Tre dokumente nga arkivat amerikane: Hitleri, kundër pushtimit të Shqipërisë

Nga Auron Tare February 21, 2016 20:11

Tre dokumente nga arkivat amerikane: Hitleri, kundër pushtimit të Shqipërisë

Ekskluzive DITA – Në Prillin e 1939, trupat ushtarake italiane pushtuan Shqipërinë, e cila pas një rezistence të shkurtër i dorëzoi armët dhe pranoi fatin e një vendi të vogël në prag të një lufte të madhe. Është folur mjaft mbi këto ditë, jo vetëm në kujtimet e një sërë protagonistësh të kohës, por edhe nga një numër historianësh që janë marrë me këtë çështje.

Agresioni italian dhe indiferenca europiane ndaj këtij pushtimi të një vendi të vogël dhe të pambrojtur nga aleancat e fuqive të mëdha, ka qenë pikë debati në shumë shkrime apo analiza historike. Në përgjithësi, të gjithë kanë rënë dakord me faktin se askush në Europë nuk ishte i interesuar të prishte balancat e vendosura në Europën e dominuar nga ngjitja marramendëse e Gjermanisë naziste dhe ëndrrat e Italisë fashiste për ndërtimin e një Perandorie të re romake.

Por me sa duket, nga botimi i disa dokumenteve që vijnë nga Arkivi i Zbulimit Ushtarak Amerikan, duket se jo të gjithë kanë qenë indiferentë ndaj pushtimit italian të Shqipërisë.

Sipas dëshmive të dhëna gjatë marrjes në pyetje nga Shërbimi i Zbulimit Ushtarak Amerikan të Gjeneral-Kolonel, Alfred Jodl, ish-Shefi i Oberkomando Wehrmacht Gjermane (Stafi Operacional i Komandës së Lartë i Forcave Ushtarake Gjermane), del se personi i cili kundërshton me forcë pushtimin e Shqipërisë nuk është askush tjetër, përveçse Hitleri.

Nga deponimet e gjata të Gjeneralit Jodl, por edhe të oficerëve të tjerë që shërbenin në Komandën e Lartë gjermane, del se Hitleri është përpjekur të ndalojë invazionin italian kundër Shqipërisë në Prill të 1939-ës.

Është mjaft interesant fakti se Hitleri është vënë përpara faktit të kryer nga Duçja, i cili sipas dëshmive historike të botuara, ishte mjaft xheloz ndaj fitoreve të ushtrisë gjermane dhe për këtë arsye pushtoi një vend të vogël që nuk mund të ofronte rezistencë efektive.

Dëshmia e Gjeneralit Jodl e marrë nga dokumentet origjinale të Zbulimit Ushtarak Amerikan, përforcon mendimin se Duçja ka vepruar në momente impulsive dhe jo sipas një plani të studiuar mirë nga ekspertë ushtarakë.

Nëse pushtimi italian do të ishte planifikuar nga Shtabi i Përgjithshëm italian, sigurisht që aleati më i ngushtë i Italisë do të kishte dijeni paraprake dhe do të përpiqej që të koordinonte këto veprime në një plan më të gjerë për Ballkanin dhe Mesdheun.

Gjenerali Jodl shprehet qartë se Hitleri ishte kundër veprimeve italiane në Ballkan, pasi në këtë mënyrë ushtria gjermane e cila po përqëndronte vëmendjen maksimale ndaj Bashkimit Sovjetik, do të shpërqëndrohej në prapavijat e saj duke e komplikuar situatën ushtarake dhe politike në një rajon, i cili nuk ishte armiqësor ndaj Gjermanisë.

Gjenerali Jodl thotë se Hitleri u mundua shumë që të ndalonte pushtimin e Shqipërisë, duke ofruar në shkëmbim një pushtim të Kretës si një ishull shumë strategjik për veprime operacionale në Mesdhe.

Po kështu, me sa duket nga këto deponime, Hitleri ka qenë kundër pushtimit të Greqisë, pasi në këtë mënyrë do të tërhiqte Britaninë në Ballkan duke e komplikuar shumë Operacionin «Barbarosa» (pushtimin e Bashkimit Sovjetik) dhe do ta vononte atë në synimet e tij për ekspansionin në Lindje.

Humbjet e turpshme të Italisë në frontin italo-grek, me sa kuptohet kanë qenë arsyet përse Gjermania u detyrua të hynte në Ballkan dhe të pushtonte në mënyrë të rrufeshme Jugosllavinë dhe Greqinë.

Gjenerali Jodl, i cili ishte në një pozicion shumë të privilegjuar për të njohur të gjitha operacionet e ushtrisë gjermane, deponon se Gjermania nuk ka pasur asnjë synim për të pushtuar Ballkanin dhe aq më tepër Shqipërinë.

Dërgimi i një divizioni këmbësorie gjermane në Shqipëri është marrë në konsideratë nga Oberkomanda e Wehrmatit për të ndihmuar frontin italian në Jug të Shqipërisë dhe Gjenerali Jodl ka dërguar vëllain e tij për të shikuar mundësinë e ndërhyrjes gjermane.

Nga raporti i Gjeneralit gjerman, kuptohet se Shqipëria nuk ishte një vend që ofronte mundësi për të dërguar një divizion gjerman dhe për këtë arsye u krye pushtimi i Greqisë nga kufiri bullgar.

Mosinteresimi i Gjermanisë ndaj një pushtimi eventual të Shqipërisë duhej të ketë qenë i vërtetë nëse marrim në konsideratë dëshminë e Gjeneralit Jodl dhe kjo e mbështet idenë e një numri nacionalistësh shqiptarë pro gjermanë, të cilët gjatë luftës pretendonin se Gjermania ishte vetëm kalimtare dhe jo pushtuese.

Megjithatë, në momentin kur trupat gjermane hynë në Shqipëri për të ruajtur rrugëkalimet dhe bregun e Adriatikut, gjërat kishin shkuar shumë larg dhe rezistenca antifashiste kishte fituar një terren mjaft të gjerë.

Megjithëse pushtimi i Shqipërisë në 1939-ën kishte hasur në rezistencën e Hitlerit, tashmë në 1943, e detyruar nga rrethanat politike dhe kapitullimi italian, ushtria gjermane hyri më në fund në një vend, për të cilin jo më shumë se katër vite më parë ishte përpjekur që ta mbante larg nga  ambiciet romantike të Duçes për krijimin e një Perandorie të re romane.

 

-1-

Dëshmia e Albert Jodle

E marrë më 30 gusht 1945 në Nuremberg, Gjermani
Nga Ora 14.30 deri më 16.45 nga Nënkolonel Thomas H.Hinkel IGD, OUSSC

Përkthyesi zyrtar Bernard Reyman

Pyetje: Çfarë e shtyu pushtimin gjerman në Ballkan?

Përgjigje: Gjermania ndërhynte për ta mbajtur Jugosllavinë sa më neutrale. Jo detyrimisht të rreshtohej me forcat e Boshtit, por të paktën të ruante neutralitetin. Me sa duket ne ishim të suksesshëm në Traktatin e Vjenës. Tashmë është i njohur fakti se disa javë pas këtij Traktati, në Beograd u rrëzua qeveria në mënyrë të dhunshme. Ky ndryshim solli në fuqi një parti, e cila ishte tërësisht antigjermane, e cila e anuloi Traktatin e Vjenës.

Pyetje: Kjo qeveri, a institucionalizoi veprime kundër Gjermanisë?

