I preu kokën 12–vjeçarit, vetëvritet në burg monstra e Palasës

September 27, 2017 10:29

I preu kokën 12–vjeçarit, vetëvritet në burg monstra e Palasës

Jorgo Zani, 31-vjeçari i cili kreu vrasjen më makabre të viteve të fundit, atë të 12–vjeçarit në fshatin Palasë, një vit më parë është vetëvrarë.

Ai ka gjetur vdekjen të martën, pasi u hodh nga kati i dytë i burgut të Krujës.

Në një njoftim për mediat, policia thotë se 31–vjeçari është ngjitur nëpërmjet shufrës së hekurit rrufe-pritës dhe është hedhur nga tarraca e katit të dytë, duke ndërruar jetë.

Monstra e Palasës mbrohet në gjyq: “E vrava se më mërziti

Autori, i cili rezulton se ka qenë i shtruar disa herë në psikiatrinë e Vlorës, nuk ka dhënë ndonjë dëshmi për krimin makabër. Burime nga grupi hetimor bënë të ditur dje se të vetmet fjalë për vrasjen, që ai i ka thënë grupit hetimor pas arrestimit në flagrancë, janë këto: “E vrava se më mërziti”.

Që prej këtij momenti e deri tani autori 30- vjeçar ka heshtur, duke mos reaguar në asnjë çast për veprën më të rëndë të dëgjuar prej vitesh në vendin tonë. Jorgo Zani, sipas burimeve të Policisë, ndodhet pa asnjë mjekim, megjithatë, nuk ka dhënë shenja të ndonjë sëmundjeje mendore dhe nuk ka shfaqur asnjë moment agresiviteti. Ai ka qëndruar i heshtur, ndërsa është izoluar në ambientet e paraburgimit të Policisë së Vlorës prej momentit kur mori masën e sigurisë të burgut pa afat.

Pas krimit makabër, gjykata vendosi që autori Zani të qëndrojë në burg, ku do t’i nënshtrohet një ekspertize nga mjekë psikiatër të Tiranës, të cilët do të përcaktojnë gjendjen e tij mendore.

Nga ana e grupit hetimor të ngritur për të zbardhur krimin e ndodhur, më 17 gusht, në Palasë, nuk dihen ende rrethanat në të cilat u vra 12-vjeçari. Asnjë dëshmitar nuk ka pasur në momentin, kur u krye masakra.

Sipas burimeve, nuk u është dhënë dot një shpjegim fjalëve të autorit se viktima e kishte mërzitur dhe prandaj ai e ka vrarë. Nga verifikimet në vendngjarje rezulton se autori e ndoqi fëmijën, djalin e kushërirës së tij, për gati 150 metra me hanxhar në dorë.

Pasi e arriti në rrugën e fshatit e qëlloi për vdekje, duke i prerë kokën fëmijës. Banorët e zonës treguan se autori ishte person me probleme mendore, por në dy raste, spitali psikiatrik i Vlorës e kishte lënë të lirë, me justifikimin se pas marrjes së mjekimit gjendja e tij nuk ishte shqetësuese.

Në fakt, ai u bë personi që solli fatkeqësinë në familjen Zariu, duke i marrë jetën në mënyrë makabre djalit të vogël të saj, vetëm 12 vjeç. Viktima kishte dashur të qëndronte për pushimet e verës te gjyshërit nga nëna, ku dhe iu mor jeta pabesisht.

September 27, 2017 10:29
Komento

2 Komente

  1. Mjekja September 27, 12:53

    Po te semuret psiqike, ashtu e kane…
    Po mjeket qe nuk e kane njohur si te semuret…Ata jane kriminelet e vertete…
    I semuri nuk gjykohet…o zoti gazetar..
    Monstra eshte mjeku qe e la te lire

    Reply to this comment
  2. Ari September 27, 12:56

    Po Rama kur di vrasi ndonjë?

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim