Kapen me 8 kg kokainë, arrestohen dy shqiptarë

November 19, 2019 14:51

Kapen me 8 kg kokainë, arrestohen dy shqiptarë

Dy shqiptarë janë arrestuar nga policia italiane e qytetit të Parmës me akuzën e trafikut të drogës.

Në zotërim të tyre janë gjetur 8 kg kokainë e pastër.

Autoritetet e antidrogës italiane kanë arrestuar në flagrancë shqiptarët Lorand Maci e Eduart Cela të cilët trafikonin drogë të tipit kokainë.

Arrestimi i tyre u bë pas një aktiviteti investigativ i cili kishte vënë nën vëzhgim shqiptarin Lorand Maci i cili ishte dhe pronar i një picerie në qytetin e Parmës.

Lorand Maci ishte i njohur nga antidroga italiane pasi më vitin 2008 ishte arrestuar me 2 kg kokainë. Përgjimet e autoriteteve italiane zbardhën se 2 shqiptarët frekuentonin shpesh një garazhd në përdorim të Lorand Macit. Në këtë garazhd u gjetën 8 kg kokainë e konfeksionuar në 8 pako.

Në automjetin tip Fiat 500 në përdorim të Eduart Çelës u gjetën gjithashtu vende të modifikuar enkas për fshehjen e transportimin e drogës.

Dy shqiptarët ndodhen në arrest në burg në pritje të nisjes së procesit gjyqësor.

l.h/ dita

November 19, 2019 14:51
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*