Përgjigje: Jo, ata nuk ndërmorën veprime ushtarake kundër nesh, por ata u përgatitën që të ndërmerrnin veprime antigjermane. Rrëzimi i qeverisë u bë në mars dhe veprimet ushtarake u ndërmorën midis 6 dhe 8 prillit. Po kështu, duhet të marrim në konsideratë se në tetor 1940, Italia kishte sulmuar Greqinë kundër dëshirës sonë.

Pyetje: Çfarë nënkuptoni “kundër dëshirës sonë”?

Përgjigje: Ashtu si ju thashë më parë, ky sulm nuk ishte në konceptin e Fuhrerit dhe Fuhreri kishte fluturuar në Itali për ta ndaluar këtë sulm kundër Greqisë. Ai arriti në Itali në momentin kur Duçja i tha atij se “sot në mëngjes kemi sulmuar Greqinë”.

Pyetje: Përse duhej ndërhyrja gjermane kur sulmi kundër Greqisë ishte kundër planeve të luftës gjermane?

Përgjigje: Për disa arsye. E para, ne nuk kishim asnjë qëllim armiqësor kundër Greqisë. E dyta, humanizmi dhe kultura antike greke nuk ka qenë vlerësuar askund më shumë se në Gjermani. E treta, ne mendonim se në momentin që Greqia do të ishte në luftë, ajo do të thërriste në ndihmë Anglinë, e cila do të përfshihej në Luftën Ballkanike, diçka që ne nuk e donim.

Pyetje: Përse atëherë Gjermania ndërhyri në Luftën italo-greke?

Përgjigje: Kundër dëshirës sonë, Italia e sulmoi Greqinë dhe si zakonisht italianët në vend që t’i mundnin grekët, u thyen rëndë. Në këtë moment Italia filloi të kërkojë ndihmën e Gjermanisë. Unë dërgova në Shqipëri një oficer të Vermahtit, i cili ishte vëllai im, për të parë se si dhe deri ku mund të përdoreshin trupat gjermane në avantazh kundër grekëve. Me sa u kuptua nga Raporti, e gjithë Shqipëria ishte një vend i vështirë për trupat tona këmbësore dhe ne nuk përdornim dot tanket dhe mjetet e motorizuara në malet shqiptare. Në këto momente ne nuk kishim në dispozicion asnjë Divizion Malor që mund ta përdornim atje. Ndërkohë, ndërhyrja britanike u rrit shumë dhe u kthye në rrezik. Për këtë arsye ne pyetëm Bullgarinë që të na lejonte të kalonim nga territori i tyre për të dalë në prapavijën greke.

 

-2-

KONFIDENCIALE – Ref. No. SAIC / FIR / 11
24 Korrik 1945 – BALLKANI

Vendimi për të marrë pjesë në fushatën ballkanike u mor vetëm pasi italianët demonstruan inkompetencën e tyre të plotë në Greqi. Ky operacion i italianëve nuk ishte parashikuar në asnjë prej planeve të luftës gjermane dhe italianët në asnjë rast nuk e kishin treguar qëllimin e tyre për fushatën kundër Greqisë.

Komanda e Lartë Italiane e mohoi të kishte një plan kundër Greqisë në takimin që u bë midis Mareshalit francez PETAIN dhe Hitlerit në Gusht të 1940-ës. Në këtë kohë Hitleri urdhëroi devijimin e planit të trenit të tij special, duke shkuar vetë në Firence për t›i mësuar planet e italianëve nga vetë Musolini. Ai arriti në Firence në pasditen e vonë të ditës së invazionit. Italianët e kishin sulmuar Greqinë atë mëngjes prej Shqipërisë. Vendosja përpara faktit të kryer ishte një përsëritje e sjelljes së italianëve të demonstruar në pushtimin e Shqipërisë në pranverën e 1939-ës.

Në atë kohë, delegacioni ushtarak italian i kryesuar nga Gjeneral Pariani i ndërpreu bisedimet e para ushtarake italo-gjermane në Insbruk pa dhënë asnjë shpjegim. Kur Field Mareshali Kaitel, kryetar i delegacionit gjerman mbërriti në Berlin, Gjeneralin Maras, Atasheu ushtarak italian i tha atij se Italia do të pushtonte Shqipërinë mëngjesin e ardhshëm. Hitleri menjëherë u përpoq që t›i mbushte mendjen italianëve për ta braktisur këtë operacion të pavarur dhe të planifikonin një operacion për pushtimin e ishullit të Kretës, por këto përpjekje dështuan. Disa muaj më vonë, diku rreth Krishtlindjes, doli ideja e përdorimit të trupave gjermanë në këto operacione.

Ky konkluzion doli si rezultat i vëzhgimit ushtarak të ndërmarrë nga Gjenerali gjerman ZEITZLER mbi performancën shumë të dobët të trupave italiane në kufirin shqiptaro-grek, si dhe në vëzhgimet që ai bëri në rrugëkalimet e Ballkanit dhe në malet Rodope. Sipas burimit të pyetur, Hitleri «ishte penduar shumë» për ndërhyrjen që ai bëri në Greqi, pasi ai «kishte një dashuri të madhe për kulturën greke!».

MS / T-101
Komanda e FUHRERIT

 

-3-

17 Maj 1942
OKW / WFst / Abt. L (I OP)
Numri 8 i 25 kopjeve
Nr.44.717 / 41gk / Shefat
TOP-SEKRET
DIREKTIVA Nr.29

1. Objektivat e operacioneve gjermane në Europën Juglindore: të zmbrapsi britanikët nga Ballkani, si dhe të krijojë kushtet për operacione ajrore në Lindjen e Mesdheut, si dhe të avancojë më tej nën operacionet e koduara «Merkur». Me përjashtime të shënuara më poshtë, do të jetë detyra e Italisë për të garantuar sigurinë e territoreve greke në të ardhmen. Në veçanti autoritetet gjermane duhet të jenë të kujdesshme për të mos vepruar si ndërmjetës nëse grekët e kërkojnë këtë gjë. Për shpërndarjen e materialeve, një Marrëveshje me Forcat Ushtarake italiane do të arrihet për të siguruar rrugët e shpërndarjes së tyre.

2. Si më poshtë janë detyrat e Forcave Ushtarake gjermane / Ushtria: Forcat e mëposhtme do të qëndrojnë në Greqi.

a. Ato forca që janë të nevojshme për të garantuar sigurimin e bazave të furnizimeve të Operacionit «Merkuri». Ato duhet të përqëndrohen lokalisht.

b. Një Divizion afër Selanikut. Ky Divizion duhet të mbikëqyrë Ishullin Lemnos si dhe të gjitha ishujt nën okupacionin gjerman. Megjithatë, zona dhe ishujt që do të përdoren si vende nga ku operacioni «Merkuri» do të startojë, duhen ruajtur deri sa ky operacion të mbarojë. Të gjitha forcat gjermane që nuk janë të nevojshme, sipas këtij dokumenti duhet të tërhiqen sa më shpejt të jetë e mundur. Komanda e Lartë e Forcave ushtarake italiane do të jetë në dijeni të operacionit për marrjen e Greqisë dhe duhet të komunikojë me Gjeneralin e Komandës së Divizionit të 12 për të gjitha detajet. Si Gjeneral i Komandës së Trupave në Ballkan, ai duhet ta lëvizë Komandën e tij në Selanik sapo situata e operacionit «Merkuri» ta lejojë këtë gjë. Pres që shefat e Komandave përkatëse të më raportojnë mua mbi masat e marra në lidhje me këtë Direktivë si dhe me marrëveshjet e bëra me italianët.

