës.

Katërkëndëshi i fushës së flamurit është krejt i hapur në krahun e majtë për shikuesit.

Flamuri ka një majë të vogël mbi shtizën vertikale. Duket qartë në të figura e shqiponjës dykrerëshe, por pa Yllin e Davidit.

Nimani, që e ka parë me sytë e tij këtë fakt, tregon se fusha e flamurit qe e verdhë e (e artë), kurse shqiponja dykrerëshe e kuqe.

Pse vallë kjo shqiponjë titullare e flamurit jepet e kuqe dhe jo e zezë ?

Mos vallë dëshmia e Marin Barletit, në librin e tij për Skënderbeun, që e botoi në vitet 1508-1510, gati 140 pas vdekjes së Skënderbeut duhet marrë me rezervë ?

Ku qëndron e vërteta ?

5.Dilemat

Pse në kohën kur ishte vetë gjallë Skënderbeu, flamuri i tij i njohur ndërkombëtarisht jepet në një fushë të verdhë (të artë) dhe me shqiponjë të kuqe dykrerëshe ?

Për çdo shkencëtar serioz, këtu ka një pikëpyetje shqetësuese, që kërkon një përgjigje të vërtetë dhe të argumentuar.

Aq më tepër që substanca e kësaj pyetjeje bëhet më e fortë kur dimë tashmë se në absidën e Kishës së Shën Andonit, në Kepin e Rodonit, ku ka qenë rezidenca dhe kështjella e Skënderbeut është zbuluar pikërisht një shqiponjë dykrerëshe e kuqe.

Afresku i kuq i shqiponjës dykrerëshe të Rodonit është bërë përpara vdekjes së Skënderbeut më 1468.

Kjo shqiponjë nuk është bërë rastësisht e kuqe. Pra shqiponja e Skënderbeut nuk është e zezë.

Shqiponjën e kuqe të Rodonit, Skënderbeu e ka parë me sytë e tij, askush nuk do mundte dot, ta bënte ngjyrën e shqiponjës ndryshe, nga ç’ishte ngjyra e vërtetë e saj, sepse këtu kemi të bëjmë me autoritetin shtetëror të vetë Gjergj Kastriot Skënderbeut.

Problemi shkencor lidhet me dy përmasa : përmasa e parë ka të bëjë me dy fakte historikisht autentike, që në të gjallë të Skënderbeut, me faktin e hartë së vitit 1456 dhe me faktin e afreskut të kuq të shqiponjës dykrenore të Rodonit, gjithashtu, autentike.

Përmasa e dytë ka të bëjë me një dokument shkrimor të përpiluar nga Barleti 140 vjet më vonë, pasi kish vdekur vetë Skënderbeu.

Të gjithë, papërjashtim, kanë besuar dëshminë shkrimore të Marin Barletit, pra, kanë besuar se shqiponja dykrerëshe është e zezë, në një fushë të kuqe.

Faktet që paraqesim në këtë shkrim tregojnë një ndryshim të rëndësishëm, del qartë se shqiponja dykrerëshe e Skënderbeut nuk ka qenë aspak e zezë, por ka qenë e kuqe.

Ta zëmë për një moment se piktori i hartës së 1456-ës, Roselli, ka përdorur në mënyrë të lirë rafigurimin e flamurit të Skënderbeut dhe për ta bërë më të lexueshëm këtë flamur e ka bërë shqiponjën dykrerëshe të kuqe në një fushë të verdhë (e artë).

Por, nëse ky fakt, do të qe i vetmuar, mund ta përdornim si një alibi figurative.

Por, është pikërisht zbulimi në afresk i shqiponjës dykrerëshe të kuqe të Kepit të Rodonit, që nuk na lejon më, të flasim për një alibi të piktorit hartograf, apo për një rastësi vetmitare.

Për shkak të akribisë shkencore dhe të kriticizmit shkencor, jam i detyruar të shpreh publikisht tezën, se përfytyrimi i flamurit të Skënderbeut duhet të ketë qenë ndryshe në realitet, pra, shqiponja dykrerëshe për shkak të fakteve të mësipërme, do të ketë qenë e kuqe.

6.Teza e debatit

Dëshmia e Barletit nuk është ajo e një dëshmitari okular, por është një dëshmi e metomorfizuar, gati një shekull e gjysëm më vonë.

Mendoj, që Barleti duhet shikuar me rezervë,jo me absolutizem  në këtë pikë kryesore. Pse?

