I bëmë gratë drejtoresha

Vargje nga Petrit Zili October 26, 2013 13:40

I bëmë gratë drejtoresha

Hijeshojnë drejtoritë

Blu e ndezur në çdo skaj

Ndaj kudo këto 8 vite

Shkuan punët si në vaj.

 

Titullarët  demokratë

Këto punë i torrën hollë

Me merak i ndreqën gratë

Drejtoresha në çdo shkollë

 

Hidhni sytë sot nëpër shkolla

Nga të doni ta filloni

Sa u lodhën ata burra

Ju kudo do ta shikoni

 

Kish’ telashe burr’i ngratë

Hall me qenë “zyrtar partie”

Se dratë donin si dhuratë

Nga një çelës drejtorie.

 

Dhe askush s’e bënte fjalë

Perfomancën, aftësinë

Çfarëdo ceni ta kanë fal’

Veç ta duash  fort Partinë

 

Le të çirret goj’e ligë

Nga inati të pëlcasë

Ne i kemi sot pa frikë

50 nxënës në një klasë

 

Specialistit i ran’ kokës

Dhe mbi të gjëmoi fshesa

Se ne shkojm përtej  Evropës

Bëjmë mësim me 3 ndërresa

 

Sa i mbajtën mor’ premtimet

Interneti po shkon mbarë

S’kanë komunat telefona?

I kan’ lidh me celular.

 

Na u mblidhshin militantët

Si në dasëm  miq, mikesha

Do të vemë simpatizantët

Qoftë drejtor, qoftë drejtoresha

 

Kush bën sot sikur s’beson

Se kështu është meseleja

Le të nis  të kontrollojë

Emërimet më të reja.

 

Të shikojë dhe organikat

Sa jan’ fryrë e po pëlcasin

Nesër kur t’u bjerë lapsi

Janë të majtët që i ngasin.

 

 

Vargje nga Petrit Zili October 26, 2013 13:40
Komento

2 Komente

  1. lisdushku October 26, 16:04

    Nuk bie druri tek zullumqaret,or jo!Kane bere kaq shume zullumew sa sdi nga tja fillosh me pare1

    Reply to this comment
  2. linda October 26, 19:35

    SHUME E DREJTE

    Reply to this comment
Shiko komentet

Komento

Your e-mail address will not be published.
Required fields are marked*