Firmosur
Adolf Hitler

 

*******

Botuar nga Dita, janar 2014

 

 

Nga Auron Tare February 21, 2016 20:11
Komento

54 Komente

  1. salihe bushtra January 13, 14:17

    who cares…………

    Reply to this comment
    • raimond vlonjati February 22, 05:35

      Ky fakt qe Hitleri ka kundershtuar pushtimin e Shqiperise nga Itaia fashiste dihet , Nuk eshte gje e re

      Edhe aty ky nuk thote dicka tjeter qe Gjermania naziste ne na quante vend asnjeanes igjerisht pavaresisht se trupat gjermane kishin hyre ne Shqiperi ….

      Reply to this comment
    • Gjergj February 22, 17:23

      Tamam “who cares”!
      Ai qe i ka lexuar qellimet e hitlerit e di se ne mos sot, neser do i vinte rradha Shqiperise sepse hitleri donte te gjithe Europen.

      Ai ndoshta ishte kunder pushtimit te Shqiperise NE ATE KOHE (ne 1939), sepse s’ishte e pershtatshme nga pikepamja strategjike ngaqe duhej me pare te mundte Rusine. Po ajo dihet se pasi te mundej Rusia, jo vetem Shqiperia por edhe Italia aleate e hitlerit do pushtohej. Modeli i qeversijes se hitlerit ishte sipas nje hierarkie racore ku shqiptaret edhe pse mund te dilnin siper sllaveve ishin thjesht nje aleat per momentin.

      Reply to this comment
  2. horri bulevardit2 January 13, 14:54

    nje e dhene historike me shume interes

    Reply to this comment
  3. Koli January 13, 15:48

    Lexoni revisten amerikane TIME te dates 4 Prill 1939 dhe aty do shihet se Ministri i Jashtem Britanik e keshilloi Musolinin te pushtonte Shqiperine.

    Reply to this comment
    • ALBANO January 13, 16:39

      te gjithe e dine se musolini ishte jeloz nga avancimi qe beri ushtria gjermane ne polonje ne europe::::dhe per te ekilibruar forcat fitoret e sulmoi shqiperine keshtu kujtonte se do ta mirrte lehte greqine jugosllavine :duce e beri per ti treguar botes se italia fashiste ishte me e forte se germania e hitlerit thjeshte cdo gje eshte boshe ::::hitleri e kishte planifikur ta sulmonte shqiperine me mbrapa ::::nuk na bente asnje dhurate :::sa per angline po te kishim qene koloni e anglise tani do te Ishim si tawvani me nje civilizacion qe nuk e kemi tani ::::komunistet na lane ku jemi tani ne m;;;;;;;;;;;;;t

      Reply to this comment
      • enea January 13, 17:24

        Aty ku je ti te la turqia per 500 vjet, dhe pastaj Amerika

        Reply to this comment
      • Albi February 22, 16:54

        Qe je fresk nga historia, duket edhe nga fakti i thjeshte qe Shqiperia u pushtua ne prill, kurse Polonia dhe pjesa tjeter e evropes, filloi te pushtohej ne shtator.
        Po nejse… nuk je as i pari as i fundit qe flet kodra mbas bregut ketu.
        Te pakten hap syte shkruaj ne menyre te rregullt se e keni bere shqipen pacavure….

        Reply to this comment
  4. lili January 13, 15:55

    Edhe jo rastesisht anglezet keshilluan keshtu ,kol: Churchill kishte ne plan ndarjen e Shqipnise qe para luftes se dyte…

    Reply to this comment
  5. ijs January 13, 16:00

    Z. Tare si gjithmone me vonese ne botimet e tua si dhe ne shume gjera dhe komente te tuat kur shume here bie ne sy mediokriteti i punes tende. Nese per ty kjo perben lajm per shumicen e njerzve qe dine te lexojne ne gjuhe te huaj , keto fakte qe ti sjell ketu me siper njeriu i gjen te dokumentuar nga vete Adolf Hitler ne shenimet e tij pak para vdekjes se tij, te permbledhura ne librin e tij te fundit “Testamenti politik” i Hitlerit, liber ky i perkthyer dhe ne shqip nese nuk e lexon dot ne gjermanisht, meqe je shume i dhene pas perrallave amerikano-angleze.

    Reply to this comment
    • klodi January 13, 17:34

      o plako po ti e ke lexu librin? nuk e lexon qe jane deponimet e Alfred Jodl shef i Oberkomandos gjermane per zbulimin amerikan? apo keshtu kot futja tja fusim?

      Reply to this comment
      • ijs January 13, 18:48

        Klodi po te sqaroj qe deponimet e Alfred Jodl jane vetem nje vertetim i nje dokumenti te merparshem nga dora e vete Hitlerit komandantit te pergjithshem te ushtrise gjermane!! Tani ka rendesi me te madhe deponimet e ketij te fundit para te parit qe i dhene dhe vepruar vete!

        Reply to this comment
  6. Dardan January 13, 16:07

    E çfarë pastaj? Hitleri i dashuronte shqitparët për vete dhe nuk ja linte dot italianëve? Gjejnë lloj e lloj shkrimesh per te baltosur LANÇ. Ate qe bejne disa studjues dhe gazetare shqiptare me historine e Shqiperise, ne vendet e Evropes Perndimore, në se do ta bënin gazetarët dhe studjuesit me historinë e tyre, shteti i vet do tua shkulte koqet dhe do tua rraste ne bark nëpërmjet zorrës së trashë.

    Reply to this comment
  7. enea January 13, 17:25

    Ajo qe me shqeteson me shume jane ca trapa shqiptare qe asociohen me Hitlerin dhe nazizimin duke aluduar qe ne paskesh qene rrace e zgjedhur…….pfffffffffffffffff

    Reply to this comment
  8. Vëzhguesi F. January 13, 17:36

    Broçkulla naivesh dhe jo vetem mediokritet!
    Perse duhet kaq shume besuar, pallavrave te nje krimineli nazist qe mbron me pathos idhullin e tij edhe pas fundit te turpshem dhe tragjik te tij dhe asaj çka pwrfaqsonte ai?!
    Po pse çfare pritet te publikojne ata qe edhe kur ishin para pushkatimit leshonin thirrjen karakteristike dhe histeriko-kafsherore “Hajt hitler!”
    Çfare pritet nga misionaret angleze prane ushtrise nacional çlirimtare, qe me teper kerkonin dhe punonin ta sabotonin se ta ndihmonin ate, duke ndihmuar drejtprdrejte bashkepunetoret e nazizmit, perfaqesuesit e organizatave kolaboracioniste?
    Jo!
    Publikimi i paçavureve te tilla eshte perversitet historik dhe nje shumezim me zero te personalitetit te atij qe i konsideron si vlera historike.
    Asnje lloj “argumenit'” i perafqesuesve te nazizmit nuk mund te zbeh vlerat e luftes nacional çlirimtare te popullit shqiptar.
    Nazizmi gjerman, si dhe fashizmi italian erdhen ne Shqiperi si pushtues dhe mbeten armiqte me te urryer te ketij populli, sikunder mbeten miq te atyre qe u sherbyen ne krimet e tyre te vrasjeve, djegieve dhe shkaterimeve te ketij vendi.
    Ky material i Auron Tares, ne kete vit jubilar te çlirimit, ka nje ngjashmeri me trillimet shpifese te nje fare Shmidi per perdhosjen e simbolit kombetar shqiptar Gjergj Kastriot Skenderbeu!
    Keta jane sherbime te llojit nastradinesk, ne interes te neonazisteve dhe pinjolleve te bashkepunetoreve te forcave nazifashiste., per te sfumuar luften titanike te popullit shqiptar per shporrjen e bishes nazifashiste.