Sepse dihet që edhe vetë stema e Kastriotëve është ndryshuar, është mbingarkuar me kurorat mbretërore, se trashëgimtarët e familjes së Kastriotëve, për shkak të titujve që kanë marrë më vonë, i kanë shtuar atribute të tjera stemës së thjeshtë, civile, dhe autentike të Gjergj Kastriot Skënderbeut.

Dihet gjithashtu edhe mbishkresat, sajimet fantastike të heraldikave të para, gjë që, ka qenë një modë, por dhe pasojë e falsifikimeve të pafundme nga pasardhësit.

Kështu një stemë, që i atribuohet Kastriotëve, e botuar nga Dr.Lucia Nadin në librin “Venecia dhe Shqipëria”: “Gjurmë të lidhjeve antike”, Venecie, 1995, fq.6, që ndodhet në një dorëshkrim italian në Biblioteka Marciane, shqiponja dykrerëshe e Skënderbeut, paraqitet e artë mbi një fushë gjysëm të kuqe dhe sejcila kokë e shqiponjave ka një trëndafil të artë, si dhe një të kuq.

Mbi kokat e shqiponjave janë dhe kurorat mbretërore.

Dijetari kritiist nuk mund të bazohet në dëshmi të vona dhe të transformuara.

Harta e Petro Rosellit e vitit 1456, është si të thuash një njohje ndërkombëtare, për paraqitjen figurative të flamurit të Skënderbeut.

Afresku i shqiponjës dykrerëshe të kuqe i Rodonit, vërteton diçka të brendshme, pikërisht brenda kështjellës rezidenciale të vetë Gjergj Kastriotit.

Është tjetër gjë të themi se për shkak të traditës mbi 5 shekullore ne tashmë kemi botërisht flamurin kombëtar me fushën e kuqe dhe shqiponjën dykrerëshe të zezë.

Askush nuk ka ndërmend që ta ndryshojë tashmë këtë gjë, sepse dhe tradita duhet respektuar, qoftë dhe si konvencionalitet. Por, askush nuk i heq të drejtën e dyshimit dhe saktësimit shkencor dijetarëve, që kanë kult vetëm të vërtetën dhe vetëm të vërtetën.

Dy dëshmitë autentikë, që trajtuam në këtë shkrim tregojnë pa mëdyshje se flamuri i Skënderbeut ka qenë ndryshe, pra në një fushë të verdhë (të artë) dhe me shqiponjën dykrerëshe të kuqe.

Duke thënë këtë, mendojmë se nuk bëjmë një blasfemi, por bëjmë një saktësim.

Megjithatë e drejta e debatit shkencor është një e drejtë e hapur për të gjithë dhe unë do të pranoja me dëshirë dhe me ndërgjegje çdo kundërshtim të arsyeshëm, por ama me argumente autentikë.

Botuar në Dita

March 12, 2018 01:08
Komento

27 Komente

  1. K. M. Tusi March 12, 02:44

    E po mire, le ta kete Kosova flamurin e vertete te Skenderbeut! Pra ne i perdorin te dy versionet.

    Reply to this comment
  2. mb March 12, 02:58

    Zt. Zeqo,
    I njejti flamur cfaqet me 1380. Shif: https://1drv.ms/u/s!ArZi-4F1_MJphW_bzlVcZPzjrda4

    Kam pare se Serbet e identifikojne si te tyre.

    Reply to this comment
  3. mb March 12, 03:24

    Ja edhe nje harte theater:

    https://upload.wikimedia.org/wikipedia/commons/1/18/Dalorto_1325_map_%28partial%29.jpg;

    E njejta shqiponj cfaqet me1339 dhe 1380. Te gjitha ne harta portale.

    Reply to this comment
  4. Niku March 12, 03:39

    Ka nje pasaktesi ne vitet e Barletit. Nuk eshte 140 vjet pas Skenderbeut, por 40 vjet.(1510-40 del 1470).

    Reply to this comment
  5. Onkezmi March 12, 03:59

    I nderuar enciklopedisti shqiptar,cdo studim qe sillni ju eshte me vlere.Mendoj se mos ndikimi i P.Rosellit nga feja dhe indokrinimi i tij nga Bizanti na ka sjelle kete flamur.Kur them se 100 vjet me pas nuk jane shume per historine.Barleti ka jetuar me gojedhena,fjale,pershkrime te ndryshme ne popull dhe ka ndertuar variantin e tij,qe mendoj se eshte me prane te vertetes.Greqia eshte ngritur mbi baze te miteve dhe legjendave dhe besohen sot neper bote,se helenet.helenizmin nga nje kulture i bejne sot komb…

