Kapen kushërinjtë grabitës të karburanteve, grupi drejtohej nga një femër

July 22, 2018 10:10

Kapen kushërinjtë grabitës të karburanteve, grupi drejtohej nga një femër

 

Policia e Fierit zbardh dhe dokumenton vjedhjen e një karburanti dhe tentativën për vjedhje të dy karburanteve të tjerë.

Autore është një femër e cila ka rënë në pranga, ndërsa është shpallur në kërkim  dhe bashkëpunëtori i saj.

Tre ngjarjet kanë ndodhur gjatë këtij muaji, ku Anna Malaj, 31 vjeçe, banuese në fshatin Visokë të Mallakastrës  Mallakastër në bashkëpunim me shtetasin E.G, 22 vjeç, banues në fshatin Belinë të Patosit, kushërinj mes tyre, shkonin për të vjedhur pika të ndryshme karburantesh gjatë orëve të vona të natës.

Policia ka sekuestruar armën me të cilën autorët nën kërcënimin e saj kryenin vjedhjet.

“Të dy këta shtetas (kushërinjë), nën kërcënimin e armës, në datën 02.07.2018, në Levan, kanë vjedhur një pikë karburanti ku kanë marrë shumën prej 30000 lekësh të reja. Në datën 07.07.2018, në Mallakastër, nën kërcënimin e armës kanë tentuar të vjedhin një pikë karburanti por pasi janë ndeshur me punonjësin e karburantit, janë larguar. Në datën 15.07.2018, në lagjen “1 Maji” Fier, në bashkëpunim, duke kërcënuar me armë gjahu teke, kanë tentuar të vjedhin një tjetër pikë karburanti” sqaron policia.

U sekuestruan në cilësinë e provës materiale:

– Automjeti me të cilën shkonin në vendngjarje.

– 1 armë gjahu teke dhe 6 fishekë.

-1 palë doreza dhe 4 targa mjeti të falsifikuara.

Materialet i kaluan Prokurorisë pranë Gjykatës së Shkallës së Parë Fier për veprat penale “Vjedhja me armë”, e kryer në bashkëpunim e mbetur në tentativë” dhe “Prodhimi dhe mbajtja pa leje e armëve dhe municionit luftarak” parashikuar nga Nenet 140, 22, 25, dhe 278 të Kodit Penal.

a.s/dita

July 22, 2018 10:10
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*