    Reply to this comment
    • DREAM January 13, 17:53

      Oooooo ,gazeta Dita ,ju lutem shume ,mos me publikoni ksoj materialesh se do ma beni me zemer Veshguesin …{nejse pak zemer do i duhej }
      Lereni kte djalin e partizanit dhe nipin e deshmorit te nanuritet me perrallen e heroit qe ka mundur Hitlerin ..nuk di cfare ndodhi me pas me kta ‘heronjte” qe dhe bar hengren po te bunkeri ngelen …kjo e ktij ‘armikut hitler’ nuk e di pse u be fuqia e 3 ne bote .
      Auron …armik i kllases je dhe ti .

      Veshguesi ,mos mu pergjigj …deri te semafori arrin ti ,po une te dua shum do te foli perseri .

      Reply to this comment
      • Vëzhguesi F. January 13, 18:14

        Hahahahaha! Sa i ngjan qenushes time, qe me ngordhi para pak kohesh. Ajo me “zinte prite”, sa here qe une nuk doja ta shetisja. Ndersa ti, pardon ju, pergjoni rastin kur une them ndonje mendim si lexues. Eshte e drejta ime apo ke ndonje kundershtim,” shoqja” mesuese e Patosit?!
        Nejse… Mos ma deformo nick-un, se ky eshte pelqimi im! Dhe mos u merzit se virtualisht jemi te dy. Populli thote; po hodhe do te presesh. Dhe mua nuk para me pelqejne shume ato qe leshoj ne adresen tende, se nuk besoj se as ke qene dhe as je e tille, por jam i detyruar qe kokes apo mendimit virutal t’i veje fesen qe kerkon.
        Dhe meqenese ra (…jo nje mort dhe u pame) por fjala, dua te bej nje kompliment (nuk ka rendesi pranimi) per komentin tuaj per problemet e naftes ne patos-marinez.

        Reply to this comment
        • DREAM January 13, 20:51

          Si si ,cfareeeeeee????
          Mesuese e Patosit ???
          hahahahahahhaahhahahahaahah ,me mire te me kishe quajtur komuniste .Per tu ber mesuese ne Patos duhet te kalosh nga semafori i LSI …hahahahahahahhaahahahah.
          Nuk eshte se pergjoj ,kam kujtime te keqija nga pergjimet
          por me pelqen te …vezhgoj lirine nganjeher {banale} te mendimit …sepse natyrisht eshte e drejta juaj te mendoni …por derisa me kte nuk cenoni lirine time .
          FLM per komplimentin {sikur mos te me lexonit si ‘kolaboracioniste” do ju pelqeja me shume …se qeni
          KLM Vezhgues .

          Reply to this comment
      • ijs January 13, 19:03

        Dream- djali ballistit brenda konteksit te luftes globale Lufta nacionalclrimitare ishte nje arritje madhore e popullit tone dhe ska rendesi fare, se ne cilin krah eshte fitorja e nje lufte kunder nje okupatori, prandaj mos bej ketu injorantin e shekullit 21 por vlereso sic vlereson cdo popull si gjene me te shtrenje te ka lirine e tij kombetare, ku merr persiper vete fatin e tij si komb i pergjegjshem dhe mos u struk pas teorove famekeqe pushtues i mire, pushtues i keq, qe njeriu injorant i prodhon me shumice ne albanistanin e sotem per mungese patriotizmi qe con dhe degradimin e shtetit sic coj levizja jote me dy gishta perpjete pas 1990.

        Reply to this comment
      • Pellazgu January 14, 15:04

        Zonja a zonjusha e nderuar DREAM, a kemi folur gjë bashkë përpara se të publikoje komentin? Jam xheloz që ma ke zënë radhën!

        Reply to this comment
    • ijs January 13, 18:45

      I nderuar Komentuesi Vezhguesi F. Ke shume te drejte ne komentin tend por duhet te hap ketu nje paranteze nga e cila ndoshta nuk je i informuar mire, pasi historia e luftes se dyte boterore nuk eshte bardhe dhe zi sic na ka ushqyer propaganda komuniste dhe cifuto-kapitaliste….
      Si njeri qe jetoj prej 23 vite ne gjermani ,ku kam mbaruar studimet, mund tju propozoj ju si njeri me kapacatitet shume te larte, dicka e rralle ne albanistanin e sotem ( Kjo jo per tju bere qefin Ju por se vertete racionaliteti yt dhe pse duke jetuar ne ate ambjent kaq injorant konkuron sot cdo akademik ne gjermani, mos harro se gjermanet jane nje komb i mbinatyrshem ne fushen e racionalitetit) ,
      qe ka ardhe koha qe te marre fund propaganda cifute-anglo-amerikane per luften e dyte boterore duke mashtruar kombet dhe duka na u hequr si humane dhe liridashes kur ne fakt Lfta e dyte boterore ishte lufte per hegjemoni boterore midis kapitalit cifut qe ka kapur boten prej zvergu me dinastine e saj financiare duke i kthyer popujt anglishtfolese dhe kolnite e tyre ne mish per top per te ruajtur hegjemonine e tyre botetore dhe ekspancionit gjerman qe kerkonte tregje dhe nje ndarje te re te pasurise boterore, kerkese kjo legjitime kur mendon zhvillim e gjermanise pas luftes se dyte boterore. Te uroj te lexosh librin e Hitlerit i shkruar ne ditet e fundit te tij ku i ben nje analize konjukturave globale te kohes. “Testamenti politik” i Hitlerit dhe mesa di une e ke te perkthyer dhe ne shqip. Me nderime!

      Reply to this comment
      • Tartufi January 13, 23:13

        ijs pershendetjet i mia, per komentin.
        Armiqte e popullit tone jane vetem Angloamerikanet me lojrat e tyre
        te ndyra me vite te tera.Loja me e ndyre e tyre ka qene vendosija
        e pederastit Gjirokastrit per te kryer misionet e tyre te ndyra.
        Loja ne vazhdim pas lojes se pederastit eshte loja e demokracise
        me vendosjen e nje qelbesire te dyte shqiptari nga veriu,per ta
        deformuar dhe ndyre kete demokraci.Keta armiq e mbeshteten dhe
        do ta vazhdojne ta mbeshtesin kete anti demokrat,vetem dhe vetem
        per detyrat e tyre.

