Ikën gjyqtari i tretë i Kushtetueses, Vettingu shkarkon Fatmir Hoxhën

May 10, 2018 13:04

Ikën gjyqtari i tretë i Kushtetueses, Vettingu shkarkon Fatmir Hoxhën

Ashtu si të gjithë gjyqtarët e djegur nga Vettingu deri më tani, edhe Hoxha, sipas inspektimit të KPK-së nuk justifikon pasurinë, konkretisht një apartament me vlerë 142 mijë euro në Tiranë.

Gjatë seancës publike dëgjimore, Komisioneret e vettingut përmendën se Hoxha i është nënshtruar të tre filtrave të vettingut, dhe se Inspektorati i Pasurive deklaron se gjyqtari Kushtetues nuk ka fshehur pasuritë dhe nuk ka kryer deklarim të rremë të tyre.

Por KPK theksoi, komisionerja Xhensila Pine, ka kryer hetim të thelluar ku edhe ka zbuluar se gjyqtari kushtetues nuk justifikon të ardhurat për rreth 1.7 milionë lekë, të përdorura për blerjen e një banese prej 112 metra katrorë në Tiranë.

KPK evidentoi se gjyqtari kushtetues kishte përfituar edhe një kredi lehtësuese prej 5 milionë lekësh, ndërsa rezulton që gjatë blerjes së apartamentit kishte marrë në dy raste borxhe nga miqtë.

Avokati i tij Julian Mërtiri shpjegoi se gjyqtari kushtetues i justifikon të gjitha të ardhurat pasi në një rast gjatë ceremonisë së martesës, të afërmit i kanë dhuruar 270 mijë leke. Pas argumentit se për dasmën ka edhe një kasetë filmike që nuk është marrë nga KPK , avokati justifikoi si të ardhura të pallogaritura edhe paratë e fituara nga shitja e orendive të shtëpisë në qytetin e Shkodrës.

Sipas këtij shpjegimi, rezulton se gjyqtari kushtetues Fatmir Hoxha, me një karrierë 25-vjeçare në gjyqësor është në telashe financiare pasi ka një borxh të pashlyer prej 34 mijë euro dhe një kredi prej 5 milionë lekë që e mbyll pas 17 viteve.

“Shuma është plotësisht e justifikueshme. Hoxha që nga 2011 është emëruar anëtar i Gjykatës Kushtetuese dhe është transferuar nga qyteti i Shkodrës, banesë që e ka shitur me orenditë dhe shuma i përket orendive dhe shtëpisë. Borxhi është ende një borxh që po shlyhet dhe një kredi nga shteti që po e shlyhen sipas kushteve të kontratës përkatëse. Kredia është marrë sipas një VKM të 2007 si një nga funksionarët e lartë”, bëri të ditur Mërtiri.

Në lidhje me pastërtinë e figurës Komisioni i Pavarur i kualifikimit deklaroi se gjyqtari kushtetues ka lidhje të përshtatshme, ndërsa për aftësitë profesionale shtoi se ai ka zvarritur proceset gjyqësore dhe nuk ka zbardhur brenda afateve vendimet gjyqësore.

Veç Fatmir Hoxhës janë shkarkuar nga detyra gjyqtarët Altina Xhoxhaj dhe Fatos Lulo nga Gjykata Kushtetuese dhe aktualisht kanë mbetur pa kaluar në sitën e vettingut edhe Bashkim Dedja dhe Gani Dizdari.

o.j/dita

May 10, 2018 13:04
Komento

2 Komente

  1. dori May 10, 18:42

    Po per keto leket dhe pasurite qe nuk i justifikojne cfare behet.Me logjike ato duhet ti konfiskoje shteti.Ali Pashe Tepelena para 200 vjetesh keshtu bente .I peshonte zyrtaret ne kandar para se ti emeronte .Me pas i peshonte prape. Kur ishin shendoshur dhe ua merrte te gjitha ato qe kishin vjedhur.Shume e thjeshte.Jane leket e vjedhura popullit.

    Reply to this comment
  2. dori May 10, 18:50

    Po per keto leket dhe pasurite qe nuk i justifikojne cfare behet.Me logjike ato duhet ti konfiskoje shteti.Ali Pashe Tepelena para 200 vjetesh keshtu bente .I peshonte zyrtaret ne kandar para se ti emeronte .Me pas i peshonte prape. Kur ishin shendoshur ua merrte te gjitha ato qe kishin vjedhur.Shume e thjeshte.Jane leket e vjedhura popullit.

    Reply to this comment
Shiko komentet

Komento

Your e-mail address will not be published.
Required fields are marked*