Histori e parrëfyer: Është edhe një kont shqiptar që ka rrëmbyer një Helenë

June 10, 2018 16:19

Histori e parrëfyer: Është edhe një kont shqiptar që ka rrëmbyer një Helenë

Akademiku Moikom Zeqo ka shkruar sot në rubrikën e tij në gazetën DITA mbi rolin e anzhuinëve francezë në historinë mesjetare shqiptare.

Ky rol ka qenë i madh dhe veçanërisht interesante është historia e princit shqiptar Karl Topia, i shekullit XIV.

Ai ishte një fëmijë i lindur nga një baba shqiptar dhe nga një nënë anzhuine franceze.

Shkruan Zeqo në DITA:

“Historia e Karl Topisë të kujton ngjarjet e romaneve kalorsiake, ose të romanit gotik a pikaresk.

Babai i tij, konti i Durrësit, Tanush Topia, bëri një aventurë të pabesueshme. Ai rrëmbeu Helenën, vajzën e Robert I Anzhu.

Helena po vinte me një anije nga Italia sepse do të martohej, me një kontratë politike, me një princ bizantin. 

Anija ndaloi në brigjet e Durrësit. Në këtë pushim, befas Tanush Topia e pa Helenën dhe u dashurua marrëzisht me të. Por, është e vërtetë që edhe Helena u dashurua menjëherë me Tanushin. Tanushi e rrëmbeu Helenën dhe u martua me të. 

I dërguari i mbretit anzhuin në Durrës më kot e kërcënoi në emër të Robert I Anzhu, që Helena t’i bindej të atit dhe të mos e bënte këtë marrëzi. Helena nuk u bind.

Pas një viti lindi një djalë, fryt i kësaj dashurie të parrëfyer. E ëma ia vuri emrin Karli në kujtim të gjyshit të saj Karli I, mbret i Napolit dhe Sicilisë, që ishte njëkohësisht dhe vëllai i mbretit të Francës, Shën Luizit.

Mbas një viti, i ati i Helenës i bëri një ftesë Helenës dhe Tanush Topisë, që të vinin në Napoli, sepse gjoja i kishte falur dhe dëshironte të bënte një gosti të madhe për çiftin rebel.

Ai u tha atyre të merrnin me vete edhe nipin, Karl Topinë.

Në momentin e fundit Tanushi, dyshues dhe largpamës, nuk e mori Karlin me vete, hipi në një anije me gruan Helena dhe shkoi në Napoli.

Pritja paraprake qe madhështore, u organizua një gosti e paparë, por i ati i Helenës, hakmarrës deri në fund, i masakroi dhëndrin dhe të bijën në gjumë, duke bërë kështu një vepër makbethiane, të denjë për penën epokale të Shekspirit.

Karl Topia i vogël u mbajt i mbrojtur, sepse jeta e tij kërcënohej nga agjentët e mbretit francez.

Kështu u rri ky personazh i mesjetës shqiptare, nga më të fuqishmit dhe me jetë vetiake nga më të çuditshmet…”

Shkrimi i plotë mund të lexohet duke klikuar KËTU

b.m. / dita

 

June 10, 2018 16:19
Komento

3 Komente

  1. demo June 10, 19:19

    Shko mor mashtrues se le nam! Portreti lart tregon Tanush Topine,mbrojtesin e Krujes dhe jo ate qe pretendon ti. Historine e rrembimit te Helenes se Anzhuineve e kam rrefyer une me hollesi dhjete vjet me pare kur kam folur per Karl Topine,ne Konferencen kushtuar Shen Gjon Vladimirit.Nuk po te le ai macoku qe ke ne barkut.Qorolleps keta proletaret me gjys te verteta dhe me sajime,se paskan rene ne dashuri ne shikim te pare.E paska zbuluar Zeqo,,Mollotovi.O Zeqo,,jam usta i vjeter une,,nuk t`i kam treguar te gjitha! Ke edhe shume per te kopjuar nga une!

    Reply to this comment
    • salliu i saliut June 11, 06:22

      nuk e kuptoj qe nje komentues me nickun “demo” qe qenka kaq i njohur me historine te flase me fjalor kaq banal.
      .
      nese do kujtojme kohen dhjete vjet me pare per konferences kushtuar gjon vladimirit dhe diskutimin per helenen e anzhunive i bie qe “demo” te jete Fatos Salliu

      .po mire o demo aka Fatos Salliu pse ke frike te dalesh nga anonimati….dhe je bere si pushka e jevgut qe gjuan prapa ferres…
      .
      ne fakt kete moikomin ka kohe qe nuk e lexoj por dhe ti demo qenke me shume se monster qenke usta i vjeter ti !! na mbytet ju fatosat qe nga ulkonja lubonja deri te Tarifaxhinjte dhe Sallinjte

      Reply to this comment
  2. enverdjali June 14, 10:34

    O demo, po ik e meso te shkruash me pare e pastaj eja e na bej komente.

    Reply to this comment
Shiko komentet

Komento

Your e-mail address will not be published.
Required fields are marked*