        Reply to this comment
      • anticensurë 25642654 February 22, 10:05

        ijs,
        hajl hitler sa për fillim!!
        për ta vazhduar dhe më tutje po të them se tërë ajo që i ke shkruar vëzhguesit duke sharë shqiptarët,besoj se ke parasysh veten tënde!!
        injorancën tënde po e vë në shërbim të një teorie që jo vetëm ishte e gabuar por dhe vrastare në maksimum!një teori që vrasjen,shfarosjen e industrializoi!
        mor debil i arsimuar por pa pikë zgjuarsie,mos harro se ajo pjesë që ti quan “racionale” në popullsinë gjermane,në radhë të parë të konsideron ty si pjesë e konvejerit të industrisë shfarrosëse!!në radhë të dytë vetë në gjermani është një minoritet!
        mor gomar i lindur jo vetëm me samar por dhe me ngarkesë në kurriz,si mund të thuash se ajo që ka bërë shfarrosësi më i madh i njerzimit ka qënë racionale??
        njerëz si ti të bëjnë të urresh rracën njërzore!!
        si e njeh ti gjermaninë e njoh dhe unë!por të them të kundërtën e asaj që thua ti!!ata janë me të vërtetë racional që anojnë nga autizmi,por në të njëjtën kohë ky racionalitet i ka mësuar se ajo që ndodhi në LIIB ishte një çmënduri,një katastrofë si për ta dhe për të tjerët!!falë zëmërgjërsisë së atyre që ti i quan mashtrues e çifuto-kapitalistë ata nuk u shfarosën si popull!!sepse po të shkojmë me racionalitetin që ti pretendon,ata,gjermanët pas tre luftërave shfarrosëse që nisën,nuk duhej të egzistonin më!!duheshin shpërbërë për të parandaluar një katastrofë të katërt!!por u bë e kundërta!nga të gjithë kundërshtarët e tyre nuk u përdor racionaliteti,por u mendua me zëmër!!ata u ndihmuan dhe sot kemi rezultatet e racionalitetit të tyre dhe humanizmit të të tjerëve!!kemi një gjermani ku “racionalët”që të kanë adoptuar ty janë në një pakicë tmerrësisht të vogël!!
        kjo që shkruan ti është thjeshtë vërtetimi i asaj se hitleri dhe çmënduria e tij nuk ishte diçka që i përkiste një populli!!ajo është një çmënduri universale që prek gjithkënd në këtë planet!!që nga veriu në jug e nga lidja në perëndim!!

        Reply to this comment
  9. Mark uk January 13, 18:02

    Tare:Na je bere si zeri i popullit dikur.Llogjikisht te ishte kunder,pse hitleri e pushtoj Shqiperin ne shtator te vitit 1943.Prap do na kujtosh ata qe i ben te zezen vendit per 50 vjet e vazhdojn tu shifet.Vertet partizant e fituan luften se ishin ma te organizuar.Po gjithmon vendin e shkatrrojn fitimtart.

    Reply to this comment
  10. Dike Mullai thote- January 13, 19:23

    Ne Harten e EUROPES dallohen Dy Qytete-Shtet:-LIHTENSHTIN dhe LUKSENBURG! A mund te ishte dhe SHQIPERIA? Cuditem kur shoh shkrime te tilla (?!) Ne vend te shohim UJKUN- na tregohen GJURMET! Me 9 Maj 1945 me ngritjen e Flamurit Sovjetik mbi Raishtag-BERLIN u shenua FUNDI i Luftes se DYTE Boterore:- BRSS-ANGLI-SHBA Vulosen FITOREN ndaj Boshtit ROME-BERLIN-TOKIO! Ne Konferencen e PAQES ne Paris DEKLAROI:-“Kemi ardhur ketu JO te japim Llogari, por TE KERKOJME Llogari! Ushtria Nac.Clirimtare gjate 5 Viteve (7 Prill ’39- 29 Nentor ’44) u Organizua, Luftoi dhe Arriti CLIRIMIN e Shqiperise! RPSh u RADHIT ne Anen e Vendeve FITUESE te Luftes se DYTE Boterore! Shkrime te tilla (‘Germo Tare, germo…) C’orientojne lexuesit, gje qe bie ne sy nga komentet…”Roma per Toma…”

    Reply to this comment
  11. tol francezi it January 14, 00:09

    historine e bejne FITIMTARET dhe jo humbesit

    Reply to this comment
  12. ali January 14, 00:52

    Kjo dihej qe Hitleri e kritikoi Musolinin per ”pushtimin,, e nje vendi qe s’ia vlente te mburreshe
    Musolini ! Ai kerkonte qe ky Musolini te sulmonte vende me peshe dhe jo nje vend ‘te kote,,
    si Shqiperia . Me nje fjale Hitleri e thote me perbuzje per shqiptaet. Ai nuk e imagjinonte se
    keta shqiptare, partizanet tane heroike do luftonin dhe do te benin ate qe ushtaret gjermane
    te linin ne token shqiptare. Une i kuptoj ata qe i paraqitin si dicka te ”re,, apo ”zbulim” te
    shtypit aktuar, sic ndodhi edhe me platformen e Cubrilovicit qe u botue si ”zbulim” ishtypit
    tane para 7-8 vjetesh, nderkohe qe kjo platforme eshte botuar eperkthyer ne shume gjuhe
    te botes qe nga viti 1981 !

    Reply to this comment
  13. Bardhi Tolabi January 15, 00:53

    Dokumentat jane dokumenta dhe ato duhen njohur.Se cfare kane dashur te tregojne keto dokumenta duhet lexuar me kujdes ato,duhen mbajtur parasysh se kush i ka shkruar,rrethanat e kohes,dhe cfare fshihet mbas rrjeshtave te tyre.Kete pune me mire se kushdo e bejne historiane te vertete,te papolitizuar dhe me nje pervoje te madhe studimore.Ne komentuesit “kruajme” dhembet me keto dokumenta dhe i mbrojme apo i shajme sipas bindjeve tona dhe jo nen nje analize te vertete historike dhe realiste.Edhe keto dokumenta qe paraqiten,si nga “Testamenti politik” i vete Hitlerit dhe ky i Auron Tares,sipas deponimeve te oficerit te larte gjerman Jodl,jane dokumente reale.Lidhur me problemin qe trajtojne te dy dokumentet se Hitleri nuk paska qene dakort me pushtimin e Shqiperise nga Italia,nuk ka asnje aresye te kembengulet per t’a kundershtuar.Pse?
    Sipas mendimit tim,kushdo qe i ka vene vehtes te kryeje nje lufte ka dhe qellimin e tij te afert dhe te larget,perfundimtarin.Hitleri,per te realizuar sundimin boteror,kish nje plan se si dhe kur duhet te godiste,mundete dhe pushtonte nje vend te caktuar.Te gjithe e pranojne se asnjeforce politike dhe ushtarake,nuk eshte e afte te luftoje me te gjithe ne te gjitha drejtimet dhe ne te njejten kohe.E kur e dime ne kete e dinte me mire se ne dhe Hitleri.Ai nuk e nisi luften me te gjithe dhe ne te njejten dite.Rradhen e kishin me te fuqishmit dhe me pushtimin e tyre rradha do ju vinte dhe te dobteve,sic ishin shtetet e Ballkanit.Ne lufte krijohen dhe aleanca,por keto jane gjithmone te ndertuara me interesa dhe jo parimore.Te tilla jane dhe aleancat e lidhura gjate luftes se dyte boterore.Nga njera ane Boshti Rome-Berlin-Tokio dhe Aleanca Anglo-Sovjeto-Amerikane.Njera aleance synonte pushtiomin e botes dhe tjetra,shpetimin e saj nga murtaja nazi-fashiste.Kur te mbaronte lufta,atehere do te shihej se sa te mbeshtetura ne parime te perbashketa ishin te lidhura keto aleanca.Kam bindjen se ne se do kish fituar Hitleri,mbas kesaj lufte,rradhen per tu pushtuar nga Hitleri do e kish edhe Japonia dhe Italia dhe jo me Ballkani.Pervoja e mbas luftes se dyte boterore e tregoj se dhe aleanca Anglo-Sovjeto-Amerikane,nuk ishte e sinqerte me popujt qe luftuan perkrah saj.Ne konferencat e zhvilluara nga tre te medhenjte e kesaj aleance nuk u zbatua konkretisht deklarata e Atlantikut per zbatimin e parimit te vetvendosjes dhe rasti i Shqiperise e verteton kete qe themKur nuk na mbrojten aleatet si ak mundesi te na mbronte Hitleri?Hitlerit i duheshin forcat e Italise te neneshtronte Bashkimin Sovjetik dhe pastaj e dinte ai se kujt do i vinte rradha.Edhe Shqiperise do i vinte padyshim,por kur te ishte i gatshem Hitleri dhe jo kur t’a donte Musolini.Gjithmone sipas meje Hitleri kerkonte te harxhonte forcat e Italise dhe Japonise dhe pastaj dinte ai si te vepronte.Pra,perfundimisht sipas meje,Hitleri nuk ishte per te mos u pushtuar Shqiperia,sepse perse ju desh mbas kapitullimit te Italise u sul si rrufe dhe e pushtoj ate?Ja kjo eshte sipas meje aresyeja e “kundershtimit” te Hitlerit lidhur me pushtimin e Shqiperise nga Itlaia e Musolinit.Persa i takon asaj qe shkruan dikush se paska qene nje lufte e kapitalit anglo-amerikan( qe perfaqesonte kapitalin cifut), kunder kapitalit gjerman qe luftonte ka[pitalin cifut,me duket se eshte perseri nje sajese e kohes se sotme.Si eshte e mundur qe kete lufte per keto qellime bene bashke,komunistet(qe ishin kunder cdo kapitali edhe atij cifut) me kapitalistet anglo-amerikane?Te gjitha keto jane per te justifikuar qendrimet e paleve te interesuar ne kohen e luftes se dyte boterore.Pamvaresisht nga keto,Lufta NaCl.na rrjeshtoj ne anen e fitimtareve dhe per rrjedhoje na shpetoj nga coptimi perfundimtar,sepse mbas kesaj lufte nuk ju vendos drejtesia e neperkembur me Konferencen e Londres.

