Izrael, Netanyahu merr fitoren e 5-të

April 10, 2019 19:31

Izrael, Netanyahu merr fitoren e 5-të

Kryeministri izraelit Beniamin Netanjahu siguroi rizgjedhjen të mërkurën, me partitë e krahut të djathtë që pritet t’i dorëzojnë atij mazhorancën parlamentare, pavarësisht kontestit me rivalin e tij të qendrës.

Kur janë numëruar më shumë se 97 për qind e votave, partia konservatore Likud e Netanjahut ka siguruar 65 vende në Parlamentin me 120 ulëse të Izraelit dhe do të shpallet së shpejti si kreu i koalicionit të ri qeverisës, që do të shënojë dhe mandatin e tij të pestë si kryeministër.

Presidenti i shtetit hebre, Reuven Rivlin bëri të ditur në Twitter se javën e ardhshme do të nisë takimet me partitë politike fituese, për të dëgjuar propozimin e tyre për postin e kryeministrit.

Në këto zgjedhje, Netanjahu siguroi 4 ulëse më shumë se koalicioni në ikje i tij.

Është një fitore kolosale”, deklaroi 69-vjeçari përpara një turme mbështetësish të mbledhur përpara selisë së partisë Likud, në Tel Aviv.

Sidoqoftë, rizgjedhja nuk e shpëton Netanjahun nga akuzat për korrupsion, të cilat ai i mohon. Por sipas analistëve, me rimarrjen e detyrës ai ka gjasa të miratojë një ligj që i garanton atij imunitet.

Ndërkohë, duke reaguar ndaj lajmit për fitoren presidenti amerikan Donald Trump u shpreh se rizgjedhja e Netanjahut është një sinjal pozitiv për sigurinë dhe paqen në Lindjen e Mesme.

v.l/ Dita

April 10, 2019 19:31
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim