I dërguari i Merkel “nis nga puna”, Michael Roth takohet me Ramën

May 11, 2018 13:13

I dërguari i Merkel “nis nga puna”, Michael Roth takohet me Ramën

Ministri gjerman për Europën, në Zyrën Federale për Punë të Jashtme Michael Roth është takuar paraditen e të premtes me kryeministrin Edi Rama, ndërkohë që pasdite pritet të takojë kreun e selisë blu, Lulzim Basha.

Të shtunën është parashikuar një takim me ministrin e Jashtëm Ditmir Bushati dhe më pas do të japë një konferencë për shtyp.

Roth para se të vinte në Tiranë ndodhej në Shkup, ku më herët bëri të ditur dhe qëllimin e vizitë së tij, në një kohë që në qershor pritet vendimi për çeljen e negociatave.

Qeveritë në Shkup dhe Tiranë kanë vëne në rrugën e duhur reforma domethënëse. Kjo tregon se për to është e rëndësishme të përafrohen me Bashkimin Europian. Këto reforma jo gjithmonë janë të lehta dhe kërkojnë edhe sakrifica nga qeveria dhe qytetarët. Me rekomandimin për çeljen e negociatave me këto vende Komisioni Europian njohu përpjekjet e konsiderueshme të këtyre vendeve javët dhe muajt e fundit. Shkupi dhe Tirana nuk mund t’ia lejojnë vetes të zbehin këtë ritëm dhe unë do ta bëj tepër të qartë këtë gjatë bisedimeve tona. Në të njëjtën kohë është e rëndësishme që të dy vendeve t’u behet e qartë se këto përpjekje njihen prej nesh. Ky është edhe një tjetër qëllim i udhëtimit tim”, ka thënë ai.

o.j/dita

May 11, 2018 13:13
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*