Hekurudhat shqiptare ndodhen në kolaps

March 24, 2016 16:12

Hekurudhat shqiptare ndodhen në kolaps

Pak ditë më parë trenat ndalen së lëvizuri për shkak të mungesës së karburantit. Hekurudhat nuk ishin në gjendje të paguanin faturat, por kjo gjë u zgjidh, ndërsa kriza në transportin hekurudhor vazhdon.

“Jemi vërtetë në sitautë të vështirë për faktin se ka rënë transporti i mallit dhe disa kompani që janë të rëndësishme, që ne kishim lidhjet tona, siç ishte Kurum, tani e dimë që është drejt falimentit”, tha Genc Alizoti, drejtor i përgjithshëm i Hekurdhës Shqiptare.

Një dritë shprese vjen nga bashkëpunimi me Autoritetin Portual të Durrësit për vënien në funksionim të një linje në terminalin e kontenierëve, si dhe miratimi nga BERZH për investimin në linjën Tiranë-Durrës-Rinas.

“Është hera e parë që Shqipëria, pas viteve ’90, ka një projekt ndërtimi në dorë”, vijon Alizoti.

E subvencionuar nga shteti, humbjet në Hekurudhë janë të mëdha. Këtë vit fondi i qeverisë është rritur me 10 %. Aktualisht funksionojnë vetëm 4 linja të udhëtareve, ato nga Durrësi në drejtim të Shkodrës, Kasharit, Vlorës dhe Librazhdit. Udhëtaret e pakët zgjedhin trenin për shkak të biletës.

“Treni, 950 lekë të vjetra”, thotë një udhëtar.

Rrjeti hekurudhor shqiptar ka 447 km linjë kryesore, mirëmbajtja e së cilës kërkon investime të mëdha.

March 24, 2016 16:12
Komento

1 Koment

  1. demo March 24, 17:44

    Po cfare investimesh kerkon?Po juve s`ju dalin paret per vetura!Sikur per nostalgi ta mbani hekurudhen,ja vlen.

    Reply to this comment
Shiko komentet

Komento

Your e-mail address will not be published.
Required fields are marked*