I ati e dëbon nga shtëpia, adoleshenti e denoncon për dhunë

May 20, 2017 12:26

I ati e dëbon nga shtëpia, adoleshenti e denoncon për dhunë

Një 15-vjeçar ka kallëzuar në polici të atin duke pretenduar se e ka dhunuar dhe e ka detyruar të largohet nga shtëpia.

Menjëherë pas kallëzimit policia ka ndaluar të atin e djalit, Patrik Hysi, 41 vjeç nga Levani i Fierit.

I biri ka deklaruar në polici se është keqtrajtuar, dhunuar dhe detyruar të largohet nga shtëpia, dhunë që është vërtetuar dhe nga mjeku ligjor.

Ndërkaq, ai ka shtuar se i ati nuk e ka lejuar të vazhdojë klasën e nëntë në arsimin e detyrueshëm 9-vjeçar.

Por gjatë marrjes në pyetje të të atit, ai ka mohuar akuzën se nuk e ka lejuar të vazhdojë shkollën. Ai ka pretenduar se i biri është mjaft problematik dhe konsumon lëndë narkotike.

Ndaj 41-vjeçarit rëndon akuza e “keqtrajtimit të të miturve”.

May 20, 2017 12:26
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*