INSTAT: Papunësia zbret në 12.1%

June 10, 2019 18:11

INSTAT: Papunësia zbret në 12.1%

Niveli i papunësisë në Shqipëri ka rënë me 0.4 pikë përqindje në tre muajt e parë të këtij viti, krahasuar me një vit më parë. Niveli zyrtar i papunësisë sipas Institutit të Statistikave është 12.1%. Në total 7132 persona në këtë periudhë kanë gjetur punë.

Trajektorja rënëse e shkallës së papunësisë ka vazhduar për të dytin vit rresht tremujor rresht, e mbështetur nga dy degë të rëndësishme, industria dhe shërbimet.

Në sektorin e industrisë punësimi u zgjerua me 3%, te shërbimet me 3.6%,  ndërsa në bujqësi punësimi u ul me 1.8%.

Sërish papunësia tek të rinjtë mban peshën kryesore te numri i të papunëve. 28% e të rinjve të moshës 15- 29 vjeç nuk kanë gjetur ende një punë dhe 8.3 % e tyre klasifikohen si të dekurajuar.

Sipas INSTAT, edhe niveli i pagave për muajt e parë të këtij viti është rritur me 4.9% në terma vjetorë. Pagat në sektorin shtetëror vijojnë të mbeten më të larta se në sektorin privat.

Në Shqipëri paga mesatare ka arritur  51.5 mijë Lekë, ndërsa niveli më i lartë i tyre është në sektorin e shërbimeve financiare.

l.h/ dita

June 10, 2019 18:11
Komento

2 Komente

  1. 321... June 11, 10:55

    Bie papunesia se ikin njerezit jashte e kuptojme kaq gje.

    Reply to this comment
  2. Arben June 11, 15:01

    nga fitorja ne fitorje

    rrofte partia, rrofte shoku edver

    Reply to this comment
Shiko komentet

Komento

Your e-mail address will not be published.
Required fields are marked*