    Reply to this comment
  14. Ardi February 1, 17:27

    Që trupat gjermane ishin kalimtare kjo dihej nga të gjithë, përfshi dhe Komunistët dhe kjo nuk donte shumë mënd për tu kuptuar. Ushtria gjermane e kishte humbur tashmë davanë dhe ishte e qartë që nuk kishte më kthim mbrapa.

    Edhe pse teknikisht quhet pushtuese, arsyeja pse ushtria gjermane u godit nga UNÇSH ishte sepse tashmë ngjarjet kishin marrë rrjedhën e tyre. Në një kohë kur në teatrin botëror po zhvilloheshin ngjarje kaq të rëndësishme dhe lufta antifashiste ishite në kulmin e saj, një forcë ushtarake kaq aktive, e ngritur në këmbë me mund e me sakrifica, nuk mund të rrinte e të bënte sehir tani që kushtet ishin më të favorshme.

    Çdo udhëheqës apo komandant e di që kur ke një forcë aktive në këmbë, atë duhet ta shfrytëzosh me çdo kusht, se përndryshe vijnë të tjerët e ti vendosin rregullat në shtëpinë tënde. Për më tepër, sa më i fortë të jetë kundërshtari, aq më i lartë prestigji yt.

    Goditja e ushtrisë gjermane nuk ka qenë asnjëherë një vendim i bazuar në patriotizëm idiotesk. Përkundrazi, ka qenë një veprim strategjik i menduar mirë, sepse udhëheqësit e LANÇ e dinin mirë se kur të mbaronte lufta dhe Aleatët do të mblidheshin, siç u mblodhën në konferencën e Parisit, do duhej që të ngrihej zëri fort dhe që tua ngrije zërin superfuqive do duhej që të kishe këllqe, ndryshe nga të ashtuquajturit “Nacionalistë”, të cilët nuk kishin as mundësi e as dëshirë që të kishin ndonjë ndikim në rrjedhën e ngjarjeve përveçse si shërbëtorë të më të fortit.

    Reply to this comment
    • Gjergj February 21, 23:48

      Trupat gjermane nuk ishin kalimtare sepse Gjermania donte te udhehiqte gjithe Europen. Megjithate pajtohem me ty se shumica e luftes ne Shqiperi ka ndodhur ne vitet 43-44, pas disfates se Hitlerit ne Stalingrad dhe pasi u be e qarte se Gjermania mund te mundej. Udheheqja nuk mund te angazhohej thelle ne lufte pa ditur se si do perfundonte, sepse fatet e lufterave boterore kurre nuk vendosen nga vendet e vogla.

      Partizanet moren me shume perkrahje nga populli jo sepse ishin me patriote se ballistet po sepse ishin struktura me e organizuar dhe me vizion qe donte te merrte ne dore fatet e popullit. Shqiptaret bejne gabim qe merren me etiketime “tradhetar” etj. ne vend qe te analizojne me mendje te kthjellet.

      Reply to this comment
  15. intelektuali February 21, 23:58

    PO C’A THU O AURON DJAli?

    sepse:

    Hitlerit i plaste per Shqypnine aq sa i plaste Stalinit dhe Ruzvelit dhe Curcillit sa qe e harruan fare vendin tone kur ndane Boten ne Jalte pas Lufte dhe nuk u kujtuan me derisa Enveri i shkoi Stalinit ne Moske per audience dhe kur ai e pa me buzet e lyera si femer dhe me qimet e trupit te ruara me brisk i tha spiunit te tij besnik Berja:

    KUSH ESHTE KY BUKUROSH KOKEBOSH?

    Berja shpejte ja ktheu:

    “Eshte lideri i Shqypnise ne Ballkan qe ka zbuluar komplotin e Titos me Dimitrovin e Bullgarise per Federaten Ballkanike”

    Vetem atehere Stalini e pranoi ne audience, por i tha me pare te hiqte kozmetiken e femres nga fytyra pasi nuk e honepse dot.

    por edhe sepse:

    Kur e pyeten Bush Junjorin e SHBA se do te bente nje vizite ne Shqypni ai pyeti:

    “Ne cilen ane te Afrikes ndodhet ky vend? Ne ate lindore apo ne anen perendimore?”

    por edhe sepse:

    Kur John Kerry po kerkonte si cifuti ne shkretetire te gjente nje vend ku te conte LHL- e llahtarshme te Asadit, keshilltaret e tij i thane:

    “NE BALLKAN GJENDET NJE VEND ME NJE FIS ENVERISTASH ZULU QE NUK HANE PYKA AS NGA ARMET KIMIKE DHE AS NGA GRIPI I PULAVE APO I DERRIT, ME NJE KLASE POLITIKE QE PER DY ASPRA SHET EDHE NENEN E VET, PRANDAJ SHQYPNIA ESHTE VENDI ME I PERSHTATSHEM.”

    Vazhdimin e kesaj historie e kemi pare vete: Enveristat u bene filoamerikane menjehere dhe i thane John Kerry-it:

    BUJRUM!

    Dhe Vatanin ja lane per ta mbrojtur Viktimave te Enverit qe i vrane dhe i masakruan vetem pse e donin Shqypnine si SHBA.

    Reply to this comment
    • mano mano February 22, 04:28

      O ” Intelektual ” Koqja ! Kaq thelle ta paska futur ty Enveri saqe ke 26 vjet qe leh dhe do te shkosh ne boten tjeter duke lehur. Prania jote e vazhdueshme me komente te semuresh psikike nuk ben tjeter vecse na shton bindjen se enveri ua ka bere mire disa pleherave si puna jote. Ju s’kini qene viktima te Enverit por viktima te karakterit tuaj te deformuar dhe nuk kini dashur Shqiperine si Amerika por e kini dashur Shqiperine per ta shfrytezuar sic bene paraardhesit tuaj.