    Reply to this comment
  6. Alban Dardani March 12, 05:14

    — Zoti Moikom !!
    Qofsh i nderuar e i respektuar per perpjekiet dhe vlerat historike qe mundohesh ti sjellesh kombit shqiptar
    — Historija si lajmerare e lashtesis, mesuese e jetes, dhe drita e se vertetes vlen edhe per flamurin tone kombetar.
    — Pajtohem me mbylljen e shkrimit. Mendoj flamuri kombetar eshte i vulosur dhe nuk duhet c’vulosur me aq argumenta sa sillni JU, te cilat pa dyshim kane shum vlere, por jo deri ne nje vendim ekstrem
    — Komandantet ushtarak , klasifikonin informacionin te vlefsheme kur ai vinte te pakten nga dy burime te pa varura nga njeri tjetri. — JU i kini sjelle dy burime , por nuk mund te thuash se jane apsolutisht te pa varura. . Pse ;-[ Me fal., Po hamendesoj- nuk jam i kesaj fushe]
    — Ne ato kohe ku sbehej fjale per vezhgim e fotografim ajror . Hartografija [ne se e quajm te tille] duhet e jete bazuar te puna me syrin dhe doren .Nuk di ne se dylbia kish gjet perdorim , por besoj te ket patur dicka qe e permiresonte shikimin
    — ” Hartusit Petrus Roselli” , per ate harte aq precize qe ju thoni me siguri do kene shpenzuar vite duke ndjekur vijat bregdetare ,, por edhe shkeljen e bregdetit , daljen ne breg pika dominuse te caktuara.
    — SUPOZIMI IM; — Po ne se hartusit e asaj harte kane ndaluar edhe te kepi i Rodonit, kane vizituat edhe kishat apo kalat dhe kane mare e shenuar ato cfar kane pare e degjuar– pra mund te jete kopje e asaj qe thoni JU.
    — Ana tjeter, nuk di sa mund te meret perbaze ai afresk i asaj kishe qe ai flamur mund te jete bere edhe me vone , mbas Skenderbeut, si nje mjet krenarije po edhe zbukurus . Tjeter, nuk dihet sa strikt kane qene rregullat pikturimit apo te vendosjes autentike te ngjyrave …. etjer hamendesi te mijat
    — z, Mojkom , po gjithe ata kroniste e ”Drusun bej” te Turqis qe shoqeronin ekspeditat nuk kane sjelle ndo nje pershkrim te flamurit te kohes se Skenderbeut
    — Mendoj, qe ne ceshtjet e …. ”kolektivizimit”’ as te mos nxitohemi ,por as te mos mbetemi ne vend
    — Respekte per perpjekiet dhe punen qe ben .

    Reply to this comment
  7. Vedat Shehu March 12, 07:02

    I dashur dhe i nderuar Mojkom,
    Ju pergezoj per analizen qe i bene te vertes historike per origjinlin e Flamurit te Skenderbeut. Por sugjeroj:
    1. U deshprova per pakujdesine e pafalshme; permendi te pakten tre here se intervali ne kohe nga Vdekja e Skenderbeut tek botimi i Barletit eshte 140 vjet prandaj deshmia e Barletit eshte e diskutueshme, kur ne fakt eshte 40 vjet. Mandej data e botimit eshte shume me e vone se fillimi i mbledhjes se fakteve nga bashkeluftetaret e Skenderbeut,etj.
    2. Ka shume mundesi qe Skenderbeu ta kete ndruar ngjyren e kuqe nga ajo e Shqiponjes ne ate te fushes dhe shqiponjen e ka bere te zeze.
    3. Lutem, vleresojeni kete, jo si gjuhtaret nyjen shquese “ul”.

    Reply to this comment
    • Gezim Boçari March 13, 10:57

      zoti Vedat, konsultohuni me nje heraldist dhe do ju sqaroje se ne beteje predoret flamur me fushe te kuqe, ne ceremoni perdoret fusha me ngjyre ari .

      Reply to this comment
  8. return of the saint March 12, 07:42

    Mos ja fusni kot flamuri I Gjergj Kastriotit dihet boterisht qe eshte flamuri I perandorise Bizantine ai e huazoi për ti treguar
    Turqise se perandorià nuk kishte rene edhe pas pushimit Turk

    Reply to this comment
    • mb March 12, 14:35

      Cfar flamuri bizantin? Ne te vetmin rast qe shqiponja-dykrenare eshte cfaq me Bizantinet ka qene me 1439 kur Perandori John VIII Palaiologos udhtonte per ne Venedik. Cdo gje tjeter eshte propagande.

