Itali, gazetarja goditet nga gruaja e një bosi mafioz

February 9, 2018 19:47

Itali, gazetarja goditet nga gruaja e një bosi mafioz

 

Gazetarja e TG1, Maria Grazia Mazzola është goditur gjatë një specialeje që po bënte për mafian në Bari.

E ndërsa ka tentuar të intervistojë familjarët e një mafiozi, ajo është goditur nga bashkëshortja e një bosi mafioz të zonës.

Gazetarja ka marrë një goditje me shuplakë të fortë pranë veshit, e menjëherë është shpëtuar nga shëlbyesi i Famullisë së qarkut Libertà, don Francesco Preite.

Mazzola është shoqëruar drejt Poliklinikës së Barit, për të marrë ndihmën e shpejtë, por i është dashur të shtrohet në Repartin e Otorinolaringologjisë.

Aty ka mbërritur edhe prokurori Giuseppe Volpe.

Reagimet nuk kanë vonuar, e i pari ishte kryebashkiaku i Barit, Antonio Decaro, i cili tha se ajo çfarë ka ndodhur është e papranueshme. “Nuk mund të tolerohet një dhunë e këtij lloji, për më tepër përballë një femre dhe një profesionisteje të impenjuar në kërkim të lajmit”, tha ai.

Decaro theksoi vështirësitë me të cilat përballet qarku në fjalë për shkak të kriminalitetit. “Jemi prej kohësh peng i organizatave kriminale që mendojnë të ushtrojnë hegjemoninë e tyre mbi këtë territor edhe përmes këtyre episodeve të dhunshme. Siç e kam thënë disa herë, ne nuk do ta kthejmë kokën në anën tjetër përballë kësaj situate dhe nuk do të lejojmë që emri i qytetit tonë të bashkëngjitet me episode të kësaj natyre. Ai qark quhet Libertà dhe duhet të çlirohet nga krimi i organizuar”.

Ndërkohë, avokati Michele Laforgia e ka denoncuar rastin në instancat e drejtësisë.

a.s/dita

February 9, 2018 19:47
Komento

1 Koment

  1. Dridhe me lesh Monike. February 10, 01:46

    Paska shpetuar mire me nje shpulle rreze veshit, heren tjeter ne vend te shpulles do te kete plumb.
    Jane bere gazetaret me te poshter se prokuroret e mendojne vetem te paprekshem, ndersa per te tjeret keta vetem i baltosin dhe keta te marrin merita e te behen te famshem me “fake news”.
    I lumte dora.

    Reply to this comment
Shiko komentet

Komento

Your e-mail address will not be published.
Required fields are marked*