      Reply to this comment
      • intelektuali February 22, 10:43

        Jam duke pire kafen ne veranden e shtepise se nipit tim ne Palos Verdes, LA California nese ja ke degjuar emerin dhe shikoj poshte meje oqeanin plot me serfiste, por edhe plot me rreziqe, sepse para nje jave nje peshkaqen i bardhe qe peshonte tre ton sulmoi dhe kollofiti dy prej tyre dhe plagosi disa serfiste te tjere papritur dhe pa asnje shkak.

        Menjehere me shkoi ne mendje sikur te merrja ca enverista dhe t’i hidhja poshte ne gji direkt te peshkaqenet e bardhe qe gelojne ne ujrat e Oqeanit te Qete ne kete gji plot me delfine dhe foka dhe prandaj edhe sulmojne serfistet cfare do te ndodhte kur peshkaqenet e Plaos Verdes do te shikonin ne det enveristet nga Shqypnia bashke me fokat, delfinet dhe serfistet amerikane? E sigurt eshte qe Shqypnia do te shpetonte nga nje race e poshter dhe e felliqur kriminelash fanatike, por nuk eshte e sigurt se peshkaqenet e Palos Verdes nga California nuk do te sulmonin keta xhelate te enverit sepse do te nuhasnin eren e tyre te qelbur te vrastarit fanatik.

        Reply to this comment
    • anticensurë 25642654 February 22, 10:07

      or debi o rrotë karit,o nastradin o koqe e gomarit!!
      po të jesh kaq idiot i ndyrë sa të dhjesësh mbi kokën tënde sepse urren një njeri?
      shko mor hale e qelbur!!!!!!
      mor çmënduri që as rtu nuk duhet të kesh se sa pe¨r mëndje nuk bëhet fjalë!

      Reply to this comment
  16. # February 22, 00:03

    Aka lane ndonji fraze per kete problem i ndjeri Kristo Frasheri.
    Ne prag te ikjes dhe te clirimit te vendit nga pushtuesit.Gjermanet futen ne grope per se gjalli dy italian ne Shkoder pse prene telat qe do jipnin butonit per te hedhur gjithe Shkodren ne ere.
    Ma gjate jeni ju kopetent e specialista qe e rrotulloni historine si t’iu vije per mbare.Thuese po tiganisni peshk.

    Reply to this comment
  17. Arber February 22, 01:48

    Bravo Dita, nje gazete politiko-ekonomike, informuese dhe argetuese, analitike dhe shkencore; per te gjith shtresat dhe moshat!

    Reply to this comment
  18. anticensurë 25642654 February 22, 08:30

    me sa kam parasysh unë kanë qënë italianët që kanë pushtuar shqipërinë të parët dhe jo gjermanët poloninë!!
    kështu që musolini skishte se si të ishte xheloz për atë që gjermania nuk kishte bërë akoma!!shqipëria është pushtuar 5 muaj para se të sulmohej polonia!!

    “Për këtë arsye ne pyetëm Bullgarinë që të na lejonte të kalonim nga territori i tyre për të dalë në prapavijën greke.”a kanë gërkët ligj lufte me bullgarinë si e kanë me ne??
    në këtë shkrim dhe në këto dokumente nuk shikoj asnjë arsye për të thënë se po kërkohet të zbehet lufta nacional çlirimtare!!ka dashur a ska dashur hitleri të sulmojë shqipërinë a greqinë nuk ka asnjë lidhje me luftën që u bë si në shqipëri ashtu dhe në greqi!!në fund të fundit ato u sulmuan dhe u pushtuan!!për pasojë patëm luftërat nacional çlirimtare të të dy popujve!!po ashtu patëm dhe bashkpuntorët e pushtuesit!!po të mos ishim pushtuar ndoshta nuk do të kishim qëndruar neutral dhe nuk do të kishim,të paktën tradhëtarë!!
    një variant tjetër është ai që e quan pushtimin gjerman vetëm si një kalim turistik!!dhe kjo nuk ja zbeh vlerat luftës nac-çlir!!në atë kohë ne ishim reshtuar në radhën e shteteve që luftonim nazifashizmin dhe ishte detyra jonë ta luftonim atë dhe jashtë teritorit shqiptar!!ashtu si e luftoi BRSS,britania,USA,kanada e kështu me rradhë!!kjo ishte një nga arsyet e ndjekjes së gjermanit deri në vishegrad!!
    që pinjollët e pjerdhur në tru të bashkpuntorëve të nazi-fashizmit hanë mut për çdo rast dhe e dredhin bithën më keq se një kurvë në afsh,kjo nuk ka nevojë të na bëjë të fillojmë e të flasim përçart!!
    kishte a skishte dëshirë hitleri!?
    e bëri për xhelozi a i rrëshikiti këmba duçes!?
    kujt i plasi se çfarë arsyesh patën pushtuesit??
    për ne qëndrojnë faktet:
    -u pushtuam!
    -u tradhëtuam!
    -u çliruam!!
    që do të thotë se patëm tre forca në teren:
    -pushtuesit!
    -bashkpuntorët vëndas të tyre!
    -çlirimtarët!
    që të tre këto forca kanë pasur interesat e tyre:
    -shfrytëzimin ekonomik të vëndit!
    -mbrojtjen e interesave përsonale dhe rritjen e përfitimit material!
    -çlirimin e vëndit!
    që të tre këto forca vlersohen:
    -grabitqar që skllavëron një popull për interesat e vetes dhe shtetit të tij!
    -tradhëtar i popullit të vetë dhe shëbëtor i të huajit!
    -çlirimtar vetflijues për lirinë e interesat e vëndit të tije!!
    si i pari dhe i fundit kanë të njëjtat interesa me kahe të kundërta!!
    nëse pushtuesit mund ti japim një farë të drejte!?çlirimtarin nuk mund ta gjykojmë asnjëherë!!
    kurse tradhëtia nuk justifikohet ASNJËHERË!!

    Reply to this comment
  19. anticensurë 25642654 February 22, 10:08

    “Për këtë arsye ne pyetëm Bullgarinë që të na lejonte të kalonim nga territori i tyre për të dalë në prapavijën greke.”a kanë gërkët ligj lufte me bullgarinë si e kanë me ne??
    në këtë shkrim dhe në këto dokumente nuk shikoj asnjë arsye për të thënë se po kërkohet të zbehet lufta nacional çlirimtare!!ka dashur a ska dashur hitleri të sulmojë shqipërinë a greqinë nuk ka asnjë lidhje me luftën që u bë si në shqipëri ashtu dhe në greqi!!në fund të fundit ato u sulmuan dhe u pushtuan!!për pasojë patëm luftërat nacional çlirimtare të të dy popujve!!po ashtu patëm dhe bashkpuntorët e pushtuesit!!po të mos ishim pushtuar ndoshta nuk do të kishim qëndruar neutral dhe nuk do të kishim,të paktën tradhëtarë!!
    një variant tjetër është ai që e quan pushtimin gjerman vetëm si një kalim turistik!!dhe kjo nuk ja zbeh vlerat luftës nac-çlir!!në atë kohë ne ishim reshtuar në radhën e shteteve që luftonim nazifashizmin dhe ishte detyra jonë ta luftonim atë dhe jashtë teritorit shqiptar!!ashtu si e luftoi BRSS,britania,USA,kanada e kështu me rradhë!!kjo ishte një nga arsyet e ndjekjes së gjermanit deri në vishegrad!!
    që pinjollët e pjerdhur në tru të bashkpuntorëve të nazi-fashizmit hanë mut për çdo rast dhe e dredhin bithën më keq se një kurvë në afsh,kjo nuk ka nevojë të na bëjë të fillojmë e të flasim përçart!!
    kishte a skishte dëshirë hitleri!?
    e bëri për xhelozi a i rrëshikiti këmba duçes!?
    kujt i plasi se çfarë arsyesh patën pushtuesit??
    për ne qëndrojnë faktet:
    -u pushtuam!
    -u tradhëtuam!
    -u çliruam!!
    që do të thotë se patëm tre forca në teren:
    -pushtuesit!
    -bashkpuntorët vëndas të tyre!
    -çlirimtarët!
    që të tre këto forca kanë pasur interesat e tyre:
    -shfrytëzimin ekonomik të vëndit!
    -mbrojtjen e interesave përsonale dhe rritjen e përfitimit material!
    -çlirimin e vëndit!
    që të tre këto forca vlersohen:
    -grabitqar që skllavëron një popull për interesat e vetes dhe shtetit të tij!
    -tradhëtar i popullit të vetë dhe shëbëtor i të huajit!
    -çlirimtar vetflijues për lirinë e interesat e vëndit të tije!!
    si i pari dhe i fundit kanë të njëjtat interesa me kahe të kundërta!!
    nëse pushtuesit mund ti japim një farë të drejte!?çlirimtarin nuk mund ta gjykojmë asnjëherë!!
    kurse tradhëtia nuk justifikohet ASNJËHERË!!