      Reply to this comment
    • Gezim Boçari March 13, 10:54

      Shqipona dy krenore nuk ka lidhe me Bizantin , eshte e kunderta. Shqiponja eshte nje nga simbolet e pellazgeve, Perandoria Bizantine eshte e voneshme. Shqiponjen e solli ose e morri me vete ne Bizant Kostandini

      Reply to this comment
  9. Dulla March 12, 11:58

    Bëni llogaritë mirë ju historianët e komunizmit të kuqë! Barleti ishte jo 140 vjetë pas vdekjes së Skenderbeut o fallsifikatorët e historisë! Zbrite nga 1510-1468=sa bëjnë o historian Kuqalash. Po çfarë dinë Nimani, Sulltani, Erdogani opo ju Turqë të shitun! O Mojkomë spiuni simbas jushë kemi fkamurinë me illin kuqë që ja vutë ju kopilat e Rusise! Turqë, Ruse, Kinezë , Kinezë! Histori, he ja qiftë qeni Nanën!

    Reply to this comment
    • Juglindori nga Korça March 12, 14:15

      Ore Dulle , a mund te te bej nje propozim ? Merr nje abetare te klasit te pare , fillo mesoje gjuhen shqipe , se nuk di te shkruash , pastaj , mbaro shkollat , qe nga fillorja e deri tek universiteti , lexo e studio nja 20-30 mije libra siç ka bere Majkomi , pastaj mund te marresh guximin , me ndrojtje te madhe , t’i marresh leje e te pyesesh Majkomin : Ka mundesi , zoti Majkom Zeqo , te marr pjese edhe une ne diskutim me ty ? Po jo keshtu , siç ben ti tani ; sapo je kthyer nga mali ku kullosnje dhite , merr guximin te replikosh me nje nder figurat me erudite te kombit shqiptar .

      Reply to this comment
      • Plaku Xhuxhumaku March 12, 15:20

        Me fal o ti pe Korçe, jo se me dhimset Dulla, po edhe zotrote mesoja emrin sakte ketij gjithollogut se e ka Moikom e jo Maikom. Veç kesaj kujdes me ate numrin e librave te lexuar se aq libra sa thua ti, edhe sikur Moikomi te mos kish fjetur as nje minute e te mos kishte shkuar ne nevojtore asnjehere ne jeten e vet, prape se prape nuk do t’i kishte mjaftuar koha per aq libra, prandaj avash-avash o ti pe Korçe.

        Reply to this comment
        • Juglindori nga Korça March 12, 16:13

          Ti Plaku , nuk merr mundimin te shkruash , vetem e vetem pse une Moikomin , gabimisht e kam quajtur Maikom , qe nuk eshte ndonje arsye per replike e as per numurin e librave qe ka lexuar Moikomi , gje qe edhe ai vete nuk mund t’a dije . Qellimi yt eshte , per t’a denigruar Moikom Zeqon duke e ironizuar “gjithollog” , gjithashtu per te me ofenduar edhe mua , kur permend dy here “o ti pe Korçe” . Ke ndonje problem me ata qe jane prej Korçe ? Jo per gje , por per te qene vertet krenar nje person per origjinen e vet , nuk e besoj qe “te qenit korçar”, ia heq kete te drejte , perkundrazi .

          Reply to this comment
          • Plaku Xhuxhumaku March 12, 18:19

            Sa per dijeni, une jam vete pe Korçe, sa per ate punen e librave, perse ajo qe thua ti per ta glorifikuar kete gjithollogun per 20000 a 30000 libra qenka me mire se ajo qe them une qe nuk ka mundesi te kete lexuar aq libra? He mo miku im pe Korçe me thuaj ndonje gje qe te me zere vend, se te thashe edhe une pe Korçe jam.

  10. Pellazgos March 12, 17:55

    Ore ty zoti Zeqo,ke marre dollare nga Cifutet apo jo?
    Cpune kane Davidi coban me Zeusin,Epirin,por edhe Krishterrimin si vazhdim i Greqise se Lashte.
    Ka Shqiponje te kyqe or idiot?
    Shqiponja e Zeze tregon fatkeqesine e ndarjes se Perandorise se Romes ne ate te Lindjes kur ajo ra tek barbaret e veriut te Evropes.
    Eshte fakt historike qe Kostandini Perandori i fundit te Romes e zhvendosi ne Bizant dhe vendosi gjuhen Greke zyrtare duke hequr ate Latinen.
    Por edhe sikur te ishte Krishterim atehere cpune ka Davidi nje tril,im i cifuteve me civilizimin tone Pellazge?
    Cifutet e evropes jini katandisur ju myslimanet e Albanistanit ne emer te nje nacionalizmi kunder Greqise qe ne cfaredo vend arkeollogjik do gjesh Greqine ne Ballkan.
    Si nuk ju vjen turp njerez pa dinjitet,servila,te poshter.