    Reply to this comment
  20. in memoriam February 22, 11:12

    Shkrim qe i ben nder gazetes Dita, sepse gazeta tjera kane frike ta botojne. Alfred Jodl tregon nje te vertete te plote. Shteti i Rajhut si shtet rracor arian kishte simpati per rracen ariane ne Ballkan, shqiptaret. Njihte Shqiperine e Madhe sipas parimit Nje komb, Nje gjuhe, Nje shtet. Shkrim i shkelqyer.

    Reply to this comment
    • intelektuali February 22, 14:11

      PO C’A THU MO SHOKU?

      Sepse po te kishte pare krimineli i Nyrembergut, Jodli yt komunistat turkofage, shkurtabiqe dhe kembeshtrember te Mehmetit nga Mallakastra dhe cubat bashikobozuke, bashkefshatare te Babe Myslymit do ta nderronte mendjen per racen (jo rracen) shqyptare dhe do t’i dergonte me vrap ne ndonje kamp perqendrimi direkt tek dhomat e gazit per te shpetuar racen ariane nga infektimi.

      por:

      po te kete takuar Enver Bukuroshin me tule dhe me faqe si molla ne dege ne vilen e kunatit te tij, kryefashist Bahri Omari, mbase atehere Jodli i Hitlerit mund te jete genjyer dhe te kete menduar se shqyptaret jane si gjermanet dhe per kete arsye ndofta Hitleri nuk e ka dashur pushtimin e Shqypnise.

      Reply to this comment
      • anticensurë 25642654 February 22, 15:35

        unë nuk e di përse të lënë jasht çmendinës o gomar i nastradinit??
        mirë e kanë ata të PD që nuk pranojnë të ndërtohet kopështi ilojërave tek liqeni!!ato pare duhet të shfrytëzohen për psikiatrinë!
        duhet të të fusin ty dhe saliun!!si krye të çmëndurit e shqipërisë

        Reply to this comment
      • Zogist NGA shenaumi February 22, 19:37

        Kumandari yne Legist
        Nasruddini
        U be antikomunist
        Sepse Enveri
        I mori xhupin e meshinit
        Ngjure te zeze
        Ate qe i dhuroje
        Ambasada Inglizit
        Per sherbimet
        Jashte orarit zyrtar
        Qe kumandari in e punonte
        PA u lodhur ne sherbim te te gjithe
        Atyre se e paguanin ne dore
        O nen d’ore.
        Shqiperia nuk e paguante nastradinin.

        Reply to this comment
  21. Ylli February 22, 13:43

    Artikull interesant dhe bindes. Auron Tare tregohet perhere i kujdesshem ne ato fakte qe mbledh, jane kuriozitet per njerezit.

    Reply to this comment
  22. qytetari B February 22, 14:36

    E shikoj dhe nga komentet qe seicili shkruan sipas pikpamjes se tij dhe interesit politik sot. Por une pyes: A ka pasur ushtare gjermane ne Shqiperi? A kane vrare gjermanet popullsi civile ne Shqiperi? Po Borova e Korçes apo Vranishti i Vlores jane te verteta apo fantazime te komunisteve shqiptare dhe forcave partizane? Ne qoftese Hitleri s’ka dashur te pushtonte Shqiperine, pse vrau e preu deri tek femijet ne bark te nenes? Me sa di une se s’marr vesh nga ushtria dhe pushtimet, por thuhet qe: atje ku shkel kemba e kembesorit ushtar, ai vend eshte i pushtuar! A ka shkele çizmja gjermane ne Shqiperi? Po ç’jane keto broçkulla qe shkruani e enderroni. Tani ngeli qe te mbyllim dhe syte persegjalli qe te na genjejne si duan batakçinjte. Por Jo, Gjermani e pushtoi gjithe Shqiperine ashtu si ne Europe, pa ne nuk i dimie as varrin Hitlerit e jo ti dime se çfare ka pasur ne mendje ai. Keto jane hamendesime per te turbulluar trurin e njerzeve te sotem qe u intereson kjo rryme antishqiptare. Atyre qe u vete ujet ne aren e tyre, le te vazhdojne te vadisin qe mbase u behet bereqeti, por keta uje eshte me helme dhe do tu a thaj fare.

    Reply to this comment
    • anticensurë 25642654 February 22, 17:24

      lali nuk diskutohet në ka pas a ska pas gjermanë,diskutohet se hitlerit nuk i leverdiste një gjë e tillë!gjë që për ne nuk ka rëndësi!!ne u pushtuam,aspak me dëshirën tonë,dhe luftuam pushtuesin!!pati të tjerë që nuk e lusjtën bithën,por dhe të tjerë që u bashkuan me pushtuesin!!
      ata që e luftuan quhen çlirimtarë(këtu hyjnë të gjithë që kontribuan në luftë,me ose pa pushkë në dorë)!
      ata që e ndihmuan quhen tradhëtarë!!
      pjesa tjetër ka bërë deri diku gjimë berati,ose quhen të pa angazhuar në luftë ose asnjëanës!!

      Reply to this comment
  23. demo February 22, 16:48

    Me ne fund po del e verteta qe thoshin firmetaret e pavaresise Lef Nosi,pater Anton Harapi.Komunistet hodhen gurin dhe fshehen doren,Provokuan ushtrine gjermane qe kaloi neper Shqiperi,per te masakruar popullin shqiptar.Te njejten strategji perdoren serbet duke hedhur derrin ne xhami,per te provokuar vellavrasje midis katolikeve dhe muslimaneve shqiptare.Nese Gjermania do ti kishte shpallur lufte Shqiperise nuk do te mjaftonte e gjithe popullsia e atehershme prej 800 mije banoresh per te mbushur furrat e Aushvicit.

    Reply to this comment
  24. Ardiani February 22, 17:17

    Vertet qe Auron Tare ka sjelle fakte nga arkivat amerikane te cilat japin perhere nje vizion te qarte per historine. Jemi ngopur me ato Xhufet, Milot qe tregojne sipas qejfit tyre ate qe duan te besojne vete. Auroni sjell ate qe te tjeret thone me dokumenta. Ky eshte vertet nje dokument qe ja vlen ta lexosh, nga arkivat amerikane.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*