    Reply to this comment
  11. Mark .U.K March 12, 18:00

    Ato grafiket qe jan bere ne kohen e Gjergj Kastriotit jan te sakte,pamvarsisht se c thon turqit shqipfoles.Po flamuri i Ismail Beut (turku)qe mori flamurin dhe e ngriti ne Vlore pa u derdhur as nje pike gjak,bile pa krisur asnje pushk eshte i rekomanduar nga vete tuqit.Ku ka ndodhur ne bote gjat te gjith kohrave qe shteti qe te pushtij te njoh i pari ne bote sic ndodhi me 29 nandor 1912.

    Reply to this comment
  12. demo March 12, 19:11

    Ti zoteri qe ke kopjuar nikun e Mark-ukut,duhet te dish se,levizja Haxhiqamilit,kunder pavarsise se Shqiperise u frymezua nga turqit dhe turkoshaket.Ne qender te sulmeve te tyre ishte edhe flamuri(sipas teje i rekomanduar nga turqit) me “sorren e zeze”,sic e quanin ata shqiponjen dykrenare.Per ate flamur dhe ate pavaresi eshte derdhur gjaku i malsoreve dhe trimave te nKosoves ne Kacanik,Cerraleve,Decic,me teper se kane derdhur gjak Greket,(greket,greket,jo shqiptaret arvanitas).Masakra e Mesollongjit eshte ushtruar kunder shqiptareve arvanitas sa per dijeni.Greket ne 1821 ishin ne Anadoll dhe luftonin me intriga per te drejtuar ushtrine e sulltanit kunder Ali pashe Tepelenes.

    Reply to this comment
  13. Juglindori nga Korça March 12, 19:44

    Xhuxhumaku (ne fakt duhet t’a kisha kuptuar qe je korçar , se plaku xhuxhumaku neve ne Korçe e perdorim) . Hiç , te pershendes!

    Reply to this comment
  14. mb March 12, 20:38

    “Krishterrimin si vazhdim i Greqise se Lashte”! Cka thua more ti, kisha greke ka luftuar me cdo menyre kulturen e Greqise Klasike.

    Reply to this comment
  15. Aleksander Thana March 12, 22:15

    Barleti ka qene ne Moshe te re kur ka vdekur Gjergj Kastrioti-Skenderbeu. Ka marre pjese ne betejen (rrethimin) per mbrojjen e Shkodres dhe pas disfates eshte larguar per Itali. Eshte pra deshmitar dhe ka mbledhur tregimet nga me the mocmit per ngjarjet e bemat e medha te kohes skenderbejane.

    Reply to this comment
  16. Pellazgos March 13, 01:05

    Vazhdim me dhune zoti “mb”.
    Ate qe thua eshte mese e vertete.
    P.sh,Komunizmi ishte vazhdimi i Mbreterise se Zogut,kjo nuk do te thote qe komunistet nuk erdhen me dhune kunder Ballit.
    Ne qofte se Gjermania kishte fituar luften atehere ne cg…op te semes do futeshin komunistet?
    Krishterrimi dhe Myslimanizmi jane dogma te njerezve analfabete qe nuk kane lidhje me Zotin e vertete.
    Krimet qe kane bere Kryqezatat barbare nuk krahasohen me ato te Hitlerit.

    Reply to this comment
  17. Onkezmi March 13, 03:53

    Ne librin Troy te Nic McCarti Fq.8,gjen n je pikgture te Biagin di Antonio (1476=15o4) flamurin kuq e zi rreth murreve te Trojes.Pra fakti qe Homeri thote per fiset ilire ne Troje.Pra gjykoheni vete sa e afert eshte ne kohe dhe hapsire me vitet skenderbejane.

    Reply to this comment
  18. Mark U.K March 13, 10:06

    demo:Kuotohesh lehtesisht se je mbeturin e turqve!Kastrioti luftoj te mos hynin ajo rac e keqe qe per fate te keq nuk patem fat te shpetonim pa na ardhur ai gjak i keq.

    Reply to this comment
Shiko komentet

Komento

Your e-mail address will not be published.
Required fields are marked*